Levhitika 17:5 - BIBELE Mahungu Lamanene

⁵ Mhaka hileswaku Vaisraele va fanele ku teka swifuwo swa vona leswi va swi tlhavaka emakaya, va swi yisa eka muprista enyangweni ya Ntsonga lowo Hlawuleka, va swi humesela HOSI Xikwembu kona, swi va magandzelo ya xinakulobye.

Xitsonga (Bibele)

⁵ Hi leswaku vana va Israele va tisa timhamba leti va ti tlhavaka emananga eka muprista, emahlweni ka Yehovha, enyangweni ya tabernakela ya nhlengeletano, kutani va ti humesela Yehovha, ma ri magandzelo ya ku khensa.

Levhitika 17:5 Referans Kwoze

Ezekiele 22:9

Exikarhi ka wena, ku ni lava lumbetaka varikwavo, va endlela ku va dlaya; van'wana va ya dya nyama ya swifuwo swa magandzelo eswitsungeni, van'wana va endla swilo swa manyala exikarhi ka va ka vona.

Ezekiele 20:28

Ndzi lo na va fikisa etikweni leri ndzi hlambanyeke ku va nyika rona, vona vo sungula ku tsakela switsunga leswo tlakuka ni mirhi leyi tlhumeke, kutani va ya gandzela kona swikwembu swa hava, va ndzi hlundzukisa hi ku yisa kona magandzelo ya vona, ma nga lama hisiwaka ni layo nun'hwela ni ya swakunwa.

2 TIKRONIKA 28:4

A humesa magandzelo ni ku hisa mirhi ya risuna eswitsungeni leswo hlawuleka, ni le swintshabyanini, ni le mindzhutini ya mirhi hinkwayo leyi tlhumeke.

2 TIHOSI 17:10

naswona va yimisile maribye ya vona ya vukhongeri bya hava, ni timhandze ta Axera xikwembukazi, exintshabyanini xin'wana ni xin'wana ni le ndzhutini wa murhi wun'wana ni wun'wana lowu tlhumeke.

2 TIHOSI 16:4

A humesa magandzelo ni ku hisa mirhi ya risuna eswitsungeni leswo hlawuleka, ni le swintshabyanini, ni le ndzhutini wa murhi wun'wana ni wun'wana lowu tlhumeke.

1 TIHOSI 14:23

Na vona va lulamisa switsunga leswo hlawuleka, va yimisa maribye ya vugandzeri bya hava ni timhandze ta Axera xikwembukazi, eswintshabyaneni hinkwaswo ni le ndzhutini wa murhi wun'wana ni wun'wana lowu tlhumeke.

Duteronoma 12:2

Mi fanele ku herisa swivandla hinkwaswo leswi vanhu va tinxaka leti mi nga ta ti tekela tiko a va gandzela swikwembu swa vona eka swona; mi swi herisa swi nyamalala hambi swi ri ehenhla ka tintshava, kumbe eswitsungeni, kumbe ehansi ka murhi wun'wana ni wun'wana lowu tlhumeke; swi heriseni swi nyamalala!

Eksoda 24:5

Kutani Muxe a rhuma majaha ya Israele ku tlhava tihomu, va humesela HOSI Xikwembu magandzelo lama hisiwaka ni ya xinakulobye.

Genesa 31:54

Hiloko Yakobo a humesa magandzelo entshaveni, a vitana va ka vona va ya dya swakudya, kutani va xwa kona vusiku byebyo.

Genesa 22:13

Abrahama a tlakusa mahlo, kutani a vona nyimpfu ya khuna yi phasiwile timhondzo hi xihlahla. Kutani Abrahama a ya yi teka a humesa ha yona gandzelo leri hisiwaka, ematshan'weni ya n'wana wa yena.

Genesa 22:2

Xi ku ka yena: “Teka Isaka n'wana wa wena loyi a ngo va un'we, loyi naswona u n'wi rhandzaka, kutani u ya etikweni ra Moriya u ya humesa ha yena gandzelo leri hisiwaka, u ri humesela ehenhla ka ntshava leyi ndzi nga ta ku komba yona.”

Genesa 21:33

Kutani Abrahama a byala murhi wa “tamarisiki” eBerexeba, a khongelela kona HOSI, xona Xikwembu lexi nga kona hilaha ku nga heriki.

Levhitika 17:6

Kutani muprista ú ta fika a teka ngati, a xuva hi yona alitari ya HOSI Xikwembu enyangweni ya Ntsonga lowo Hlawuleka; a teka ni mafurha, a humesa ha wona magandzelo lama hisiwaka, lawa ku nun'hwela ka wona ku nga ta tsakisa HOSI Xikwembu.

Ezekiele 43:27

Loko vhiki ra kona ri ta va ri herile, hi kona vaprista va nga ta pfumeleriwa ku yima alitarini, va humesa magandzelo ya n'wina yo susa swidyoho ni ya xinakulobye masiku hinkwawo. Kutani mina ndzi ta swi tsakela ndzi swi amukela. Ndzi vula sweswo mina HOSI N'wini wa hinkwaswo.”

Ezekiele 44:15

Xikwembu xi ri: “Vaprista va nyimba ya ka Levhi, vona va ka Sadoki, va hlayisile milawu ya ntirho wa kwala Tempeleni ya mina, enkarhini lowu Vaisraele va nga ndzi fularhela. Hikokwalaho ndzi ta va pfumelela ku ndzi tirhela eTempeleni, va ndzi humesela magandzelo, ku katsa ni mafurha ni ngati. Ndzi vula sweswo mina HOSI N'wini wa hinkwaswo.

1 TIHOSI 3:2

Enkarhini wolowo HOSI Xikwembu a xi nga si akeriwa yindlu ya xona, hikokwalaho vanhu a va tolovele ku humesa magandzelo eswitsungeni leswo hlawuleka.

1 TIHOSI 3:3

Solomoni a a rhandza HOSI Xikwembu, a hanya hi ku yingisa swiletelo swa tata wa yena Davhida. Hi tlhelo rin'wana, Solomoni a a tolovele ku humesa magandzelo ni ku hisa mirhi ya risuna eswitsungeni leswo hlawuleka.