Levhitika 10:11 - BIBELE Mahungu Lamanene

¹¹ Naswona, mi fanele ku dyondzisa Vaisraele milawu hinkwayo leyi ndzi va byeleke yona hi nomo wa Muxe.”

Xitsonga (Bibele)

¹¹ mi ta tiva ku dyondzisa vana va Israele milawu hinkwayo leyi Yehovha a va leriseke hi nomu wa Muxe.”

Levhitika 10:11 Referans Kwoze

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Nehemiya 8:8

Valevhi lava a va hlaya Nawu ebukwini hi ndlela leyi twalaka, va tlhela va hlamusela leswi wu vulaka swona, leswaku vanhu va ta wu twisisa.

Nehemiya 8:2

Kutani muprista Ezra a ta ni buku ya Nawu emahlweni ka vanhu lava a va hlengeletanile. A ku ri ni vavanuna ni vavasati ni vana hinkwavo lava a va ta kota ku twisisa leswi nga ta hlayiwa.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”

Duteronoma 24:8

“Loko mi tshuka mi humeleriwa hi vuvabyi bya nhlokonho, tivoneleni swinene, mi endla hinkwaswo leswi vaprista va yindlu ya ka Levhi va nga ta mi lerisa swona, mi yingisa swileriso leswi ndzi va nyikeke swona.

1 Vatesalonika 4:2

Hikuva mi tiva leswi hi nga mi lerisa swona hi matimba ya Hosi Yesu;

Timhaka 20:27

hikuva a ndzi mi fihlelanga makungu ya Xikwembu kambe ndzi mi tivisile wona hinkwawo.

Duteronoma 33:10

Hi vona va nga ta dyondzisa va ka Yakobo swiletelo swa wena, va dyondzisa Vaisraele Nawu wa wena; va ta ku tisela mirhi ya risuna, va humesa ni magandzelo lama hisiwaka ehenhla ka alitari ya wena.

Yeremiya 2:8

Vaprista a va ha vutisanga leswaku mina HOSI ndzi nga va ndzi ri kwihi. Lava tivaka nawu a va vanga na mhaka na mina, varhangeri va ndzi dyoherile; vaprofeta va dyondzisile hi vito ra Baali, va landzelela swikwembu leswi nga pfuniki nchumu.

2 TIKRONIKA 30:22

Hosi Hezekiya a vulavula ni Valevhi hinkwavo a va tiyisa, hikuva a va fambisa ntirho wa HOSI hi ndlela yo saseka ngopfu. Kutani vanhu hinkwavo va dya nkhuvo masiku ya 7, va humesa magandzelo ya xinakulobye va ri karhi va tlangela HOSI, Xikwembu xa vatata wa vona.

2 TIKRONIKA 17:9

A va rhendzeleka ni miti hinkwayo ya tiko ra Yuda va ri karhi va dyondzisa vanhu timhaka ta Nawu wa HOSI Xikwembu, va tamerile ni buku ya wona.

Duteronoma 17:10

Kutani hinkwaswo leswi va nga ta mi byela swona kwale ndhawini leyi HOSI Xikwembu xi nga ta yi hlawula, mi fanele ku tikarhata mi swi endla hilaha va mi kombiseke hakona,

Duteronoma 17:11

mi endla hilaha va nga ta mi letela hakona, mi landza leswi mhaka va nga ta yi tsemisa xiswona; mi nga tshuki mi tlula ni xilo ni xin'we xa leswi va nga ta swi boha.

2 TIKRONIKA 15:3

Hakanyingi eminkarhini leyi hundzeke, Vaisraele va tihanyerile va nga ri na Xikwembu xa ntiyiso, va pfumala muprista wo va dyondzisa, va ri hava ni nawu.