Hosiya 9:16 - BIBELE Mahungu Lamanene

¹⁶ Va ka Efrayimi va ta biwa, va ta fana ni murhi lowu omeke timitsu, lowu nga ha tswariki. Hambiloko va nga veleka vana vo tsakisa, ndzi ta va tekela vona.

Xitsonga (Bibele)

¹⁶ Efrayimi u biwile; timitsu ta vona ti omile; a va nga ha veki mihandzu; hambi va nga tswala, ndzi ta dlaya vana va vona lava rhandziwaka.

Hosiya 9:16 Referans Kwoze

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Hosiya 8:7

Lava byalaka xihuhuri, va ta tshovela xidzedze. Mavele lama nga rhumbukiki, ma nge vi na ntshovelo; hambiloko ntshovelo a wo va kona, a wu ta dyiwa hi vanhu va matiko man'wana.

Hosiya 5:11

Va ka Efrayimi va tshikeleriwa, timhaka ti dya vona, hikuva va tinyiketele ku landzelela leswi nga pfuniki nchumu.

Esaya 40:24

Va fana ni swimilana leswa ha ku byariwaka, leswi ni timitsu ta kona ti nga si khomaka emisaveni; loko mutumbuluxi a hungisa moya, swimilana swa kona swa vuna, kutani xihuhuri xi swi rhwala tanihi mavivi.

Ntirho 18:16

Ú fana ni murhi wo oma timitsu, lowu matluka ya wona ma vunaka.

Genesa 41:23

Kutani ku huma min'woko yin'wana ya 7 leyi nga chelangiki, leyi vunisiweke hi moya wa le vuxeni.

Duteronoma 32:25

Lomu tindleleni va ta hela hi fumu, kasi emakaya va ta fa hi ku chava; hambi i jaha kumbe nhwana, n'wana loyi a ha mamaka kumbe munhu wo basa nhloko, va ta fa hinkwavo va ku bì!