Levhitika 16:6 - BIBELE Mahungu Lamanene

⁶ “Aroni ú fanele ku rhanga a humesa xinkuzana, xi va mhamba yo susa swidyoho, a tibasisa ha xona, a basisa ni va ka vona.

Xitsonga (Bibele)

⁶ Aroni u ta humesa nkunzi ya gandzelo ra xidyoho, a tiphahlela mhamba swin'we ni yindlu ya yena.

Levhitika 16:6 Referans Kwoze

Vaheveru 9:7

Kasi eka ntsonga wa vumbirhi wa le mpfungwe, ku nghena ntsena Muprista Lonkulu, a nghena kan'we ntsena hi lembe, a nga siyi ngati leyi a tihumeselaka magandzelo ha yona, ni ku humesela swidyoho leswi tiko ri swi endleke ku nga ri ha vomu.

Levhitika 9:7

Muxe a ku ka Aroni: “Tshinela kusuhi ni alitari, u ta humesa mhamba ya wena yo susa swidyoho ni magandzelo ya wena lama hisiwaka, leswaku u tibasisa, u basisa ni Vaisraele. Kutani u ta humesa ni magandzelo ya Vaisraele, u va basisa ha wona, hilaha HOSI Xikwembu xi leriseke hakona.”

Vaheveru 7:27

Ú hambanile ni vaprista lavakulu lavaya: A nga boheki ku rhanga a tihumesela, masiku hinkwawo, magandzelo yo riha swidyoho swa yena, a nga si humesela vanhu van'wana emagandzelo yo riha swidyoho swa vona. E-e! Leswi, ú swi endlile kan'we loko a tinyiketile hi yexe.

Ezekiele 43:27

Loko vhiki ra kona ri ta va ri herile, hi kona vaprista va nga ta pfumeleriwa ku yima alitarini, va humesa magandzelo ya n'wina yo susa swidyoho ni ya xinakulobye masiku hinkwawo. Kutani mina ndzi ta swi tsakela ndzi swi amukela. Ndzi vula sweswo mina HOSI N'wini wa hinkwaswo.”

Ezekiele 43:19

Mina HOSI N'wini wa hinkwaswo ndzi ri, lava va nga ta ndzi humesela magandzelo alitarini, hi vona vaprista ntsena, vona va ka Sadoki, va nyimba ya ka Levhi. U ta va lavela nkuzi ya gandzelo ro susa swidyoho,

Ntirho 1:5

Loko masiku ya nkhuvo wo karhi ma herile, Yobo a a tala ku vitana vana va yena leswaku a ta va basisa; hi siku rero a a hubuta, a ya humesa magandzelo lama hisiwaka, a humesela un'wana ni un'wana wa vana lava, hikuva a a ku: “Vana va mina va nga va va dyoherile Xikwembu, va xi rhuketela emiehleketweni ya vona.” Yobo a a endlisa sweswo minkarhi hinkwayo.

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.

Levhitika 16:3

“Siku Aroni a nghenaka exivandleni lexo hlawuleka ngopfu, ú fanele ku ta ni xinkuzana xa mhamba yo susa swidyoho, ni nyimpfu ya khuna ya magandzelo lama hisiwaka.

Levhitika 16:7

Kutani ú ta teka swiphongho leswimbirhi, a ya yima na swona emahlweni ka mina HOSI, enyangweni ya Ntsonga lowo Hlawuleka.