Hosiya 8:5 - BIBELE Mahungu Lamanene

⁵ N'wina va le Samariya, rhole ra n'wina ra ndzi nyenyetsa. Vanhu lava va ndzi hlundzukisa ngopfu, xana va ta tshama ku fikela rini va nga tenganga, xana?

Xitsonga (Bibele)

⁵ Rhole ra wena, Samariya, ra ndzi nyenyetsa! Vukari bya mina bya va pfurhela. Va ta ala ku tibasisa ku yisa kwihi?

Hosiya 8:5 Referans Kwoze

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Yeremiya 13:27

Vuoswi lebyi u byi endlaka le handle eswitsungeni, ni ku navela ka wena ka manyala, ni vunghwavava bya wena, ndzi swi vonile hinkwaswo. We Yerusalema, u le khombyeni, hikuva u tsandzeka ku susa thyaka leri! Xana u ta tsandzeka ku fikela rini ke?”

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Timhaka 7:41

Emasikwini wolawo va endla xifaniso xa rhole; kutani va xi gandzela, va tsakela ntirho wa mavoko ya vona.

Hosiya 8:6

Rhole ra kona ri endliwile hi mavoko ya vanhu va Israele; rhole leri ra Samariya, a hi xikwembu, ri ta fayeteriwa!

Yeremiya 4:14

HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Pisalema 19:13

Ndzi papalatise swidyoho swa lava titshembaka, swi nga tshuki swi ndzi fuma, mina nandza wa wena; kutani ndzi ta va ndzi nga ri na nandzu, ndzi ta va ndzi ponile eka vudyoho lebyikulu.

Yeremiya 48:13

Kutani tiko ra Mowabu ri ta khomisiwa tingana hi xikwembu xa rona Kemoxi, tanihi Vaisraele lava khomisiweke tingana hi Betele, xikwembu lexi a va xi tshemba ngopfu.

Hosiya 13:2

Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

2 TIKRONIKA 13:8

“Namuntlha, mi ri mi ta tiya emahlweni ka vuhosi lebyi HOSI Xikwembu xi byi tameriseke va ka Davhida. Ma titshemba, hikuva mi tele ngopfu, naswona mi tile ni marhole ya nsuku lama vumbiweke hi Yerobuwamu, mi ri hi swona swikwembu swa n'wina!

Hosiya 10:8

Switsunga leswo hlawuleka swa le Avene swi ta herisiwa, kona exivindzini xa vudyoho bya Israele. Etialitarini ta vona ku ta mila mitwa ni mahlwehlwe. Va ta byela tintshava va ku: “Hi funengeteni!” ni le ka swintshabyana va ta ku: “Hi weleni henhla!”

Mikiya 1:7

Swikwembu swa wona swa swifaniso swi ta fayeteriwa, hinkwaswo leswi wu swi kumeke hi vunghwavava bya wona swi ta hisiwa, swikwembu leswi swa hava, ndzi ta swi fayetela hinkwaswo. Va le Samariya va swi hlengeletile hi ku endla vunghwavava, kutani swi ta tlhela swi ya tirha swa vunghwavava!”