Levhitika 16:5 - BIBELE Mahungu Lamanene

⁵ Naswona ntshungu wa Vaisraele wu fanele ku n'wi nyika swiphongho swimbirhi swa mhamba yo susa swidyoho, ni nyimpfu yin'we ya khuna ya magandzelo lama hisiwaka.

Xitsonga (Bibele)

⁵ U ta nyikiwa hi nhlengeletano ya vana va Israele swiphongo swimbirhi swa gandzelo ra xidyoho, ni khuna ra holokosta.

Levhitika 16:5 Referans Kwoze

2 TIKRONIKA 29:21

A va ri ni tinkuzi ta 7, ni tinyimpfu ta makhuna ta 7, ni swinyimpfana swa 7, ni timbuti ta swiphongho ta 7, va tilulamiserile ku humesa magandzelo yo basisa Tempele ni mhamba yo susa swidyoho swa vanhu va le ntsindza ni swa tiko hinkwaro. Kutani va fika va lerisa vaprista va ndyangu wa ka Aroni leswaku va tlhava swifuwo leswi, va humesa ha swona magandzelo alitarini ya HOSI Xikwembu.

Ezra 6:17

Siku va khanguleke yindlu ya Xikwembu, va humesile tinkuzi ta 100, ni makhuna ya 200, ni swinyimpfana swa 400, ni swiphongho swa 12 hi ku ya hi tinyimba ta vona, yi va mhamba yo susa swidyoho swa Vaisraele hinkwavo.

Tinhlayo 29:11

Va ta tlhava ni xiphongho xin'we xo basisa lava tinyamiseke, ehandle ka xiphongho xa mhamba yo susa swidyoho; naswona va ha ta humesa magandzelo ya masiku hinkwawo, ni mapa ya wona ni vhinyo ya wona.

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Levhitika 8:14

Muxe a ta ni xinkuzana xa mhamba yo susa swidyoho, Aroni ni vana va yena va tlhandleka mavoko ya vona enhlokweni ya xinkuzana lexi.

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

Levhitika 4:3

Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Levhitika 9:2

kutani a ku ka Aroni: “Tana ni xinkuzana xa mhamba yo susa swidyoho, ni khuna ra magandzelo lama hisiwaka, swi va leswo saseka hi swimbirhi ka swona, leswaku u ta swi humesela HOSI Xikwembu;