Hosiya 8:13 - BIBELE Mahungu Lamanene

¹³ Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Xitsonga (Bibele)

¹³ Va ri va endla magandzelo, swi va switlhavelo swa mina; e-e, va tlhavela ku dya nyama ntsena; Yehovha a nga tsakisiwi hi vona. Sweswi, u ta tsundzuka ku homboloka ka vona, a avanyisa swidyoho swa vona; vona va ta tlhelela eEgipta.

Hosiya 8:13 Referans Kwoze

Hosiya 9:9

Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Hosiya 9:6

Vonani, va tsutsuma khombo; Vaegipta va ta va hlengeleta, masirha ya vona ma ta va le Memfisi; swibya swa vona swa nkoka swa silivhere swi ta funengetiwa hi mahlwehlwe, mintsonga ya vona yi ta mila mitwa.

Amosi 8:7

HOSI, yona leyi rixaka ra Yakobo ri tidzunisaka ha yona, ya hlambanya yi ri: “Swiendlo swa vona hinkwaswo, ndzi nge swi rivali ni siku ni rin'we.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Hosiya 11:5

Va ta tlhelela etikweni ra Egipta, kutani va ta fumiwa hi hosi ya Vaasiriya, hikuva va arile ku vuyela eka mina.

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Yeremiya 14:10

HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Esaya 1:11

HOSI Xikwembu xi ri: “Xana leswi mi ndzi humeselaka magandzelo layo tala, mi ri ndzi endla yini ha wona, xana? Mina ndzi karhele ku hiseriwa tinyimpfu, ni mafurha ya swifuwo leswi noneke; hambi yi ri ngati ya tinkuzi, ni ya swinyimpfana, ni ya swiphongho, a ya ha ndzi tsakisi.

Duteronoma 28:68

Hambileswi ndzi mi tshembiseke leswaku a mi nga ha tlheleli etikweni ra Egipta ni siku ni rin'we, HOSI Xikwembu xi ta mi tlherisela kona hi tingalava; mi ta fika kona mi tixavisa eka valala va n'wina ku va mahlonga ya vona ya xinuna ni ya xisati, kambe a ku nga vi na loyi a nga ta mi xava.”

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

1 Vakorinto 11:29

hikuva loko munhu a dya ni ku nwa a ri karhi a nga vonisisi swinene ta miri wa Hosi, ú dya ni ku nwa ku avanyisiwa ka yena.

1 Vakorinto 11:20

Kutani ke, loko mi nghena tinhlengeletano ta n'wina, lexi mi xi dyaka a xa ha ri Xilalelo xa Hosi;

Hosiya 12:11

Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Hosiya 7:16

Va hundzukela eka leswi nga pfuniki nchumu, va fana ni vurha lebyi debyeke. Tihosi ta vona ti ta dlayiwa hi fumu, hikuva ti tikurisile ngopfu eku vulavuleni ka tona, kutani ti ta hundzuka xihlekiso etikweni ra Egipta.

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Hosiya 4:9

Hikokwalaho, vaprista ni vanhu va tiko ndzi ta va ba ku fana, ndzi va bela mahanyelo ya vona, ndzi va avanyisa hikwalaho ka mintirho ya vona.

Swivuriso 21:27

Magandzelo ya munhu wo homboloka, HOSI Xikwembu xa ma venga, ngopfu-ngopfu loko a ma humesa a ri ni xikongomelo xo biha.

1 SAMIELE 15:22

Samiele a hlamula a ku: “Xana HOSI Xikwembu xi tsakela yini xana: Magandzelo lama hisiwaka ni lama dyiwaka, kumbe vanhu lava yingisaka ku lerisa ka xona, xana? E-e, ku yingisa, swi tlula magandzelo; ku hlayisa rito ra xona, swi tlula mafurha ya tinyimpfu;

Eksoda 32:34

Sweswi tlhela, u ya yisa Vaisraele lomu ndzi ku byeleke ku va yisa kona; ntsumi ya mina yi ta mi rhangela emahlweni, kambe siku mina ndzi nga ta va tela, ndzi ta va ba hikwalaho ka xidyoho lexi va nga na xona.”

Eksoda 20:3

“U nga tshuki u gandzela swikwembu swin'wana, kambe gandzela mina ntsena.

Luka 12:2

hikuva a ku na xilo lexi funengetiweke, lexi nga ta ka xi nga fununguriwi, ni xilo xa xihundla, lexi nga ta ka xi nga tiviwi.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Ezekiele 29:16

Vaisraele a va nga ha tshembi tiko ra Egipta; va ta vona leswaku va hoxile loko va yile va ya kombela ku pfuniwa hi Vaegipta, kutani hinkwavo va ta tiva leswaku HOSI N'wini wa hinkwaswo, hi mina!”

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Hosiya 9:7

Nkarhi wa ku biwa wu fikile, un'wana ni un'wana ú ta kuma hakelo ya yena. N'wina va tiko ra Israele mi ta swi tiva. Eka n'wina, muprofeta wa hlanya, wanuna loyi a nga ni Moya wa Xikwembu, eka n'wina ú ni rihuhe! Swi tano hi mhaka ya swidyoho swa n'wina leswo tala, ni rivengo ra n'wina lerikulu.

Hosiya 6:6

Ndzi tsakela ku rhandziwa, ku nga ri ku humeseriwa magandzelo, ni ku tirheriwa mina Xikwembu, ku tlula ku hiseriwa mirhi ya risuna.

Amosi 3:2

“Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”