Levhitika 16:8 - BIBELE Mahungu Lamanene

⁸ Kutani Aroni ú ta hlawula xin'we xa swiphongho hi ku hoxa vuhlolotwana, leswaku xi humeseriwa mina HOSI, lexin'wana xi hlawuleriwa Azazele hi byona vuhlolotwana.

Xitsonga (Bibele)

⁸ Kutani Aroni u ta hlahluva hi vuhlolotwana ehenhla ka swiphongo swimbirhi, vuhlolotwana byin'wana byi va bya Yehovha, byin'wana bya Azazele.

Levhitika 16:8 Referans Kwoze

Yonasi 1:7

Hiloko vatluti va byelana va ku: “Tanani, a hi hoxeni vuhlolotwana, hi ta tiva leswaku muvangi wa khombo leri i mani.” Va hoxa, kutani vuhlolotwana byi komba Yonasi.

Swivuriso 16:33

Vanhu va nga vutisa timhaka hi ku hoxa vuhlolotwana, kambe nhlamulo, yi tiva hi HOSI Xikwembu ntsena.

Ezekiele 48:29

HOSI N'wini wa hinkwaswo ú vula sweswo ú ri: “Hi rona tiko leri mi nga ta ri avela tinyimba ta Israele, ni miganga ya kona yi ta va yona yoleyo!”

Tinhlayo 33:54

Mi ta avelana tiko hi ku tirhisa vuhlolotwana. Mi ta nyikiwa ndzhaka ya n'wina hi ku ya hi ntalo wa vanhu va nyimba yin'wana ni yin'wana: Nyimba leyi nga ni vanhu lavo tala, yi ta nyikiwa ndhawu leyikulu, kasi nyimba leyi nga ni vanhu vatsongo yi ta nyikiwa ndhawu leyitsongo. Munhu un'wana ni un'wana ú ta kuma leswi vuhlolotwana byi nga ta komba swona, swi va swa yena.

Tinhlayo 26:55

Loko va averiwa tiko, ku ta tirhisiwa vuhlolotwana; va ta nyikiwa ndzhaka ya vona hi ku landza tinyimba ta ka vona.

Levhitika 16:7

Kutani ú ta teka swiphongho leswimbirhi, a ya yima na swona emahlweni ka mina HOSI, enyangweni ya Ntsonga lowo Hlawuleka.

Levhitika 16:9

Xiphongho lexi vuhlolotwana byi xi hlawuleke ku va xa mina HOSI, Aroni ú fanele ku xi tlhava, a endla ha xona mhamba yo susa swidyoho.

Levhitika 16:10

Loko xi ri xiphongho lexi vuhlolotwana byi xi hlawuleke ku va xa Azazele, Aroni ú ta ta na xona emahlweni ka mina HOSI, xi ri karhi xi hanya, leswaku xi ta rhwexiwa swidyoho swa Vaisraele, xi khayimeriwa eka Azazele emananga.

Levhitika 16:26

“Wanuna loyi a khayimeleke xiphongho eka Azazele, ú fanele ku hlantswa swiambalo swa yena, a hlamba ni miri; hi kona a nga ta tlhelela emixaxeni.