Levhitika 1:11 - BIBELE Mahungu Lamanene

¹¹ Xifuwo xa kona a a xi tlhave emahlweni ka HOSI Xikwembu, hi tlhelo ra n'walungu ra alitari. Vaprista, va nga vana va Aroni, va ta teka ngati ya xifuwo, va xuva ha yona alitari matlhelo hinkwawo.

Xitsonga (Bibele)

¹¹ Va ta yi tlhavela tlhelo ra n'walungu ra alitari, emahlweni ka Yehovha, kutani vaprista, vana va Aroni va ta halatela ngati ealitarini, ematlhelweni hinkwawo.

Levhitika 1:11 Referans Kwoze

Levhitika 1:5

Kutani ú ta tlhava nkuzi emahlweni ka HOSI Xikwembu. Vaprista, va nga vana va Aroni, va ta teka ngati va yi humesela HOSI Xikwembu hi ku xuva ha yona alitari matlhelo hinkwawo, enyangweni ya Ntsonga lowo Hlawuleka.

Ezekiele 8:5

Xikwembu xi ku ka mina: “Wena munhu, languta en'walungwini!” Kutani ndzi endla tano; hiloko ndzi vona xifaniso xa xikwembu xa hava, xi nga xilo lexi hlundzukisaka HOSI Xikwembu; xifaniso xa kona a xi ri en'walungwini wa nyangwa leyi vanhu va nghenaka ha yona loko va ya alitarini.

Levhitika 7:2

Xifuwo xa kona xi fanele ku tlhaveriwa endhawini leyi ku tlhaveriwaka eka yona xifuwo xa magandzelo lama hisiwaka, kutani ngati ya xona yi tirhisiwa ku xuva alitari matlhelo hinkwawo.

Levhitika 6:25

ku ya vulavula na Aroni ni vana va yena, a ku ka vona: “Nawu hi tlhelo ra mhamba yo susa swidyoho hi lowu: Xifuwo xa mhamba yo susa swidyoho xi fanele ku tlhaveriwa endhawini leyi ku tlhaveriwaka eka yona xifuwo xa magandzelo lama hisiwaka. Mhamba leyi yi hlawulekile swinene.

Eksoda 40:22

Kutani va tisa tafula eka Ntsonga lowo Hlawuleka va ri veka hi tlhelo ra n'walungu ra Ntsonga, ehandle ka xisirhelelo,

Eksoda 24:6

Muxe a chela ngati yin'wana eminkambaneni, leyin'wana a xuva alitari ha yona.

Levhitika 4:29

a fika a tlhandleka voko ra yena enhlokweni ya mbuti leyi ya mhamba yo susa swidyoho, a yi tlhavela endhawini leyi va tlhavelaka eka yona swifuwo swa magandzelo lama hisiwaka.

Levhitika 8:19

kutani Muxe a tlhava khuna leri, a teka ngati ya rona, a xuva ha yona alitari matlhelo hinkwawo.

Levhitika 14:13

Xinyimpfana lexi, ú fanele ku xi tlhavela exivandleni lexo hlawuleka laha va tlhavelaka kona swifuwo swa mhamba yo susa swidyoho ni swa magandzelo lama hisiwaka. Nyama ya xifuwo xa magandzelo yo riha milandzu, a yi hambananga ni ya mhamba yo susa swidyoho, na yona yi hlawulekile swinene, kutani i ya vaprista.

Ezekiele 43:18

Kutani Xikwembu xi ku ka mina: “We Ezekiele, tiva leswaku mina HOSI N'wini wa hinkwaswo, ndzi vekile milawu ya matirhisele ya alitari, yi nga leyi: Siku alitari yi helaka ku akiwa, ku ta hisiwa magandzelo ehenhla ka yona, yi tlhela yi xuviwa.