Levhitika 15:7 - BIBELE Mahungu Lamanene

⁷ Na yena munhu loyi a khumbaka miri wa loyi a nga ni ndzhundzhwana, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Xitsonga (Bibele)

⁷ La khumbeke miri wa muvabyi loyi, u ta hlantswa tinguvu ta yena a hlamba ematini kambe u ta va la yilaka ku fika nimadyambu.

Levhitika 15:7 Referans Kwoze

Levhitika 15:6

Naswona munhu loyi a tshamaka exitshan'wini lexi munhu wa ndzhundzhwana a tshameke eka xona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Levhitika 15:8

Loko munhu wa ndzhundzhwana a tshwutela munhu la tengeke, loyi a tshwuteriweke ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Levhitika 11:24

“Swiharhi leswi hinkwaswo swi nga mi nyamisa; un'wana ni un'wana loyi a swi khumbaka loko swi file, siku rero ú ta va a nga tenganga ri ko ri pela,

Levhitika 11:25

naswona un'wana ni un'wana loyi a swi rhwalaka loko swi file, ú ta fanela ku hlantswa swiambalo swa yena; hambiswiritano, ú ta va a nga tenganga ri ko ri pela.

Levhitika 11:39

“Loko xiharhi lexi mi pfumeleriwaka ku xi dya xi tshuka xi tifela hi xoxe, munhu loyi a xi khumbaka, siku rero ú ta va a nga tenganga dyambu ri ko ri pela;

Levhitika 22:5

kumbe loko a tshuka a khumbana ni lexi xi nga n'wi nyamisaka, ku nga va xihadyana, kumbe munhu, kumbe swin'wana leswi nga tengangiki.

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”