Hosiya 8:14 - BIBELE Mahungu Lamanene

¹⁴ Vanhu va tiko ra Israele va rivala Muvumbi wa vona. Va tiakela miti leyikulu; vanhu va tiko ra Yuda vona va aka miti leyi sirheleriweke; kambe mina ndzi ta hoxa ndzilo emitini leyi, wu ta herisa ni makhokholo ya kona.

Xitsonga (Bibele)

¹⁴ Israele u rivele muvumbi wa yena, kutani u akile tindlu ta vuhosi; na Yuda u andzisile ku aka miti leyi biyiweke; kambe ndzi ta rhuma ndzilo emitini ya vona, wu hisa tindlu ta vona ta vuhosi.

Hosiya 8:14 Referans Kwoze

Duteronoma 32:18

Va rivele Ribye leri ri va kombeke misava, va nga ha tsundzuki Xikwembu lexi xi va tumbuluxeke.

Yeremiya 17:27

Kambe loko mi ala ku ndzi yingisa, mi nga pfumeli ku hlayisa siku ra Savata leswaku ri tshama ri hlawulekile, ni loko mi rhwala swilo mi swi nghenisa etinyangweni ta Yerusalema hi siku rero, vukari bya mina byi ta pfurha byi nga timeki, byi hisa tindlu leto saseka ta Yerusalema.’ ”

Amosi 2:5

Hikokwalaho ndzi ta rhumela ndzilo etikweni ra Yuda, wu ta herisa ni tindlu ta vuhosi ta le Yerusalema.”

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Esaya 17:10

N'wina Vaisraele, mi rivarile Xikwembu lexi xi mi ponisaka, Ribye leri mi tumbelaka eka rona, a mi ri tsundzukanga; hikuva mi tsakela ku endla mintanga, mi simeka ni swirhabyana eka yona, mi simekela swikwembu swimbe.

Amosi 1:10

Hikokwalaho ndzi ta rhumela ndzilo erirhangwini ra Tiri, wu ta herisa ni tindlu ta kona ta vuhosi.”

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.

Amosi 1:14

Hikokwalaho ndzi ta tshivela ndzilo erirhangwini ra muti wa Raba, wu ta herisa ni tindlu ta kona ta vuhosi, esikwini ra nyimpi ni mukhosi leri nga ta fana ni moya lowukulu wa xidzedze.

Amosi 1:12

Hikokwalaho ndzi ta rhumela ndzilo emutini wa Temani, wu ta herisa ni tindlu ta vuhosi ta le Bosira.”

Amosi 1:4

Hikokwalaho ndzi ta rhumela ndzilo emutini wa Hazaele, wu ta herisa ni tindlu ta vuhosi ta Bene-Hadada.

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

Yeremiya 23:27

Va ehleketa leswaku milorho leyi va byelanaka yona, yi ta rivata vanhu va mina va nga ha ndzi anakanyi, kukota leswi vatata wa vona va ndzi rivaleke va ya tirhela Baali.

Yeremiya 3:21

Ku twakala xirilo eswitsungeni; i xa Vaisraele lava tisolaka hi mihloti, hikuva va hambukile endleleni ya ntiyiso, va rivala HOSI Xikwembu xa vona.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Esaya 43:21

Vanhu lava, ndzi va vumbile leswaku va ndzi dzunisa vona vinyi.

Esaya 42:25

Hikokwalaho, HOSI Xikwembu xi chululerile vukari bya xona lebyi pfurhaka ehenhla ka Vaisraele, xi va vangele ni tinyimpi leto chavisa; vukari bya HOSI Xikwembu byi va rhendzerile, byi va hisa, kambe a va twisisanga nchumu, va tshwile, kambe a swi va dyondzisanga nchumu!

Esaya 42:13

HOSI Xikwembu xi fana ni nhenha leyi humaka nyimpi, xi kombisa vukari bya xona kukota nghwazi; xa huwelela xi ba huwa leyikulu, xi komba matimba ya xona emahlweni ka valala va xona.

Esaya 29:23

Loko vatukulu va Yakobo va vona leswi ndzi swi endleke exikarhi ka vona, va ta twarisa vito ra mina, Vaisraele va ta ndzi dzunisa va ndzi komba xichavo, mina Xikwembu xa vona.

Pisalema 106:21

Va rivarile Xikwembu lexi xi va poniseke, xona lexi endleke swilo leswikulu le Egipta,

2 TIKRONIKA 27:4

Ú akile ni miti emagangeni ya Yuda, a aka swihondzo ni makhokholo eswihlahleni.

2 TIKRONIKA 26:10

Uziya a aka swihondzo ni le handle ka Yerusalema, a kovotla emaribyeni makhele layo tala yo hlayisela mati, hikuva a a ri ni swifuwo leswo tala etimbaleni ni le minkoveni. Naswona a a ri ni vanhu lava hlayisaka masimu ya yena ya vhinya, va n'wi byalela ni mavele emagangeni ni le mitangeni, hikuva a a tsakela ngopfu swa vurimi.

1 TIHOSI 16:31

Eka Akabu, ku hanya hi ku landza swidyoho swa Yerobuwamu n'wana Nebati, a yi ri mhaka yitsongo! A engetela hi ku ya teka Yezabele n'wana Eti-Baali hosi ya Vasidoni, a ya tirhela Baali xikwembu xa vona, a xi nkhinsamela.

1 TIHOSI 12:31

Tlhandlakambirhi, Yerobuwamu a aka tindlu eswitsungeni leswo hlawuleka, a hlawula vaprista exikarhi ka vanhu van'wana ni van'wana, hambi va nga ri Valevhi.

2 TIHOSI 18:13

Hi lembe ra vu-14 ra ku fuma ka hosi Hezekiya, Senakeribi hosi ya le Asiriya a kongoma miti hinkwayo ya makhokholo ya tiko ra Yuda, a yi hlula.

Pisalema 95:6

Tanani, hi ta korhama hi gandzela HOSI Xikwembu, hi nkhinsamela xona xi hi endleke,

Esaya 9:9

Hinkwavo va ka Efrayimi, ku katsa ni vaaki va muti wa Samariya, va ta swi twa, vona lava tikurisaka ni ku tiarisa, va ku:

Esaya 9:10

“Switina swi mbundzumukile, kambe sweswi hi ta aka hi maribye lama vatliweke; timhandze ta nkuwa ti tsemeleriwile, kambe hi ta aka hi timhandze ta kedari.”

Yeremiya 5:17

Va ta onha leswi mi swi tshoveleke emasin'wini, va dya ni vuswa bya n'wina. Va ta dlaya vana va n'wina va xinuna ni va xisati, va tlhava swifuwo swa n'wina leswikulu ni leswitsongo. Va ta tsema mirhi ya n'wina ya vhinya ni ya minkuwa, va mbundzumuxa miti ya n'wina ya makhokholo, leyi a mi titwa mi hlayisekile eka yona.”

Ezekiele 23:35

Hikokwalaho ndzi ri, leswi u ndzi tshikeke u ndzi fularhela, u fanele ku rhwala nandzu wa manyala ya wena ni wa vunghwavava bya wena.”

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.