Hosiya 9:9 - BIBELE Mahungu Lamanene

⁹ Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Xitsonga (Bibele)

⁹ Va tionhile ni ku tionha, kukotisa siku ra Gibeya. Xikwembu xi ta tsundzuka makhombo ya vona, xi tshinya swidyoho swa vona.

Hosiya 9:9 Referans Kwoze

Hosiya 10:9

N'wina vanhu va tiko ra Israele, mi dyohile, ku sukela enkarhini wa timhaka ta le Gibeya; ni sweswi ma ha ya emahlweni na swona. Xana nyimpi a yi nga mi teli kwale mutini wa Gibeya xana?

Vaavanyisi 19:16

Hi nkarhi wa mpimavayeni, ku ta mukhalabye a huma emasin'wini. Mukhalabye loyi a a lo luvela eGibeya, khale a a tshama emagangeni ya Efrayimi. Laha Gibeya a ku tshama vanhu va ka Benjamini.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Esaya 31:6

Vuyelani eka loyi mi n'wi fularheleke nkarhi wo leha, n'wina vanhu va Israele.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Vaavanyisi 19:12

Kambe n'wini wa yena a ku: “A hi nga hambuki hi nghena emutini wa vanhu vambe lava nga riki Vaisraele; kambe hi ta hundzela eGibeya.”

Vaavanyisi 20:43

Vaisraele va rhendzela va ka Benjamini, va va hlula, va va hlongorisa ku sukela eNoha ku ya fika etindhawini ta le vuxeni ku langutana na Gibeya.

Yeremiya 14:10

HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Hosiya 4:9

Hikokwalaho, vaprista ni vanhu va tiko ndzi ta va ba ku fana, ndzi va bela mahanyelo ya vona, ndzi va avanyisa hikwalaho ka mintirho ya vona.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Hosiya 9:8

Mina muprofeta ndzi murindzi wa va ka Efrayimi, vona vanhu va Xikwembu xa mina; hambiswiritano, ndzi rhiyiwa hi mintlhamu etindleleni ta mina hinkwato, etikweni ra Xikwembu xa mina, va ndzi venga.

Sofoniya 3:7

A ndzi anakanya leswaku mi ta ndzi chava, n'wina vanhu va mina, mi pfumela ku tshinyiwa, leswaku vutshamo bya n'wina byi nga herisiwi; kambe minkarhi hinkwayo loko ndzi tikombile ka n'wina, mi hisekerile ku endla mintirho ya n'wina hinkwayo leyo biha.

Eksoda 32:7

Kutani HOSI Xikwembu xi ku ka Muxe: “Hatlisa u rhelela, hikuva vanhu va wena lava u va humeseke etikweni ra Egipta va tinyamisile, va ndzi dyohela.

Vaavanyisi 19:22

Loko va ri karhi va tidyela va tsakile, ko ta ku ta humelela vavanuna va muti, vanhu va nsele swinene, va rhendzela yindlu, va sungula ku himetela rivanti, va ri karhi va huwelela mukhalabye lowa n'wini wa muti, va ku: “Hi humesele wanuna loyi a nga nghena laha mutini wa wena, hi lava ku ya etlela na yena.”

Ezekiele 21:28

“Wena munhu, vulavula ni Vaamoni lava sandzaka Vaisraele u va byela leswaku mina HOSI N'wini wa hinkwaswo ndzi ni rito eka vona leri nge: Banga leri dlayaka ra hlomuriwa enkotlotweni, ri le ku vangamisiweni; ri loteriwa ku herisa, ri ba kukota rihati.