Levhitika 14:7 - BIBELE Mahungu Lamanene

⁷ Kutani ngati leyi, muprista ú ta xuva munhu loyi ka 7 ha yona, kutani a tivisa leswaku muvabyi se ú tengile, a tshika ni xinyanyana lexo hanya xi haha xi tiyela enhoveni.

Xitsonga (Bibele)

⁷ Kutani u ta xuva ha yona kantlhanu ni kambirhi ehenhla ka loyi a faneleke ku basisiwa nhlokonho, u ta n'wi vula la tengeke, kutani a tshika nyanyana leyi hanyaka yi hahela emananga.

Levhitika 14:7 Referans Kwoze

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Esaya 52:15

Kambe sweswi, ú ta hlamarisa vanhu lavo tala, tihosi ti ta pfumala lexi ti nga xi vulaka. Vanhu va ta vona leswi va nga si tshamaka va swi vona, va ta tiva ni leswi a va nga swi tivi.”

2 TIHOSI 5:14

Hiloko Naamani a rhelela a ya enambyeni wa Yordani, a tipeta ka-7 ematini, hilaha munhu wa Xikwembu a vuleke hakona; kutani miri wa yena wu hlukela, wu fana ni wa xihlangi, a va loyi a basisiweke.

2 TIHOSI 5:10

Elixa a rhuma munhu, a ya eka Naamani a ya ku: “Famba u ya hlamba ka-7 enambyeni wa Yordani, kutani miri wa wena wu ta hlukela, u ta va loyi a basisiweke.”

1 Petro 1:2

va nga lava hlawuriweke khale hi makungu ya Xikwembu Tatana, va hlawulekisiwa hi Moya leswaku va yingisa Yesu Kriste ni ku xuviwa hi ngati ya yena, ndzi ri: Tintswalo ni ku rhula a swi ve na n'wina swi mi talela.

Vaheveru 9:19

Hikuva loko xileriso xin'wana ni xin'wana xa Nawu xi tivisiwile hi Muxe eka vanhu hinkwavo, ú tekile ngati ya marhole ni mati, a teka ni voya byo tshwuka ni matluka ya hisopa, a xuva ha swona buku ya Nawu ni vanhu hinkwavo,

Vaheveru 9:13

Hikuva, leswi vanhu lavo ka va nga tenganga va hlawulekisiwaka hi ku kuma ku basisiwa emirini wa vona, loko va xuviwa hi ngati ya timbuti, ni ya tinkuzi, kumbe hi nkuma wa thokazi leri hisiweke,

1 Yohane 5:6

Yesu Kriste hi yena loyi a teke eka hina hi mati ya nkhuvulo wa yena, ni ngati ya ku dlawa ka yena; ku nga ri hi mati ntsena, kambe hi mati ni ngati. Kutani Moya i mbhoni ya swona, hikuva Moya i ntiyiso.

Vaheveru 12:24

mi tile ni le ka Yesu, muyimeri wa ntwanano lowuntshwa, ni le ngatini leyi halatiweke, leyi vulaka leswikulu ku tlula ngati ya Avele.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Vaheveru 9:26

Hikuva loko swi ri tano, Kriste a a ta va a fanele ku twisiwa ku vaviseka kambe na kambe, ku sukela loko misava yi tumbuluka. Kasi, hilaha swi nga hakona, ú humelele kan'we swi hela kwalaho, sweswi ku nga fika minkarhi ya makumu, a endlela ku susa xidyoho hi ku tinyiketa ka yena a va mhamba.

Vaheveru 9:21

Hi mukhuva wolowo, ú xuvile hi ngati ya kona entsonga ni swibya hinkwaswo leswi tirhisiwaka eku gandzeleni.

Yohane 19:34

Hambiswiritano, un'wana wa masocha a n'wi tlhava tsheve hi tlhari, kutani kan'we-kan'we ku huma ngati ni mati.

Mikiya 7:19

U ta tlhela u hi twela vusiwana, u herisa milandzu ya hina hinkwayo; swidyoho swa hina u ta swi cukumeta hinkwaswo, swi ya wela eswidziveni swa lwandle.

Daniele 9:24

“ ‘Xikwembu xi bohile leswaku a ku nga hundzi malembe ya 70 ntsena, kambe ku ta hundza nkarhi wa malembe ya 7 lama hlayiwaka ka 70, leswaku timhaka ta vanhu va ka n'wina ni ta muti wa ka n'wina lowo hlawuleka ti kondza ti hetiseka: Enkarhini wolowo, ku homboloka ni ku dyoha swi ta hela; milandzu yi ta rihiwa, ku ta va ni ku lulama loku nga heriki; swivono ni marito ya vaprofeta swi ta hetiseka, kutani xivandla lexo hlawuleka ngopfu xi ta nyiketiwa hi vuntshwa eka Xikwembu.

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Pisalema 51:2

Ndzi hlantswe swinene u ndzi basisa, u susa ku homboloka ka mina ni ku dyoha ka mina.

Levhitika 16:22

Hi ndlela leyi, xiphongho xi ta rhwala mintirho hinkwayo leyo biha ya Vaisraele, xi yi yisa endhawini ya le kule; kutani wanuna loyi a khayimaka xiphongho, ú ta xi siya kwale mananga.

Levhitika 16:19

Kutani ú ta peta ritiho ra yena engatini ka 7, a ri karhi a yi n'watseka, a yi kongomisa etlhelweni ra alitari; ú ta basisa alitari ni ku yi hlawulekisa, hikuva Vaisraele va ta va va yi nyamisile.

Levhitika 16:14

Kutani Aroni ú fanele ku peta ritiho ra yena kan'we engatini ya xinkuzana, a yi n'watseka ehenhla ka xitshamu xa ndzivalelo hi tlhelo ra le vuxeni, a tlhela a peta ritiho ka 7, a ri karhi a n'watseka ngati a yi kongomisa emahlweni ka Areka.

Levhitika 14:51

Kutani ú ta teka ximhandzana xa murhi wa kedari, ni rhavi ra ximudyana xa hisopa, ni ngoti ya muhlovo wo tshwuka, ni xinyanyana lexo hanya, a swi peta ka 7 engatini ya xinyanyana lexi dlayiweke, ni le matini layo basa, a ri karhi a xuva yindlu ha swona.

Levhitika 13:17

Muprista ú ta fika a n'wi kambela, kutani loko a kuma leswaku swilondza swi horile, swi basile, ú fanele ku tivisa leswaku muvabyi ú tengile; munhu loyi ú ta va a tengile hakunene.

Levhitika 13:13

Loko swi ri tano, muprista ú fanele ku tlhela a kambela muvabyi. Loko a kuma leswaku miri wa yena hinkwawo wu lo pomeriwa ntsena hi vuvabyi bya nhlonge, ú fanele ku tivisa leswaku muvabyi se ú tengile. Miri wa yena hinkwawo wu ta va wu kwalarile hi mhaka ya vuvabyi lebyi, kutani ú ta va a tengile.

Levhitika 8:11

kutani a teka mafurhanyana a xuva alitari ha wona ka 7, a tlhela a yi tota, a tota ni swibya swa yona hinkwaswo, ni sambelo ni xikhatelo xa rona, a swi hlawulekisa.

Levhitika 4:17

a fika emahlweni ka HOSI Xikwembu, a peta ritiho ra yena engatini leyi ka 7, a ri karhi a yi n'watseka a yi kongomisa etlhelweni ra xisirhelelo;

Levhitika 4:6

a fika emahlweni ka HOSI Xikwembu, a peta ritiho ra yena engatini ka 7, a ri karhi a yi n'watseka, a yi kongomisa etlhelweni ra xisirhelelo xa le xivandleni lexo hlawuleka,

Tinhlayo 19:12

Kutani eka siku ra vunharhu, ú ta hlamba miri, a tlhela a hlamba hi siku ra vu-7, ku va kona a nga ta va a tengile; loko a nga endli sweswo, ú ta tshama a nga tenganga.