Levhitika 13:2 - BIBELE Mahungu Lamanene

² “Loko munhu a tshuka a va ni laha ku pfimbeke emirini wa yena, kumbe a huma xilondza kumbe xirhumbana, kutani swi vonaka onge o va ni vuvabyi bya nhlokonho, munhu loyi ú fanele ku yisiwa eka muprista Aroni kumbe eka un'wana wa vana va yena, va nga vaprista.

Xitsonga (Bibele)

² “Kutakuloko munhu a vona enhlongeni ya miri wa yena tshumba, kumbe xilondza, kumbe xivati lexi lavaka ku hundzuka vuvabyi bya nhlokonho enhlongeni ya miri wa yena, va ta n'wi tisa eka Aroni, muprista, kumbe eka un'wana wa vana va yena va vaprista.

Levhitika 13:2 Referans Kwoze

Duteronoma 24:8

“Loko mi tshuka mi humeleriwa hi vuvabyi bya nhlokonho, tivoneleni swinene, mi endla hinkwaswo leswi vaprista va yindlu ya ka Levhi va nga ta mi lerisa swona, mi yingisa swileriso leswi ndzi va nyikeke swona.

Levhitika 14:3

kutani muprista ú ta n'wi teka a ya n'wi kambela ehandle ka mixaxa. Loko muvabyi a nga ha ri na wona nhlokonho,

Luka 17:14

Loko Yesu a va vona, a ku ka vona: “Fambani, mi ya tikomba eka vaprista.” Kakuloko va ha ya kona, va basisiwa.

Luka 5:14

Kutani Yesu a n'wi lerisa a ku: “U nga tshuki u byela munhu swilo leswi, kambe famba, u ya tikomba eka muprista, u humesa swa ku basisiwa ka wena, hilaha Muxe a leriseke hakona; swi ta va vumbhoni eka vona.”

Marka 1:44

“Tivonele, u nga tshuki u byela munhu swilo leswi, kambe famba, u ya tikomba eka muprista, u humesa swa ku basisiwa ka wena leswi lerisiweke hi Muxe, swi ta va vumbhoni eka vona.”

Matewu 8:4

Yesu a ku ka yena: “Tivonele, u nga tshuki u byela munhu swilo leswi; kambe famba, u ya tikomba eka muprista, u humesa mhamba leyi nga lerisiwa hi Muxe, swi ta va vumbhoni eka vona.”

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Esaya 3:17

Hikokwalaho, vavasati va Siyoni, mina HOSI N'wini wa hinkwaswo ndzi ta va guvula misisi hi mantshasi, va sala ni mimpandla.”

Esaya 1:6

Ku sukela eswikunwanini ku ya fika enhlokweni, ku hava laha ku nga vaviki; miri hinkwawo i mafelangati ni swilondza, a wu si hlantswiwa kumbe ku boheleriwa; wu tele maphokolo lama humaka ngati, ni murhi a wu cheriwanga.

2 TIHOSI 5:27

Vona ke, nhlokonho ya Naamani yi ta ku namarhela wena ni vatukulu va wena hilaha ku nga heriki.” Kutani Gehazi a suka eka Elixa, a khomiwile hi nhlokonho, a hundzukile muvala a fana ni gamboko.

2 TIHOSI 5:1

Naamani, mufambisi wa mavuthu ya le Siriya, a a ri nkulukumba ehubyeni ya n'wini wa yena hosi ya Vasiriya. A a ri munhu wo chaviseka, hikuva ha yena HOSI Xikwembu a xi nyikile Vasiriya ematimba yo hlula valala va vona. Kambe nhenha leyi ya matimba, a yi karhatiwa hi vuvabyi bya nhlokonho.

2 SAMIELE 3:29

Nandzu lowu a wu ve ehenhla ka yena Yowabu ni va ka vona hinkwavo. Vanhu lava a va rhukaniwe. Exikarhi ka vona, ku nga pfumaleki ni siku ni rin'we lava nga ta va ni vuvabyi bya tingana kumbe bya nhlokonho; ku nga pfumaleki matoya, ni lava nga ta ya fela enyimpini, ni lava nga ta pfumala swakudya!”

Duteronoma 28:27

HOSI Xikwembu xi ta mi vangela mavabyi ya ntsandza-vatshunguri, ma nga matshumba yo fana ni lama humeke Vaegipta, ni swifambi, ni gwembe, ni tinhlalu.

Tinhlayo 12:10

na rona papa ri suka ehenhla ka Ntsonga, kutani Meriyamu a kumeka a ri ni vuvabyi bya nhlokonho, miri wa yena hinkwawo wa basulukile ku fana ni gamboko.

Levhitika 14:35

Loko swi va tano, n'wini wa yindlu ya kona ú fanele ku ya vikela muprista, a ku: ‘Ku ni swin'wana swo fana ni nkurhe endlwini ya mina.’

Tinhlayo 12:12

Meriyamu a nga tshuki a fana ni loyi a humaka ekhwirini ra mana wa yena a file, ni xiphemu xin'wana xa miri wa yena xi dyekile.”

Levhitika 13:1

HOSI Xikwembu xi vulavula na Muxe na Aroni, xi ku ka vona:

Levhitika 13:3

Muprista ú ta kambela laha ku vavaka kona enhlongeni. Loko voya bya laha ku nga ni xilondza byi sungula ku kwalala, ni loko xilondza xa kona xi tikomba xi entile, muprista loyi a n'wi kambeleke ú ta tivisa leswaku muvabyi loyi a nga ha tenganga.

Levhitika 13:8

Loko muprista a n'wi kambela, kutani a kuma leswaku vuvabyi byi hangalakile ni miri, ú ta tivisa leswaku muvabyi a nga ha tenganga; ú na nhlokonho.