Hosiya 9:7 - BIBELE Mahungu Lamanene

⁷ Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Xitsonga (Bibele)

⁷ Masiku ya xikambelo ma fikile; masiku yo rihisela ma fikile! Israele u ta swi tiva! Muprofeta u hundzukile xihunguki, munhu wa moya u hlanya hikwalaho ka vukulu bya ku dyoha ka wena, ni hikwalaho ka vulala bya wena lebyikulu.

Hosiya 9:7 Referans Kwoze

Mikiya 7:4

Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

2 TIHOSI 9:11

Loko Yehu a tlhelerile eka vanakulobye malandza ya hosi, ma n'wi vutisa ma ku: “Ku ni xo karhata xana? Xana munhu loyi wo hlanya a a tele yini eka wena xana?” Yehu a hlamula a ku: “Munhu wa kona ma n'wi tiva, mi tiva ni ku jamuka ka yena!”

Marka 3:21

Loko varikwavo va twa sweswo, va ta hi le kaya va ta n'wi teka, hikuva vanhu a va ku: “Ú hlangene nhloko.”

Ezekiele 13:3

Mina HOSI N'wini wa hinkwaswo ndzi ri, va ni khombo vaprofeta lava va maphuphula, hikuva va pfumela ku fambisiwa hi miehleketo ya vona, va nga nyikiwanga xivono.

Swirilo 2:14

Vaprofeta va wena va ku kanganyisile hi swivono swa mavunwa ni vuxisi; va hlulekile ku paluxa vubihi bya wena leswaku u tlhela u kateka, va ku byerile mahungu ya mavunwa, va ku yenga ha wona.

Yeremiya 10:15

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

2 Vakorinto 5:13

Loko hi hlanganile nhloko, hi endlela ku tirhela Xikwembu; loko hi ri vanene enhlokweni, hi endlela ku tirhela n'wina.

Luka 21:22

Masiku walawo ma ta va masiku ya ku avanyisiwa, leswaku hinkwaswo leswi nga matsalweni swi hetiseka.

Mikiya 2:11

Loko ko tshuka ku humelela munhu wo jamuka ni ku hemba, a ku: ‘Ndzi ta mi dyondzisa hi ta vhinyo ni byalwa!’ munhu wo tano, mi ta n'wi tsakela ngopfu.

Ezekiele 13:10

“Hakunene vaprofeta lava va xisa vanhu va mina, hikuva va ri: ‘Ku rhurile!’ kasi a ku na ku rhula. Loko vanhu va mina va aka khumbi, vaprofeta va ri phama hi misava ntsena va ri chuchuta.

Yeremiya 29:26

“HOSI Xikwembu xi ku vekile ku va muprista ematshan'wini ya muprista Yehoyada, leswaku u rindza Tempele. Munhu un'wana ni un'wana loyi a nga ni rihuhe, a tiendla muprofeta, u fanele ku n'wi boha mavoko ni milenge ni nhamu hi tinsimbhi.

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

Sofoniya 3:4

Vaprofeta va kona va pfumala xichavo, naswona i vakanganyisi; vaprista vona va nyamisa swilo leswo hlawuleka, va hundzuluxa ni milawu.

Amosi 8:2

Kutani HOSI yi ku: “Amosi, u vona yini xana?” Mina ndzi ku: “Ndzi vona xirhundzu xa mihandzu leyi vupfeke.” Hiloko xi ku ka mina: “Vanhu va mina va Israele va vupfile, va ta herisiwa, ndzi nga ka ndzi nga va tsetseleli ni siku ni rin'we.

Hosiya 9:8

Mina muprofeta ndzi murindzi wa va ka Efrayimi, vona vanhu va Xikwembu xa mina; hambiswiritano, ndzi rhiyiwa hi mintlhamu etindleleni ta mina hinkwato, etikweni ra Xikwembu xa mina, va ndzi venga.

Ezekiele 38:23

Hi ndlela yoleyo, ndzi ta komba vukulu bya mina ni ku hlawuleka ka mina emahlweni ka vamatiko lavo tala; va ta sungula ku ndzi tiva, va swi vona leswaku HOSI Xikwembu, hi mina!”

Ezekiele 25:17

Hakunene ndzi ta va rihiseta, ndzi va ba ndza ha hlundzukile. Loko ndzi hetile sweswo, va ta tiva leswaku HOSI Xikwembu, hi mina!”

Yeremiya 46:21

Masocha lawa va ma tholeke ma tsakisa kukota marhole lama noneke; kambe na wona ma ta tlhela hi ku tsutsuma, ma tsandzeka ku va lwela. Siku ra wona ra ku biwa ri fikile, wu tile nkarhi wa mina wa ku ma avanyisa.

Yeremiya 16:18

Ndzi ta sungula hi vona ndzi va ba swinene hikwalaho ka ku homboloka ka vona ni ku dyoha ka vona, hikuva va nyamisile tiko ra mina hi mintsumbu ya swikwembu swa vona swa hava, va endla manyala layo tala etikweni ra mina.”

Yeremiya 11:23

Lembe leri ndzi nga ta ba vanhu va le Anatoto ha rona, ndzi ta va vangela makhombo, va hela hinkwavo ku nga sali na un'we!”

Yeremiya 8:11

Ntirho wo bohelela timbanga ta vanhu va mina va wu tekile wu ri lowutsongo, va ku: ‘Ku rhurile, ku rhurile!’ kasi a ku na ku rhula.

Yeremiya 6:14

Ntirho wa ku bohelela timbanga ta vanhu va mina va wu tekile wu ri lowutsongo, va ku: ‘Ku rhurile, ku rhurile!’ Kasi a ku na ku rhula.

Esaya 44:25

Ndzi kaneta vangoma ni mahlori ya vona, lava hlahluvaka, ndzi va hundzula swihlekiso, ndzi bakanya tintlhari, ndzi komba leswaku vutivi bya tona a byi pfuni nchumu.

Esaya 34:8

HOSI Xikwembu xi na rona siku ro tirihisela, ra ta lembe leri xi nga ta rihiseta valala va muti wa Siyoni.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Yeremiya 23:13

“Leswi ndzi swi voneke exikarhi ka vaprofeta va le Samariya, swi ndzi karhatile ngopfu: A va vhumbha hi vito ra Baali, va hambukisa Vaisraele vanhu va mina.

Yeremiya 25:14

Vanhu lava na vona va ta hundzuka mahlonga ya matiko man'wana ni ya tihosi tin'wana leta matimba. Ndzi ta va ba hikwalaho ka mintirho ya vona ni swifaniso swa swikwembu leswi va nga tiendlela swona.”

Ezekiele 9:10

Kambe mina ndzi ta va endla leswi va swi endleke eka van'wana; ndzi nga ka ndzi nga va rivaleli, a ndzi nga va tweli vusiwana.”

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Hosiya 5:9

Siku va ka Efrayimi va tshinyiwaka, tiko ra vona ri ta hundzuka marhumbi; leswi ndzi swi vulaka, swi ta humelela exikarhi ka tinyimba ta Israele.