Levhitika 14:12 - BIBELE Mahungu Lamanene

¹² Kutani muprista ú ta tlhava xin'wana xa swinyimpfana leswa makhuna xi va xa magandzelo yo riha milandzu, a humesa nyama ya kona swin'we ni mafurha lawa ya le xikhudzeni a widzela HOSI Xikwembu, swi va nyiko ya xona leyo hlawuleka.

Xitsonga (Bibele)

¹² Kutani muprista u ta teka xin'wana xa swinyimpfana, a xi humesa ku phahla mhamba ya ku riha ni loga ya mafurha; a swi ndziwita yi va nyiko leyi ndziwitiweke emahlweni ka Yehovha.

Levhitika 14:12 Referans Kwoze

Eksoda 29:24

Swilo leswi hinkwaswo, u ta swi khomisa Aroni ni vana va yena, u va byela ku ndzi widzela swona, yi va nyiko leyo hlawuleka ya mina HOSI Xikwembu.

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Eksoda 29:22

“U ta teka mafurha ya khuna leri, ni ncila, ni mpambani, ni tlhelo lero saseka ra xivindzi, ni tinso ha timbirhi ka tona ni mafurha ya kona, ni nenge wa xinene, hikuva i khuna leri tlhaveriwaka ku vekiwa ka vaprista;

Eksoda 29:26

“U ta teka xifuva xa khuna leri tlhaveriwaka ku vekiwa ka Aroni, u ndzi widzela xona, yi va nyiko leyo hlawuleka ya mina HOSI Xikwembu; hi yona nyama leyi u nga ta kuma yona eka xifuwo lexi.

Levhitika 14:10

“Hi siku ra vu-8, munhu loyi ú ta ta ni swinyimpfana swimbirhi swa makhuna leswi nga solekiki, ni xinyimpfana xa thokazi xa lembe rin'we lexi nga solekiki, ni xitshatshana xin'we xa mapa lamanene, ma nga mapa ya magandzelo ya swa le masin'wini lama pfanganyisiweke ni mafurha; naswona ú ta ta ni xikhudzanyana xin'we xa mafurha man'wana.

Levhitika 14:11

Muprista loyi a nga ku basiseni ka munhu loyi, ú ta n'wi teka, swin'we ni swilo leswi, a n'wi yisa emahlweni ka HOSI Xikwembu enyangweni ya Ntsonga lowo Hlawuleka.

Levhitika 14:19

Muprista ú ta humesa ni mhamba yo susa swidyoho, a basisa ha yona munhu loyi a nga tengangiki. Endzhaku ka sweswo, muprista ú ta tlhava xifuwo xa magandzelo lama hisiwaka,

Levhitika 5:15

“Munhu a nga tshuka a dyoha, kambe ku nga ri ha vomu, a rivala ku humesela mina Hosi mihlengo leyo hlawuleka. Munhu wo tano, ú fanele ku humesa rin'wana ra makhuna ya ntlhambi wa yena leri nga solekiki, ra nxavo lowu vekiwaka hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; ú ta ta ni khuna leri, ri va gandzelo ro riha nandzu wa yena.