Levhitika 10:12 - BIBELE Mahungu Lamanene

¹² Kutani Muxe a vulavula na Aroni ni vana va yena lava saleke, Eliyazara na Itamara, a ku ka vona: “Leswi swi saleke eka magandzelo ya swa le masin'wini lama hiseriweke HOSI Xikwembu, swi tekeni, mi ya swi dyela kusuhi ni alitari swi nga cheriwanga comela, hikuva swi hlawulekile ngopfu.

Xitsonga (Bibele)

¹² Muxe a byela Aroni, na Eliyazara, na Itamara, vana va yena lava n'wi saleleke, a ku: “Tekani leswi seleke swa timhamba leti hiseriweke Yehovha, mi dya swona swi nga ri na comela, mi ri ekusuhi ni alitari, hikuva i xilo lexi kwetsimaka ngopfu.

Levhitika 10:12 Referans Kwoze

Levhitika 21:22

Hambiswiritano, wa pfumeleriwa ku dya swakudya swa magandzelo lama humeseriweke mina exivandleni lexo hlawuleka ngopfu, a nga dya ni tinyiko leto hlawuleka.

Ezekiele 44:29

Hinkwaswo leswi Vaisraele va swi nyiketaka eka mina, loko va ndzi tisela swa le masin'wini kumbe loko va ndzi humesela magandzelo yo susa swidyoho kumbe yo riha milandzu, hi swona leswi vaprista va nga ta kuma swona.

Levhitika 7:9

Muprista loyi a fambisaka ntirho wa magandzelo ya swa le masin'wini, ú ta kuma leswi swekiweke kunene, kumbe leswi oxiweke kumbe leswi katingiweke.

Eksoda 29:2

U ta lava ni xinkwa, ni swimbhundzwa leswi swekiweke hi mafurha, ni xinkwa xo oma lexi totiweke mafurha, hinkwaswo swi ri leswi swekiweke hi mapa lamanene ya koroni, swi nga cheriwanga comela.

Eksoda 6:23

Aroni a a tekile Elixeba N'wa-Aminadaba makwavo wa Nahaxoni; kutani Elixeba a veleka, Nadabu, na Abihu, na Eliyazara, na Itamara.

Levhitika 10:13

Mi fanele ku swi dyela endhawini leyi hlawulekeke, wena ni vana va wena, hikuva i xiphemu lexi mi kumaka xona eka leswi hiseriwaka HOSI Xikwembu; sweswo hi leswi ndzi lerisiweke swona.

Tinhlayo 3:2

Vana va Aroni hi lava: Nadabu mativula ya kona, na Abihu, na Eliyazara, na Itamara.

Eksoda 29:33

Va ta dya swilo leswi tirhisiweke ku humesa mhamba ya ku susa swidyoho, siku va vekiweke ni ku hlawulekisiwa. Kambe munhu wa le handle a nga tshuki a dya swilo leswi, hikuva swi hlawulekile.

Levhitika 24:9

Swinkwa leswi swi ta va swa Aroni ni vana va yena; va ta swi dyela exivandleni lexi hlawulekeke, hikuva swi ta va xiphemu lexo hlawuleka ngopfu lexi va nga ta hamba va nyikiwa xona hilaha ku nga heriki, eka magandzelo lama humeseriwaka mina HOSI.”

2 TIKRONIKA 31:14

Loyi a amukelaka tinyiko leti vanhu va ti humeselaka Xikwembu hi ku titwa, a a ri Kore n'wana Imina wa ka Levhi, mulanguteri wa nyangwa ya Tempele ya le vuxeni; naswona hi yena loyi a a pambula eka leswi humeseriwaka HOSI Xikwembu ni ka leswo hlawuleka ngopfu, a phamela ha swona vaprista ni Valevhi.

Ezra 7:5

wa Abixuwa, wa Finiyasi, wa Eliyazara, wa Aroni muprista lonkulu.