Levhitika 16:10 - BIBELE Mahungu Lamanene

¹⁰ Loko xi ri xiphongho lexi vuhlolotwana byi xi hlawuleke ku va xa Azazele, Aroni ú ta ta na xona emahlweni ka mina HOSI, xi ri karhi xi hanya, leswaku xi ta rhwexiwa swidyoho swa Vaisraele, xi khayimeriwa eka Azazele emananga.

Xitsonga (Bibele)

¹⁰ Xiphongo lexi vuhlolotwana bya Azazele byi xi hlawuleke, xi ta tisiwa xi ri karhi xi hanya emahlweni ka Yehovha, ku ta endla mhamba ehenhla ka xona ni ku xi tshika xi famba emananga, xi va xa Azazele.

Levhitika 16:10 Referans Kwoze

1 Yohane 2:2

Hi yena mhamba ya swidyoho swa hina, naswona ku nga ri ya swidyoho swa hina ntsena, kambe ni swa vanhu va misava hinkwayo.

1 Yohane 3:16

Hi nga tiva leswi rirhandzu ri nga swona loko hi tiva Kriste, loyi a nyiketeke vutomi bya yena hikwalaho ka hina. Kutani na hina swa hi fanela ku nyiketa vutomi bya hina hikwalaho ka vamakwerhu.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Varhoma 4:25

Hi yena Yesu la nga nyiketiwa leswaku a dlawa hikwalaho ka milandzu ya hina, a tlhela a pfuxiwa eku feni leswaku hi ta ntshunxiwa eka yona.

Varhoma 3:25

Xikwembu xi n'wi vekile leswaku hi ku fa ka yena, vanhu va rivaleriwa swidyoho, loko va pfumela eka yena; xi endlele ku komba hilaha xi endlaka vanhu va va lava lulameke hakona, hikuva a xi hlayelanga vanhu ku dyoha ka vona ka khale, eminkarhini ya ku tsetselela ka xona;

Levhitika 14:7

Kutani ngati leyi, muprista ú ta xuva munhu loyi ka 7 ha yona, kutani a tivisa leswaku muvabyi se ú tengile, a tshika ni xinyanyana lexo hanya xi haha xi tiyela enhoveni.

Levhitika 16:8

Kutani Aroni ú ta hlawula xin'we xa swiphongho hi ku hoxa vuhlolotwana, leswaku xi humeseriwa mina HOSI, lexin'wana xi hlawuleriwa Azazele hi byona vuhlolotwana.

Levhitika 16:9

Xiphongho lexi vuhlolotwana byi xi hlawuleke ku va xa mina HOSI, Aroni ú fanele ku xi tlhava, a endla ha xona mhamba yo susa swidyoho.