Hosiya 8:8 - BIBELE Mahungu Lamanene

⁸ Vanhu va tiko ra Israele sweswi va mitiwile; exikarhi ka matiko man'wana, va fana ni xibya lexi nga pfuniki nchumu.

Xitsonga (Bibele)

⁸ Israele u mitiwile; exikarhi ka matiko, va kotisa mbita leyi nga rhandziwiki.

Hosiya 8:8 Referans Kwoze

Yeremiya 22:28

Wanuna loyi Yoyakini, a nga ha pfuni nchumu, ú hundzukile xirhengele xa mbita leyi fayekeke, kumbe xibya lexi pfumalaka muhlayisi! Hikwalaho ka yini a tsuvuriwa etikweni ra yena, a susiwa yena ni vana va yena, va yisiwa etikweni leri va nga ri tiviki xana?

Yeremiya 51:34

Muti wa Yerusalema wu ri: “Nebukadnetsara hosi ya Babilona ú ndzi dyile a ndzi phorha; ú ndzi endlile xibya xo ka xi nga ri na nchumu. Ú ndzi mitile onge a ri xihontlovila, a tata khwiri ra yena hi vanhu va mina, lava saleke a va cukumeta kule na yena.

Varhoma 9:22

Kambe, ku yini ka swona ke, loko Xikwembu lexi a xi navela ku komba vukari bya xona ni ku endla leswaku ntamu wa xona wu tiviwa, xi vile ni mbilu leyo leha ngopfu, xi lehisela swibya leswi a swi vumberiwile ku kariheriwa ni ku fayeteriwa, xana?

Ezekiele 36:3

Hikokwalaho wena muprofeta byela tintshava leti leswaku mina HOSI N'wini wa hinkwaswo ndzi ni rito eka tona; ndza swi tiva swinene leswaku ti hundzukile mananga, ti hlaseriwa hi valala lava humaka ematlhelweni hinkwawo; vaaki va matiko mambe va ti tekile ti va ta vona, va vulavula swo biha ha tona exikarhi ka va ka vona.

Swirilo 2:16

Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Swirilo 2:5

N'wini wa hinkwaswo ú hundzukile nala wa Vaisraele, a va herisa; ú mbundzumuxile tindlu hinkwato ta vona ta vuhosi, makhokholo ya vona a ma endla marhumbi, kutani a andzisela tiko ra Yuda mahlomulo ni maxangu.

Swirilo 2:2

N'wini wa hinkwaswo a nga tsetselelanga miti ya va ka Yakobo, ú yi mbundzumuxile hinkwayo. Hi vukari lebyikulu bya yena, ú fayile makhokholo ya le Yuda; ú hohlosile ni ku onha vukosi ni vafumi va kona.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 48:38

Ehenhla ka tindlu ta le Mowabu ni le swivaveni swa kona, ku twala swirilo ntsena. HOSI Xikwembu xi vula sweswo xi ri: “Ndzi fayile tiko ra Mowabu kukota xibya lexi pfumalaka muhlayisi!”

Esaya 30:14

ri fayeka kukota ximbitana lexi fayekelaka, xi huma swirhengele leswitsongo, lero exikarhi ka swona ku pfumaleka ni xirhengele xo oka ndzilo, kumbe xo ka mati exihlobyeni.”

2 TIHOSI 18:11

Hosi ya le Asiriya yi yisa Vaisraele etikweni ra Asiriya va ri mahlonga, yi ya va fikisa emutini wa Hala, ni le ribuweni ra nambu wa Habori le Gozana, ni le mitini ya Vameda.

Duteronoma 28:64

HOSI Xikwembu xi ta mi hangalasa ni matiko lama nga matlhelo hinkwawo ya misava. Loko mi ri kwale, mi ta tirhela swikwembu swin'wana leswi endliweke hi timhandze ni maribye, leswi mi nga swi tiviki, hambi vatata wa n'wina va nga swi tivangiki.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Yeremiya 25:34

“N'wina varisi, rilani mi ba nkalanga, vumbulukani eritshurini n'wina varhangeri va ntlhambi, hikuva nkarhi wa ku dlawa ni wa ku hangalasiwa ka n'wina wu fikile, mi ta tlhaviwa kukota tinyimpfu leti noneke.

Swirilo 5:2

Ndzhaka ya hina yi nyikiwile vamatiko, miti ya hina yi tekiwile hi swi-ta-swi-famba.

Swirilo 4:2

Majaha yo rhandzeka ya Siyoni a ma ri ni nkoka ku fana ni nsuku lowo saseka, kambe sweswi ma fana ni swibya swa vumba, leswi nga vumbiwaka hi mani na mani.