Hosiya 8:10 - BIBELE Mahungu Lamanene

¹⁰ Kambe hambiloko va tixavele vanghana ematikweni, ndzi le kusuhi ni ku va hlengeleta. Kutani ku nga ri khale va ta tshika ku tivekela tihosi ni tindhuna.

Xitsonga (Bibele)

¹⁰ Hambiloko va rhumela tinyiko exikarhi ka matiko, ndzi ta va hlengeleta kona, va ta sungula ku tsana hi ku tikeriwa hi hosi ya tihosi tin'wana.

Hosiya 8:10 Referans Kwoze

Ezekiele 16:37

Hikokwalaho yingisa! Ndzi ta hlengeleta swigangu swa wena hinkwaswo, va nga vavanuna hinkwavo lava a wu tiphina na vona, lava wa ha rhandzanaka na vona ni lava u va tshikeke. Ndzi ta va tisa va huma ematlhelweni hinkwawo ku ta lwa na wena.

Hosiya 10:10

Ndzi ta ta ndzi ta tshinya vanhu lava vo kala tindleve, matiko ma ta hlengeletana ma lwa na vona enkarhini lowu va nga ta tshinyeriwa milandzu ya vona mimbirhi.

Ezekiele 26:7

HOSI N'wini wa hinkwaswo ú vurisa sweswo ú ri: “Nebukadnetsara, yena hosi ya Babilona leyi tlulaka tihosi tin'wana hinkwato hi matimba, ndzi ta n'wi vitana a suka en'walungwini, a ta hlasela muti wa Tiri; ú ta ta ni ntshungu lowukulu wa masocha, man'wana ma gadile tihanci, man'wana ma famba hi makalichi ya nyimpi;

Esaya 10:8

Yi tidzunisa, yi ku: “Vafambisi hinkwavo va mavuthu ya mina i tihosi!

Hagayi 2:6

Mina HOSI ya matimba hinkwawo ndzi vurisa sweswo ndzi ri, ku nga ri khale, ndzi ta tsekatsekisa tilo ni misava, elwandle ni laha ku omeke.

Daniele 2:37

We hosi, u hosi leyikulu ku tlula tihosi hinkwato. Xikwembu xa le matilweni xi ku nyikile ku fuma, ni matimba lamakulu, ni ku twala.

Ezekiele 22:20

Loko munhu a lava ku basisa silivhere ni koporo ni nsimbhi ni ntsopfu ni thini, ú swi hoxa endzilweni a pfurhetela ndzilo wa kona leswaku wu swi n'okisa; hi ndlela leyi, n'wina Vaisraele ndzi ta mi hlengeleta ndzi hlundzukile ngopfu, ndzi mi hoxa endzilweni ndzi mi n'okisa.

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Esaya 36:13

Kutani Rhabi-Xake a yima a huwelela hi rito ro tlakuka hi ririmi ra Xiyuda, a ku: “Yingisani rito ra hosi leyikulu ya le Asiriya.

1 TIKRONIKA 5:26

Kutani Xikwembu xa Israele xi rhuma Pulu hosi ya Asiriya a nga yena Tiglata-Pilezere, a ta a ta hlasela va ka Rhuveni, ni va ka Gadi, ni va ka Manase lava nga vuxeni bya Yordani, a va yisa evukhumbini le Hala, ni le Habori, ni le Hara, ni le nambyeni wa Gozana, laha ni namuntlha va ha tshamaka kona.

2 TIHOSI 17:3

Siku rin'wana, Xalimanezere hosi ya le Asiriya a hloma matlhari, a ya lwa na Hoxeya, kambe Hoxeya a tinyiketa, kutani a n'wi luva.

2 TIHOSI 14:26

hikuva a xi vonile leswaku maxangu ya Vaisraele ma tika ngopfu: A ku nga ha salanga na hlonga kumbe la ntshunxekeke, a ku nga ha ri na munhu na un'we loyi a nga pfunaka Vaisraele.

Ezekiele 16:33

Tinghwavava hinkwato ta hakeriwa, kambe wena u tixaverile vavanuna hinkwavo lava u rhandzaneke na vona, u va kokela ka wena hi tinyiko, va huma ematlhelweni hinkwawo ku ta etlela na wena.

Ezekiele 23:5

“Hambileswi Ohola a a ri munhu wa mina, ú endlile vunghwavava, a rhandzana ni swigangu swa yena va nga Vaasiriya; vanhu lava a va ri masocha,

2 TIHOSI 17:4

Kambe hosi ya le Asiriya yi kuma leswaku Hoxeya wa yi xenga: Hoxeya a a rhumile vanhu eka So hosi ya le Egipta, kutani a tshika ku humesa ndzuvo wa lembe eka hosi ya le Asiriya, lowu a a hamba a humesa malembe hinkwawo. Kavaloko Xalimanezere a khoma Hoxeya, a n'wi pfalela ekhotsweni.

Esaya 30:2

Va khoma ndlela va ya le Egipta, va nga ndzi vikelanga, va lava leswaku hosi Faro a va khokholo ra vona, tiko ra Egipta ri va xisirhelelo xa vona.

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.