Hosiya 9:15 - BIBELE Mahungu Lamanene

¹⁵ Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Xitsonga (Bibele)

¹⁵ Vumbabva bya vona hinkwabyo byi le Giligala; hikuva hi kona ndzi va vengeke, Hikwalaho ka ku biha ka ku famba ka vona, ndzi ta va hlongola endlwini ya mina. A ndzi nga ha tshami ndzi va rhandza, tihosi ta vona hinkwato i vatiarisi.

Hosiya 9:15 Referans Kwoze

Hosiya 12:11

Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Amosi 5:5

mi nga tshuki mi lava swa le Betele, hikuva muti wa Betele wu ta sala wu nga ha ri nchumu, hambi ku ri eGiligala mi nga ngheni, hikuva vanhu va Giligala va ta ya evukhumbini hakunene, ni le Berexeba, mi nga tshuki mi tsemakanyela kona.”

1 SAMIELE 7:16

Lembe rin'wana ni rin'wana, a a rhendzeleka ni miti ya Betele na Giligala na Mitspa, a ri karhi a avanyisa timhaka ta Vaisraele etindhawini leti hinkwato.

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.

Mikiya 6:5

N'wina vanhu va mina, ehleketani makungu lawa Balaka hosi ya Mowabu a a ma bohile, mi tsundzuka ni ndlela leyi Balaama n'wana Beyori a hlamuleke Balaka ha yona; mi nga rivali na leswi humeleleke ku sukela eXitimi ku ya fika eGiligala, mi ta tiva ndlela leyi mina HOSI ndzi mi poniseke ha yona.”

Timhaka 4:27

“Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Zakariya 11:8

Hi n'hweti yin'we, ndzi hlongola varisi van'wana vanharhu entirhweni, kambe ndzi sungula ku karhala hi tinyimpfu leti, na tona ti nga ha ndzi tsakeli.

Mikiya 3:11

Varhangeri va muti va pfumela ku xaviwa ehubyeni, vaprista va dyondzisela muholo ntsena, na vona vaprofeta va vhumbhela ku hakeriwa; hinkwavo va tisirhelela hi ku vula leswaku va nge humeleriwi hi nchumu xo biha, hikuva Xikwembu xi na vona.

Amosi 5:27

kutani ndzi ta mi yisa evukhumbini, etikweni rin'wana ku hundza eDamaska.” HOSI yi vula sweswo, yona yi vuriwaka Xikwembu xa matimba hinkwawo.

Amosi 4:4

“Tanani eBetele, mi ta dyohela kona, mi ya engetelela le Giligala! Humesani magandzelo ya n'wina mpundzu wun'wana ni wun'wana, mi humesa vukhume bya swilo swa n'wina endzhaku ka masiku manharhu;

Hosiya 9:17

Xikwembu xa mina xi ta va tshika vanhu lava, hikuva a va xi yingisi; va ta hundzuka vatsendzeleki ematikweni.

Hosiya 9:3

Etikweni ra HOSI Xikwembu, a va nga ha tshami; va ka Efrayimi va ta tlhelela etikweni ra Egipta, va ya dya swakudya swa le Asiriya leswi nyamisaka.

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Hosiya 4:9

Hikokwalaho, vaprista ni vanhu va tiko ndzi ta va ba ku fana, ndzi va bela mahanyelo ya vona, ndzi va avanyisa hikwalaho ka mintirho ya vona.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Hosiya 1:9

Kutani HOSI Xikwembu xi ku: “N'wi thye vito ra Lo-Ami” (hileswaku: “Lava nga riki vanhu va mina”), “hikuva a mi vanhu va mina, naswona a ndzi nga ha vi Xikwembu xa n'wina.”

Hosiya 1:6

Gomere a engeta a tika, a veleka n'wana wa nhwanyana. Kutani HOSI Xikwembu xi ku ka Hosiya: “N'wi thye vito ra Lo-Ruhama” (hileswaku: “La nga tsetseleriwangiki”), “hikuva ku sukela sweswi, vanhu va tiko ra Israele a ndzi nga ha va tsetseleri, ni ku va rivalela a ndzi nga ha va rivaleri.

Ezekiele 23:18

Loko Oholiba a ya emahlweni ni swa vunghwavava bya yena, a etlela ni vavanuna erivaleni, a ndzi nyangatsa na mina hilaha makwavo wa yena a ndzi nyangatseke hakona.

Ezekiele 22:27

Lava nga varhangeri etikweni va fana ni mahlolwa lama phatlulelaka xiharhi lexi ma xi dlayeke: Va herisa vanhu leswaku va ta kuma rifuwo.

Yeremiya 11:15

Xana varhandziwa va mina va ha lava yini endlwini ya mina, leswi lavo tala exikarhi ka vona va endlaka mintirho leyo biha, xana? Va rhwala tinyama leto hlawuleka, va ti yisa kule na n'wina. Loko khombo ri mi fikela, mi ta tsaka ke?

Yeremiya 5:5

Hikokwalaho ndzi te, ndzi ta ya eka varhangeri va tiko ndzi ya vulavula na vona; a ndzi ku, va ta tiva ku rhandza ka HOSI Xikwembu xa vona, va tiva ni leswi xi swi langutelaka eka vona. Kambe ndzi kumile leswaku va ala ku tiveka ehansi ka milawu ya HOSI, va ri, joko ra kona ra va tikela.

Yeremiya 3:8

U vonile leswaku ndzi tshikile Israele la nga tshembekiki hikwalaho ka vunghwavava bya yena. Kambe Yuda lowa mukanganyisi a nga chavisiwanga hi swona; na yena ú lo ya emahlweni a tilavela swigangu.

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

Yoxuwa 10:43

Kutani Yoxuwa ni Vaisraele hinkwavo va tlhelela emixaxeni eGiligala.

Levhitika 26:30

Ndzi ta herisa switsunga swa n'wina leswo hlawuleka, ndzi fayetela ni tialitari leti mi hiselaka eka tona mirhi ya risuna, ndzi mi dlaya ndzi cukumeta mintsumbu ya n'wina ehenhla ka mintsumbu ya swifaniso swa swikwembu swa n'wina swa hava. Mi ta va mi ndzi nyangatsile ngopfu,

Timhaka 5:21

Hiloko vona va yingisa, va ya nghena eTempeleni loko ri lava ku xa, kutani va dyondzisa kona. Kambe loko Muprista lonkulu ni vaseketeri va yena va fika, va vitana huvo ya Sanedri, yi nga nhlengeletano ya vakulukumba hinkwavo va tiko ra Israele, kutani va rhuma vanhu ekhotsweni ku ya teka vaapostola.

Yeremiya 12:8

Vahlawuriwa va mina va ndzi tela kukota tinghala, va ndzi mpfhumpfhela, hikokwalaho a ndza ha va rhandzi.

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Yeremiya 15:1

HOSI Xikwembu xi ndzi byerile xi ku: “Vanhu lava a ndzi nga va tsetseleli, hambiloko Muxe na Samiele va nga ta emahlweni ka mina va va khongelela. Va hlongole va suka emahlweni ka mina!