Hosiya 9:4 - BIBELE Mahungu Lamanene

⁴ Kona kwale, a va nga ha koti ku humesela HOSI Xikwembu vhinyo ya magandzelo; ni ku xi tsakisa hi ku xi tlhavela swifuwo, a va nga ha swi koti. Xinkwa xa vona xi ta fana ni xa le nkosini, hinkwavo lava nga ta dya xona va ta nyamisiwa; xinkwa xa kona xi ta va xo dya ntsena, a va nga ha xi yisi endlwini ya HOSI Xikwembu.

Xitsonga (Bibele)

⁴ A va nga ha cheleri Yehovha vhinyo, kutani magandzelo ya vona a ma nga ha n'wi tsakisi; swakudya swa vona swi ta va eka vona kukotisa swakudya swa nkosi, hinkwavo lava swi dyaka va hundzuka thyaka, hikuva swakudya swa vona swi ta va swa vona ntsena, swi nga ka swi nga ngheni endlwini ya Yehovha.

Hosiya 9:4 Referans Kwoze

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Duteronoma 26:14

A hi dyanga swa vukhume hi ri karhi hi rila nkosi kumbe ku swi humesa emitini ya hina hi nga tenganga, naswona a hi phahlanga va le hansi ha swona. We HOSI Xikwembu xa hina, hi yingisile leswi u hi byeleke swona, hi tirhile hilaha u hi leriseke hakona, hi nga siyi nchumu.

Yuwele 2:14

A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

Yohane 6:51

Hi mina vuswa lebyi hanyaka lebyi xikeke hi le tilweni; loko munhu a dya vuswa bya kona, ú ta hanya hilaha ku nga heriki, kutani vuswa lebyi ndzi nga ta byi nyika vanhu, i nyama ya nga; ndza yi nyika leswaku misava yi va ni vutomi.”

Malakiya 2:13

Swin'wana leswi mi endlaka swona hi leswi: Mi halatela mihloti alitarini ya HOSI Xikwembu, mi rila mi tlhela mi konya, hikuva Xikwembu a xa ha tsakeli magandzelo ya n'wina; leswi mi swi humesaka, a xa ha swi amukeli.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Ezekiele 24:22

Kutani mi fanele ku tekelela leswi ndzi swi endleke: Mi nga tifunengeti swikandza, mi nga dyi swa nkosi.

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Esaya 57:6

Mi teka maribye layo rhetela eminkoveni, mi ma endla swikwembu swa n'wina, mi ma humesela vhinyo ni mapa ya magandzelo. Xana mi ehleketa leswaku swa ndzi tsakisa swilo leswi xana?

Tinhlayo 28:2

“Byela Vaisraele leswaku va hamba va ndzi humesela swakudya swa magandzelo lama hisiwaka hi nkarhi wa kona, naswona swi va leswi ku nun'hwela ka swona ku nga ta ndzi tsakisa.

Levhitika 21:21

Ku nga tshuki ku va na un'we exikarhi ka vatukulu va wena Aroni loyi a taka a ta ndzi humesela magandzelo, loko a nga hetisekanga. Loyi a nga hetisekangiki, a nga tshuki a tshinela a ndzi humesela magandzelo mina Xikwembu xa yena.

Levhitika 21:17

ku ya vulavula na Aroni, a n'wi tivisa marito ya xona lama nge: “Eminkarhini hinkwayo leyi taka, ku nga tshuki ku va na un'wana wa vatukulu va wena loyi a taka a nga hetisekanga, a ta ndzi humesela magandzelo mina HOSI Xikwembu xa yena.

Levhitika 21:8

Vaisraele va fanele ku xixima vaprista, hikuva hi vona lava humesaka magandzelo, swi nga swakudya swa mina Xikwembu xa n'wina; a va tsundzuke leswaku vaprista va hlawulekile, hikuva mina HOSI Xikwembu lexi xi mi hlawulekisaka, ndzi hlawulekile.

Levhitika 21:6

Va fanele ku hlawuleka, va tirhela mina Xikwembu xa vona, va nga nyamisi vito ra mina, hikuva hi vona lava va ndzi humeselaka magandzelo, swi nga swakudya swa mina HOSI Xikwembu xa vona; hikokwalaho va fanele ku va lava hlawulekeke.

Levhitika 17:11

Mhaka hileswaku vutomi bya xivumbiwa byi le ngatini ya xona. Kutani HOSI Xikwembu xi mi nyikile yona leswaku mi yi chela alitarini, mi tibasisa ha yona, hikuva ngati yi ni matimba yo basisa swidyoho hikwalaho ka vutomi lebyi byi nga ka yona.

Eksoda 40:23

kutani va xaxameta swinkwa etafuleni hi ndlela ya kona, emahlweni ka HOSI Xikwembu, hilaha xi leriseke Muxe hakona.

Tinhlayo 19:11

“Un'wana ni un'wana loyi a khumbeke munhu wo fa, ú ta va a nga tenganga ku ringana masiku ya 7.

Tinhlayo 4:7

“Ehenhla ka tafula ra Xinkwa lexo Hlawuleka, va ta andlala nceka wa muhlovo wa rihlaza ra tilo, kutani ehenhla ka wona va veketela tindyelo, ni minkambana ya mirhi ya risuna, ni swimbitana, ni swikhuwana swo chela swilo swa le magandzelweni; xinkwa lexi tshamaka xi ri kona, na xona xi ta vekiwa ehenhla ka nceka lowu.

Eksoda 29:40

Lexo sungula, mi ta xi humesa ni xintewana xin'we xa mapa lamanene ya koroni lama pfanganyisiweke ni xikhudza xin'we xa mafurha layo tenga ya mutlhwari, mi chela ni jomela rin'we ra vhinyo ya magandzelo.

Yeremiya 16:7

Emutini wa nkosi a ku nga swekiwi swakudya, hambi swakunwa a va nga nwi. Lava rilaka, ngopfu ngopfu lava feriweke hi vatswari, a va nga tiyisiwi hi swakudya kumbe swakunwa.

Daniele 1:8

Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Yuwele 1:9

Mapa ya magandzelo ni vhinyo ya wona, a swa ha ri kona endlwini ya HOSI Xikwembu, kutani vaprista, vona malandza ya HOSI, va le ku rileni.

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.