Levhitika 12:5 - BIBELE Mahungu Lamanene

⁵ Kasi loko wansati a veleka n'wana wa nhwanyana, ú ta va a nga tenganga ku ringana mavhiki mambirhi; swi fana ni loko a nga tenganga emasikwini ya yena ya n'hweti. Wansati loyi ú ta tshama masiku ya 66, a tibasisa hikwalaho ka ngati ya yena leyi humeke.

Xitsonga (Bibele)

⁵ Loko a velekile wanhwanyana u ta va la nga tengangiki hi mavhiki mambirhi, kukotisa emasikwini ya tin'hweti ta yena, kutani u ta tshama ekaya hi masiku ya 66, hikwalaho ka ngati ya yena, a ri karhi a hlamba.

Levhitika 12:5 Referans Kwoze

Levhitika 12:4

Endzhaku ka sweswo, wansati loyi ú ta tshama masiku ya 33, a tibasisa hikwalaho ka ngati ya yena leyi humeke. Hi nkarhi lowu, a nga fanelanga ku khumba swilo leswi hlawulekeke, naswona a nga ngheni exivandleni lexi hlawulekeke, ku kondza masiku ya ku basisiwa ka yena ma hela.

Levhitika 12:2

ku ya vulavula ni Vaisraele, a ku ka vona: “Loko wansati a tika, kutani a veleka n'wana wa mufana, wansati yoloye ú ta va nga tenganga ku ringana masiku ya 7; swi fana ni loko a nga tenganga emasikwini ya yena ya n'hweti.

Genesa 3:13

Kutani HOSI Xikwembu xi ku ka wansati: “I mhaka muni leyi u yi endleke xana?” Wansati a ku: “Mina ndzi lo kanganyisiwa hi nyoka, kutani ndzi dya.”

Levhitika 12:6

“Loko masiku ya ku basisiwa ka wansati la velekeke n'wana wa mufana kumbe wa nhwanyana ma ta va ma herile, wansati yoloye ú fanele ku lava xinyimpfana xa lembe rin'we xo humesa magandzelo lama hisiwaka, ni tuva kumbe vondlo ra tuva ro humesa mhamba yo susa swidyoho, kutani a ya na swona eka muprista enyangweni ya Ntsonga lowo Hlawuleka.