Levhitika 1:10 - BIBELE Mahungu Lamanene

¹⁰ “Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

Xitsonga (Bibele)

¹⁰ “ ‘Loko nhlengo wa yena wu ri wa swifuwo leswitsongo, ti nga tinyimpfu kumbe timbuti, ti va ta holokosta, u ta humesa ya xinuna leyi nga riki na xivati.

Levhitika 1:10 Referans Kwoze

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

Malakiya 1:14

Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

Levhitika 22:19

ú fanele ku tlhava xifuwo xa xinuna lexi nga solekiki, yi nga nkuzi kumbe khuna kumbe xiphongho. Loko a endlisa sweswo, hi kona a nga ta tsakeriwa hi mina HOSI.

Levhitika 4:23

Loko a tivisiwa xidyoho lexi a xi endleke, ú fanele ku ta ni xiphongho lexi nga solekiki leswaku a ta humesa magandzelo ha xona,

Eksoda 12:5

Xifuwo xa kona xi fanele ku va xinyimpfana xa khuna kumbe ximbutana xa xiphongho, xa lembe rin'we, lexi nga solekiki,

Genesa 8:20

Nowa a akela HOSI Xikwembu alitari, kutani a pambula xiharhi xin'we exikarhi ka rixaka rin'wana ni rin'wana ra swiharhi leswi tengeke, a pambula ni xinyanyana xin'we exikarhi ka rixaka rin'wana ni rin'wana ra tinyanyana leti tengeke, a humesa gandzelo leri hisiwaka.

Genesa 4:4

kasi Avele yena ú lo pambula swinyimpfana leswi noneke swa mativula exikarhi ka ntlhambi wa yena, a humesela HOSI Xikwembu. Kutani xona xi amukela Avele ni gandzelo ra yena,

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

Tinhlayo 15:5

Loko a tlhava xinyimpfana, a humesa gandzelo leri hisiwaka kumbe leri dyiwaka, ú ta chela ni jomela rin'we ra vhinyo ya magandzelo.

Ezekiele 43:22

Hi siku leri tlhandlamaka, u ta humesa gandzelo ro susa swidyoho hi ku dlaya xiphongho lexi nga solekiki, u engeta u basisa alitari hi ngati ya xona, kukota leswi u swi endleke hi ngati ya nkuzi.

Levhitika 3:1

“Loko munhu a humesa magandzelo ya xinakulobye hi xin'wana xa swifuwo swa yena leswikulu, ú fanele ku pambula lexi nga solekiki xa xinuna kumbe xa xisati, a ya na xona emahlweni ka HOSI Xikwembu.

Levhitika 4:3

Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Levhitika 5:15

“Munhu a nga tshuka a dyoha, kambe ku nga ri ha vomu, a rivala ku humesela mina Hosi mihlengo leyo hlawuleka. Munhu wo tano, ú fanele ku humesa rin'wana ra makhuna ya ntlhambi wa yena leri nga solekiki, ra nxavo lowu vekiwaka hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; ú ta ta ni khuna leri, ri va gandzelo ro riha nandzu wa yena.

Levhitika 9:2

kutani a ku ka Aroni: “Tana ni xinkuzana xa mhamba yo susa swidyoho, ni khuna ra magandzelo lama hisiwaka, swi va leswo saseka hi swimbirhi ka swona, leswaku u ta swi humesela HOSI Xikwembu;

Levhitika 14:10

“Hi siku ra vu-8, munhu loyi ú ta ta ni swinyimpfana swimbirhi swa makhuna leswi nga solekiki, ni xinyimpfana xa thokazi xa lembe rin'we lexi nga solekiki, ni xitshatshana xin'we xa mapa lamanene, ma nga mapa ya magandzelo ya swa le masin'wini lama pfanganyisiweke ni mafurha; naswona ú ta ta ni xikhudzanyana xin'we xa mafurha man'wana.

Levhitika 16:3

“Siku Aroni a nghenaka exivandleni lexo hlawuleka ngopfu, ú fanele ku ta ni xinkuzana xa mhamba yo susa swidyoho, ni nyimpfu ya khuna ya magandzelo lama hisiwaka.

Levhitika 16:5

Naswona ntshungu wa Vaisraele wu fanele ku n'wi nyika swiphongho swimbirhi swa mhamba yo susa swidyoho, ni nyimpfu yin'we ya khuna ya magandzelo lama hisiwaka.

Levhitika 23:12

Hi siku leri mi humesaka xirhundzu xa nyiko leyo hlawuleka, mi fanele ku ndzi tlhavela xinyimpfana xa khuna xa lembe rin'we lexi nga solekiki, xi va xa magandzelo lama hisiwaka.

Tinhlayo 6:14

kutani ú ta humesela HOSI Xikwembu nyiko ya yena, ku nga xinyimpfana xa khuna xa lembe rin'we lexi nga solekiki, xi va gandzelo leri hisiwaka, ni xinyimpfana xa thokazi xa lembe rin'we lexi nga solekiki, xi va mhamba yo susa swidyoho, ni khuna leri nga solekiki, ri va gandzelo ra xinakulobye.

Tinhlayo 19:2

“Nawu hi lowu, wu humesiwa hi mina HOSI. Byelani Vaisraele va mi tisela thokazi leri tengeke, ri tlhela ri va leri nga solekiki, naswona leri nga si tshamaka ri paniwa.