Levhitika 11:2 - BIBELE Mahungu Lamanene

² ku ya vulavula ni Vaisraele, va va tivisa marito ya xona lama nge: “Exikarhi ka swiharhi hinkwaswo leswi hanyaka laha misaveni, leswi mi nga swi dyaka hi leswi:

Xitsonga (Bibele)

² “Byelani vana va Israele, mi ku: ‘Swifuwo leswi mi nga ta swi dya exikarhi ka swifuwo hinkwaswo leswi nga la emisaveni hi leswi:

Levhitika 11:2 Referans Kwoze

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Matewu 15:11

Leswi nghenaka enon'weni, a hi swona leswi nyamisaka munhu, kambe leswi humaka enon'weni, hi swona leswi nyamisaka munhu.”

Levhitika 11:11

Minkarhi hinkwayo, ku dya nyama ya swona swi ta yila eka n'wina, hambi ku ri ku swi khumba loko swi file, swa yila.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Daniele 1:8

Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Ezekiele 4:14

Hiloko ndzi hlamula ndzi ku: “Yo HOSI N'wini wanga, a ndzi si tinyamisa ku sukela evuhlangini bya mina ku ta fika namuntlha; a ndzi si tshama ndzi dya nyama ya xifuwo lexi feke hi xoxe, kumbe lexi dlayiweke hi swiharhi swa nhova. Hambi swi ri leswi yirisiweke, a ndzi si dya ni siku ni rin'we!”

Levhitika 11:39

“Loko xiharhi lexi mi pfumeleriwaka ku xi dya xi tshuka xi tifela hi xoxe, munhu loyi a xi khumbaka, siku rero ú ta va a nga tenganga dyambu ri ko ri pela;

Levhitika 11:34

swakudya leswi tengeke, loko swo cheriwa mati lama humaka exibyeni xexo, swi ta va swi nga ha tenganga; hambi swi ri swakunwa leswi tengeke leswi cheriwaka exibyeni xexo, swi ta va swi nga ha tenganga.

Levhitika 11:29

“Exikarhi ka swihadyana leswi tateke misava, leswi nga tengangiki eka n'wina hi leswi: Timfukuzani, ni makondlo, ni minkwahle hi tinxaka-xaka ta yona;

Levhitika 11:21

Eka swona, mi nga dya ntsena leswi nga ni tincondzo to tlula ha tona.

Levhitika 11:13

“Exikarhi ka tinyanyana, leti ti yilaka ku ti dya hi leti: I magama, ni makoti, ni tinkhozi;

Levhitika 11:9

“Exikarhi ka swilo hinkwaswo leswi hanyaka ematini, ku nga va elwandle kumbe emilambyeni, mi nga dya ntsena leswi nga ni swicapila ni mahakatimba.

Levhitika 11:4

Hambiswiritano, exikarhi ka swiharhi leswi gayelaka kumbe leswi swinyondzwana swa swona swi avaneke, leswi mi nga fanelangiki ku swi dya hi leswi: I kamela; ya gayela, kambe eka n'wina a yi ve leyi nga tengangiki, hikuva a yi na swinyondzwana leswi avaneke;

Levhitika 11:1

HOSI Xikwembu xi byela Muxe na Aroni

Levhitika 11:3

Mi nga dya xiharhi xin'wana ni xin'wana lexi swinyondzwana swa xona swi avaneke hi le xikarhi, naswona swi ri leswi gayelaka.