Levhitika 15:21 - BIBELE Mahungu Lamanene

²¹ Naswona un'wana ni un'wana loyi a khumbaka mubedo wa wansati wo tano, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Xitsonga (Bibele)

²¹ Mani na mani la khumbaka xilawu xa yena, u ta hlantswa tinguvu ta yena a hlamba ematini, kambe u ta va la yilaka ku fika nimadyambu.

Levhitika 15:21 Referans Kwoze

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Vaheveru 9:26

Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

2 Vakorinto 7:1

Vanakulorhi, switshembiso leswi swi nyikiwile hina. Hikokwalaho, hi fanele ku tibasisa, hi susa thyaka hinkwaro ra miri ni ra moya, hi ringeta ku hanya vutomi lebyo hlawuleka swinene, hi ri karhi hi chava Xikwembu.

Esaya 22:14

Kambe HOSI ya matimba hinkwawo yi ndzi byerile, yi ku: “Ndzi nga ka ndzi nga va rivaleli vudyoho lebyo tano, va kondza va fa!” HOSI ya matimba hinkwawo, N'wini wa hinkwaswo, ú vurisa sweswo.

Levhitika 15:20

Xilo xin'wana ni xin'wana lexi wansati loyi a etlelaka eka xona kumbe ku tshama eka xona emasikwini ya yena ya n'hweti, xi ta hundzuka lexi nga tengangiki.

Levhitika 15:22

Hambi a ri munhu loyi a khumbaka laha wansati loyi a tshameke kona, ú fanele ku hlantswa swiambalo swa yena, a tlhela a hlamba ni miri; hambiswiritano, siku rero ú ta va a nga tenganga, dyambu ri ko ri pela.

Levhitika 11:24

“Swiharhi leswi hinkwaswo swi nga mi nyamisa; un'wana ni un'wana loyi a swi khumbaka loko swi file, siku rero ú ta va a nga tenganga ri ko ri pela,

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”