Hosiya 7:11 - BIBELE Mahungu Lamanene

¹¹ Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Xitsonga (Bibele)

¹¹ Efrayimi u fana ni tuva lero rivala; a nga na ku anakanya. Va ka Efrayimi va vita Vaegipta, va rhumela eka Vaaxuru.

Hosiya 7:11 Referans Kwoze

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Hosiya 5:13

Va ka Efrayimi va vonile vuvabyi bya vona, na vona va ka Yuda va vona timbanga ta vona, kutani va ka Efrayimi va rhuma vanhu va ya eAsiriya, va ya kombela ku pfuniwa eka hosi leyikulu. Kambe hosi leyi a yi swi koti ku mi horisa, ni timbanga ta n'wina, a yi ti koti,

Hosiya 11:11

va ta vuya hi ku rhurhumela ku fana ni tinyanyana, va huma etikweni ra Egipta, va ta vuya hi le tikweni ra Asiriya, va fana ni matuva. HOSI Xikwembu xi vula sweswo xi ri: “Mina ndzi ta va tlherisela emitini ya vona.”

Hosiya 4:11

Vhinyo ya khale ni leyintshwa yi va dlayile mano:

Hosiya 9:3

Etikweni ra HOSI Xikwembu, a va nga ha tshami; va ka Efrayimi va ta tlhelela etikweni ra Egipta, va ya dya swakudya swa le Asiriya leswi nyamisaka.

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Yeremiya 2:36

U hatlisa ngopfu ku hundzuluxa mikhuva ya wena. Tiva leswaku Vaegipta va ta ku khomisa tingana, ku fana ni leswi Vaasiriya va ku endleke swona.

Yeremiya 2:18

Kutani sweswi swi mi pfuna yini ku tsutsumela le Egipta, mi ya nwa mati enambyeni wa Nilo xana? Ni ku ya le Asiriya mi ya nwa mati enambyeni wa Yufrata, swi mi pfuna yini xana?

Swivuriso 17:16

Xiphunta xi nga va ni mali yo hakelela vutlhari, kambe swi nge xi pfuni nchumu, hikuva a xi na miehleketo.

Swivuriso 15:32

Munhu loyi a bakanyaka switsundzuxo, wa tidlaya, kasi loyi a yingisaka loko a tshinyiwa, ú engetelela ku twisisa.

Swivuriso 6:32

Wanuna loyi a oswaka, a nga ehleketi! Loko a etlela ni nsati wa un'wana, ú ticelela sirha;

2 TIHOSI 15:19

Enkarhini wolowo, Tiglata-Pilezere hosi ya le Asiriya a hlasela tiko hinkwaro ra Israele, kutani Menahema a luva Tiglata-Pilezere hi silivhere yo tika ku tlula tithani ta 40. Menahema a a lava leswaku Tiglata-Pilezere a n'wi pfuna ku tiyisa vuhosi bya yena.

Matewu 10:16

“Vonani, ndzi mi rhuma mi fana ni tinyimpfu exikarhi ka timhisi; hikwalaho ke tlharihani kukota tinyoka, mi va lavo rhula kukota matuva.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Hosiya 5:4

Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Hosiya 9:6

Vonani, va tsutsuma khombo; Vaegipta va ta va hlengeleta, masirha ya vona ma ta va le Memfisi; swibya swa vona swa nkoka swa silivhere swi ta funengetiwa hi mahlwehlwe, mintsonga ya vona yi ta mila mitwa.

2 TIHOSI 16:7

Akazi a rhuma vanhu eka Tiglata-Pilezere hosi ya le Asiriya, a ku ka yena: “Mina ndzi nandza wa wena ni n'wana wa wena: Tlhandlukela haleno u ta ndzi lamulela emavokweni ya hosi ya Siriya ni le mavokweni ya hosi ya Israele, hikuva va lwa na mina.”

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Obadiya 1:7

Hinkwavo vanghana va n'wina va ta mi kanganyisa, va mi hlongola etikweni ra n'wina; lava a mi twanana na vona va ta lwa na n'wina va mi hlula, lava a mi va tshemba ngopfu va ta mi phija mi wa, vutlhari bya n'wina a byi nga ha pfuni nchumu.