Levhitika 15:5 - BIBELE Mahungu Lamanene

⁵ Munhu un'wana ni un'wana loyi a khumbaka mubedo wa kona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Xitsonga (Bibele)

⁵ La khumbeke xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

Levhitika 15:5 Referans Kwoze

Levhitika 11:25

naswona un'wana ni un'wana loyi a swi rhwalaka loko swi file, ú ta fanela ku hlantswa swiambalo swa yena; hambiswiritano, ú ta va a nga tenganga ri ko ri pela.

Levhitika 17:15

“Munhu un'wana ni un'wana, a nga va Muisraele kumbe muluveri, loyi a dyaka nyama ya xifuwo lexi nga lo tifela hi xoxe, kumbe lexi dlayiweke hi swivandzana, ú fanele ku hlantswa swiambalo swa yena, a hlamba ni miri; hambiswiritano, siku rero ú ta va a nga tenganga, dyambu ri ko ri pela; kutani hi kona a nga ta va a tengile.

Levhitika 16:26

“Wanuna loyi a khayimeleke xiphongho eka Azazele, ú fanele ku hlantswa swiambalo swa yena, a hlamba ni miri; hi kona a nga ta tlhelela emixaxeni.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Yakobo 4:8

Tshinelani kusuhi ni Xikwembu kutani xi ta tshinela kusuhi na n'wina. Hlambani mandla ya n'wina, n'wina vadyohi, mi basisa timbilu ta n'wina, n'wina vanhu va miehleketo mimbirhi.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Vaheveru 9:26

Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Ezekiele 36:29

Ndzi ta mi kutsula, mi hambana ni swilo hinkwaswo leswi a swi mi nyamisa. Ndzi ta mi nyika swakudya leswo tala, kutani a ku nga ha vi na ndlala etikweni ra n'wina.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Esaya 22:14

Kambe HOSI ya matimba hinkwawo yi ndzi byerile, yi ku: “Ndzi nga ka ndzi nga va rivaleli vudyoho lebyo tano, va kondza va fa!” HOSI ya matimba hinkwawo, N'wini wa hinkwaswo, ú vurisa sweswo.

Esaya 1:16

Hlambani, mi basa; mintirho ya n'wina leyo biha, yi suseni emahlweni ka mina; mi nga ha tlheli mi dyoha,

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Pisalema 51:2

Ndzi hlantswe swinene u ndzi basisa, u susa ku homboloka ka mina ni ku dyoha ka mina.

Pisalema 26:6

We HOSI, ku komba leswaku a ndzi na nandzu, ndzi hlamba mavoko ya mina, kutani ndzi ya rhendzeleka alitari ya wena,

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”

Tinhlayo 19:10

Munhu loyi a olelaka nkuma na yena ú ta hlantswa swiambalo swa yena; siku rero ú ta va a nga tenganga, dyambu ri kondza ri pela. Nawu lowu wu ta boha Vaisraele hilaha ku nga heriki, wu boha ni vanhu lava luveleke exikarhi ka vona.

Levhitika 16:28

Munhu loyi a hisaka swilo leswi, ú fanele ku rhanga a hlantswa swiambalo ni ku hlamba miri, a nga si tlhelela emixaxeni.

Levhitika 14:27

kutani a peta ritiho rin'wana ra voko ra yena lera xinene emafurheni lawa ka 7, a ri karhi a n'watseka emahlweni ka HOSI Xikwembu.

Levhitika 13:34

Hi siku ra vu-7, muprista ú fanele ku tlhela a kambela muvabyi loyi wa swirhumbana swo n'wayisa, kutani loko swi nga hangalakanga ni miri, ni loko swi tikomba swi nga entanga, muprista ú ta tivisa leswaku muvabyi loyi se ú tengile. Muvabyi ú ta hlantswa swiambalo swa yena, kutani ú ta va a tengile.

Levhitika 13:6

Hi siku ra vu-7, muprista ú ta tlhela a n'wi kambela nakambe. Loko xilondza xi ri kusuhi ni ku hola, ni loko vuvabyi byi nga hangalakanga na miri, muprista ú ta tivisa leswaku muvabyi se ú tengile, a wo va ntungu ntsena. Hikokwalaho muvabyi ú fanele ku hlantswa swiambalo swa yena, kutani ú ta va a tengile.

Levhitika 11:32

Loko xin'wana xa swihadyana leswi xi fa, kutani xi wela ehenhla ka xilo lexi vatliweke kunene, kumbe lexi nga lo rhungiwa, kumbe xa dzovo kumbe saka, kumbe xin'wana xo fana na sweswo lexi tirhisiwaka emutini, xilo xexo xi fanele ku hoxiwa ematini; hambiswiritano xi ta va xi nga tenganga dyambu ri ko ri pela, kutani hi kona xi nga ta tlhela xi va lexi tengeke.

Levhitika 11:28

loyi a swi rhwalaka loko swi file, ú fanele ku hlantswa swiambalo swa yena; hambiswiritano ú ta va a nga tenganga dyambu ri ko ri pela. Eka n'wina, swiharhi leswi a swi ve leswi nga tengangiki.

Eksoda 19:10

Kutani HOSI Xikwembu xi ku ka Muxe: “Famba u ya byela vanhu leswaku namuntlha ni mundzuku va tibasisela ku gandzela, va hlantswa ni swiambalo swa vona.

Levhitika 15:4

Mubedo wihi ni wihi lowu munhu wa ndzhundzhwana a etlelaka eka wona, ni xitshamu xihi ni xihi lexi a tshamaka eka xona, swi ta va swi nga ha tenganga.

Levhitika 15:6

Naswona munhu loyi a tshamaka exitshan'wini lexi munhu wa ndzhundzhwana a tshameke eka xona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

1 SAMIELE 20:26

Hi siku rero, Sawulo a nga vulanga nchumu, hikuva a a ku: “Davhida ú lo tshuka a humelela hi swin'wana; ú ta va a nga basanga; kutani xi nga va xi ri xona xivangelo.”

Levhitika 11:24

“Swiharhi leswi hinkwaswo swi nga mi nyamisa; un'wana ni un'wana loyi a swi khumbaka loko swi file, siku rero ú ta va a nga tenganga ri ko ri pela,

Levhitika 15:18

Loko wanuna a etlela ni wansati, va fanele ku hlamba hi vumbirhi bya vona; hambiswiritano, siku rero va ta va va nga tenganga, dyambu ri ko ri pela.