Hosiya 7:7 - BIBELE Mahungu Lamanene

⁷ Hinkwavo va hisa ku fana ni ndzilo exitikweni, va heta vafumi va vona. Tihosi ta vona hinkwato ti wile, kambe ku hava ni yin'we leyi kombeleke ku pfuniwa hi mina!

Xitsonga (Bibele)

⁷ Hinkwavo va hisa tanihi xitiko, va dya vaavanyisi va vona; tihosi ta vona hinkwato ta lova; a nga kona eka vona la vitanaka eka mina.

Hosiya 7:7 Referans Kwoze

2 TIHOSI 15:30

Kutani Hoxeya n'wana Ela a endla makungu yo teka vuhosi bya Peka n'wana Remaliya; a n'wi juma, kutani loko a n'wi dlele, a sala a fuma. Lembe ra kona a ri ri ra 20 ra ku fuma ka Yotamu n'wana Uziya.

2 TIHOSI 15:25

Siku rin'wana, Peka n'wana Remaliya, xandla xa hosi, a endla makungu yo tekela Pekahiya evuhosi; a n'wi juma, [a juma na Arigobi na Ariye] a va dlaya endlwini yin'wana ya le ntsindza eSamariya, a ri ni ntlawa wa Vagiliyadi va 50; kutani loko a n'wi dlayile, a sala a fuma.

2 TIHOSI 15:14

Kavaloko Menahema n'wana Gadi a tlhandluka a ta hi le Tirisa, a fika eSamariya, kutani a juma Xalumi n'wana Yabexe kwala eSamariya, a n'wi dlaya, a sala a fuma.

2 TIHOSI 15:10

Siku rin'wana, Xalumi n'wana Yabexe a endla makungu yo tekela Zakariya vuhosi; a n'wi juma le Yibileyamu, a n'wi dlaya, kutani a sala a fuma.

Hosiya 8:4

Va tivekerile tihosi, kambe a hi mina ndzi va byeleke, va tihlawulerile varhangeri, kambe mina a va ndzi vikelanga. Va tiendlerile swikwembu swa swifaniso hi silivhere ya vona ni nsuku wa vona, swi nga swilo leswi swi nga ta va dlayisa.

Hosiya 7:10

Ku tikurisa ka vanhu va tiko ra Israele ka va mangalela; hambiswiritano, a va tlheleli eka HOSI Xikwembu xa vona, ni ku xi lava, a va fambi va xi lava.

Esaya 64:7

Ku pfumala na munhu na un'we loyi a ku khongelaka, ku hava loyi a sukaka a yima a tshinela kusuhi na wena, hikuva u sukile exikarhi ka hina, u hi siyile ni swidyoho swa hina.

Esaya 43:22

“Kambe n'wina va ka Yakobo, mi tshikile ku ndzi khongela, mi karhele hi mina, n'wina Vaisraele.

Esaya 9:13

Vaisraele a va tlhelelanga eka HOSI Xikwembu xa matimba hinkwawo lexi xi nga va ba, a va vutisanga leswaku xi tsakela yini.

Ntirho 36:13

“Lava vengaka Xikwembu, va tshama va xi hlundzukerile; loko xi va tshika va khomiwa, a va rili eka xona.

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.

Hosiya 5:15

Ndzi ta suka ndzi famba ndzi tlhelela laha ndzi tshamaka kona, va ta kondza va tivona nandzu, kutani va famba va ndzi lava; va ta ndzi lava loko va ri ekhombyeni.

Daniele 9:13

Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Ezekiele 22:30

Ndzi lavile munhu exikarhi ka vona loyi a nga akaka khumbi, a yima exikarhi ka mina na vona a va sirhelela leswaku ndzi nga herisi tiko, kambe a ndzi n'wi kumanga.

2 TIHOSI 10:14

Hiloko Yehu a lerisa a ku: “Va khomeni va ha hanya.” Kutani va va khoma va ya va dlayela ekheleni ra le Beta-Ekede. A va ri 42, kutani Yehu a nga siyanga ni un'we wa vona.

2 TIHOSI 10:7

Kuteloko papila ri fikile eka vakulukumba lava, va teka vana lava va 70 va ndyangu wa hosi, va va tsema tinhloko, va ti hoxa eswirhundzini, va ti rhumela eka Yehu le Yizriele.

2 TIHOSI 9:33

Yehu a va lerisa a ku: “N'wi cukumeteni ehansi!” Va n'wi cukumeta ehansi, kutani ngati ya yena yi tlhambukela ekhumbini ni le milengeni ya tihanci, tona ti n'wi kandziyela.

2 TIHOSI 9:24

Kambe Yehu a konga vurha bya yena hi matimba, a copa Yoramu enhlaneni, nseve wu n'wi tlhava mbilu, wu ya huma hi le xifuveni. Yoramu a wela ekalichini, a fa.

1 TIHOSI 16:18

Loko Zimri a vona leswaku muti wu tekiwile, a ya tumbela endlwini yin'wana ya le ntsindza, a tisunga hi ku hisa yindlu leyi, a fela kona.

1 TIHOSI 16:22

Kambe lava yimaka na Omri va hlula lava yimaka na Tibini n'wana Ginati. Kutani Tibini a dlawa, Omri a sala a fuma.

1 TIHOSI 15:28

Lembe leri Baaxa a dlayeke Nadabu ha rona a ri ri ra vunharhu ra ku fuma ka Asa hosi ya tiko ra Yuda, kutani Baaxa a sala a fuma.

Hosiya 13:10

Xana hosi leyi nga ta mi ponisa yi kwihi, ni varhangeri lava nga ta mi biyelela, va kwihi xana? Ndzi vula vona lava mi nga te: “Hi nyike hosi ni varhangeri!”

Mikiya 2:1

Va ni khombo vanhu lava kanelaka ku endla leswo homboloka, lava etlelaka va ri karhi va boha makungu layo biha, kutani loko ri xa, va endla leswi va boheke swona nivusiku, hikuva hi vona va fumaka!

Pisalema 14:4

Xikwembu xa vutisa xi ri: “Hinkwavo lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina HOSI, xana?”

Esaya 64:4

Ku sukela khale, a ku si tshama ku va na munhu loyi a tweke kumbe ku vona Xikwembu xo fana na wena, hikuva u tikarhatela vanhu lava va ku tshembaka.

Esaya 64:6

Hinkwerhu hi fana ni munhu loyi a nga tengangiki, hambi yi ri mintirho ya hina leyo lulama yi fana ni xiambalo lexi nyamisiweke. Hi fana ni matluka lama vuneke, swidyoho swa hina i moya lowu hungaka, wu hi rhwala wu famba na hina.