Hosiya 7:12 - BIBELE Mahungu Lamanene

¹² Ndzi ta andlala ritavala ra mina ehenhla ka vona, loko va ri karhi va rhendzeleka ni matiko; ndzi ta va phasa ku fana ni tinyanyana, ndzi va ba, ndzi va bela mintirho ya vona leyo homboloka.

Xitsonga (Bibele)

¹² Va ku va ha ya, ndzi ta cela rindzi ra mina ehenhla ka vona, ndzi va hlawula kukotisa nyanyana loko yi ri ehenhla, ndzi va tshinya hilaha va tivisiweke hakona enhlengeletanweni ya vona.

Hosiya 7:12 Referans Kwoze

Ezekiele 12:13

Mina ndzi ta tlharamula ritavala ndzi n'wi phasa ha rona, ndzi n'wi yisa emutini wa Babilona etikweni ra Vakalediya, kutani yena ú ta ya fela etikweni rero a nga ha ri na mahlo.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Ezekiele 32:3

Hikokwalaho mina HOSI N'wini wa hinkwaswo ndzi ri: Ndzi ta tlharamula ritavala ndzi ku khubumeta, vamatiko lavo tala va ku rhendzerile; ndzi ta ku tsavula ematini hi rikoka ra mina,

Ezekiele 17:20

Ndzi ta tlharamula ritavala ndzi phasa munhu loyi ha rona, kutani ndzi n'wi yisa eBabilona, laha a nga ta avanyisiwa a ri kona, a beriwa leswi a ndzi dyoheleke ha swona.

Yeremiya 44:4

Minkarhi hinkwayo ndzi mi rhumerile vaprofeta malandza ya mina, kutani vona va mi tsundzuxile leswaku mi nga tshuki mi endla swilo leswi swa manyala, hikuva mina HOSI ndza swi venga.

Yeremiya 16:16

HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Eklesiasta 9:12

Munhu a nga wu tivi nkarhi wa ku fa ka yena; tanihi leswi tinhlampfi ti phasiwaka hi tinkoka, ni tinyanyana ti welaka entlhan'wini, munhu na yena ú ta humeleriwa hi khombo enkarhini wa rona, ri n'wi wela hi xitshuketa.

Ntirho 19:6

Kambe swi tiveni: I Xikwembu xi ndzi vangelaka khombo leri, xi ndzi khubumetile hi ritavala ra xona.

Hosiya 5:9

Siku va ka Efrayimi va tshinyiwaka, tiko ra vona ri ta hundzuka marhumbi; leswi ndzi swi vulaka, swi ta humelela exikarhi ka tinyimba ta Israele.