Levhitika 10:9 - BIBELE Mahungu Lamanene

⁹ “Wena ni vana va wena, mi nga tshuki mi ya nghena eka Ntsonga lowo Hlawuleka loko mi nwile vhinyo kumbe byala, hikuva mi nga fa. Nawu lowu mi fanele ku wu landzelela, n'wina ni vatukulu va n'wina, hilaha ku nga heriki.

Xitsonga (Bibele)

⁹ “Mi nga tshuki mi nwa vhinyo ni byalwa, hambi u ri wena, hambi va ri vana va wena, loko mi ta nghena etabernakeleni ya nhlengeletano, mi nga ta fa; i nawu lowu nga heriki etinxakeni hinkwato,

Levhitika 10:9 Referans Kwoze

Luka 1:15

hikuva ú ta va nkulukumba emahlweni ka Hosi; a nga ka a nga nwi vhinyo ni byalwa, kambe ú ta tala Moya lowo Kwetsima a nga si velekiwa.

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Ezekiele 44:21

A ku na muprista na un'we la nga ta nghena exivaveni xa le ndzeni emahlweni ka Tempele, loko a nwile vhinyo.

Esaya 28:7

Vaprista ni vaprofeta, na vona va rhurhumela hi mhaka ya vhinyo, va dedeleka-dedeleka hi byalwa; vhinyo yi va hlanganisile nhloko, byalwa bya va dedelekisa; hikokwalaho swivono a va ha koti ku swi hlamusela, va tsandzeka ni ku avanyisa timhaka.

1 Timotiya 3:8

Vatirheli ekerekeni na vona va fanele ku va lava chavisekaka, va nga vi na milomo mimbirhi, va nga tinyiketi ebyalweni, va nga vi na makwanga yo lava ku vuyeriwa;

Tinhlayo 6:3

ú ta fanela ku hambana ni vhinyo ni byalwa, a nga tshuki a nwa ntsuvi wihi ni wihi, naswona a nga tshuki a nwa dzova kumbe ku dya mihandzu ya vhinya leyi tsakamaka kumbe leyi omisiweke.

1 Timotiya 5:23

U nga ha nwi mati ntsena, kambe nwana vhinyonyana, hileswi u karhatekaka endzeni ni ku tala ku va ni switlhavitlhavi emirini.

Hosiya 4:11

Vhinyo ya khale ni leyintshwa yi va dlayile mano:

Swivuriso 20:1

Vhinyo ya sandzisa, byalwa byi vanga huwa, hinkwavo lava yengiwaka hi swona, a va tlharihanga.

Tinhlayo 6:20

kutani muprista ú ta humesa swilo leswi emahlweni ka mina HOSI Xikwembu yi va nyiko leyo hlawuleka; hi swona leswo hlawuleka leswi nga ta lawuriwa muprista, swi tlhandlekela nhlengo lowu muprista a fanelaka ku nyikiwa wona, ku nga xifuva ni nenge. Kutani endzhaku ka sweswo, Munaziri a nga ha tinwela vhinyo.

Levhitika 3:17

Hinkwako lomu mi nga ta va mi tshama kona, mi nga tshuki mi dya mafurha kumbe ngati. Nawu lowu, mi fanele ku wu landza, n'wina ni vatukulu va n'wina hilaha ku nga heriki.”

Levhitika 10:8

HOSI Xikwembu xi vulavula na Aroni, xi ku:

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”