Hosiya 6:8 - BIBELE Mahungu Lamanene

⁸ Muti wa Giliyadi i wa lava endlaka leswo biha, eka wona, ngati vo famba ehenhla ka yona.

Xitsonga (Bibele)

⁸ Giliyadi i muti wa vadyohi, u tichele hi ngati.

Hosiya 6:8 Referans Kwoze

Hosiya 12:11

Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Timhaka 25:3

va khongela Festo leswaku a va pfuna hi ku rhumela Pawulo eYerusalema, kasi a va bohile makungu yo n'wi dlaya endleleni.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Hosiya 5:1

Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Yeremiya 11:19

Khale a ndzi fana ni xinyimpfana lexi yisiwaka eku tlhaviweni xi nga tivi nchumu; a ndzi nga swi tivi leswaku ku ni lava va ndzi tshamaka xikungu va lava ku ndzi dlaya. A va ku: “Hi ta lovisa murhi lowu ni mihandzu ya wona, hi ta wu tsema wu suka emisaveni ya lava hanyaka, vito ra wona ri nga ha tsundzukiwi hi munhu!”

Esaya 59:6

leswi vanhu va nga kotiki ku tirhungela swiambalo ni minkumba ha swona. Mintirho ya n'wina i ya tihanyi ntsena, yi vanga makhombo.

Pisalema 59:2

ndzi lwele eka lava endlaka leswo homboloka, u ndzi kutsula eka lava tsakelaka ku halata ngati.

Pisalema 10:8

Ú tumbelela vanhu kusuhi ni miti, ú tshamela ku dlaya lava nga onhangiki nchumu.

1 TIHOSI 2:5

Tlhandlakambirhi, wa swi tiva leswi Yowabu n'wana Seruya a ndzi dyoheleke ha swona, ni hilaha a nga dyohela vafambisi lavambirhi va mavuthu ya Israele hakona, va nga va Abinere n'wana Nere, na Amasa n'wana Yetere, hi ku va dlaya; nkarhi lowu tiko ri nga etlela, yena ú halatile ngati tanihi loko yi ri minkarhi ya tinyimpi; ú nyamisile vamba ra yena ni tintanghu ta yena hi ngati ya tinyimpi.

2 SAMIELE 20:8

Loko va ri eribyeni lerikulu leri nga eGibiyoni, Amasa a humelela emahlweni ka vona. Yowabu a a ambarile swa nyimpi, a tiyimisele ku lwa, a tikhame hi vamba, a ri ni banga enkotlotweni lowu khweketiweke exisutini. Loko Yowabu a ri karhi a ta kusuhi, banga ri khwexuka.

2 SAMIELE 3:27

Kuteloko Abinere a fikile eHebroni, Yowabu a n'wi kokela etlhelo kusuhi ni nyangwa ya muti, wonge hi loko a lava ku vulavula na yena exihundleni, kutani a n'wi tlhava khwiri a fa. Yowabu a a rihisela swa ku dlawa ka Asahele makwavo.

Yoxuwa 21:38

Eka nyimba ya ka Gadi, ku humile miti leyi landzelaka ni madyelo ya yona ya swifuwo: Ramoto eGiliyadi, wu nga muti lowu vadlayi va nga ta ya tumbela eka wona, na Mahanayimi,

Pisalema 141:4

U nga pfumeli leswaku miehleketo ya mina yi namarhela leswo biha, ndzi nga tshuki ndzi endla leswo homboloka, kumbe ku tirhisana ni vanhu lava dyohaka; ndzi nga tshuki ndzi dya na vona eminkhubyeni.

Hosiya 12:12

Yakobo ú balekerile etikweni ra Aramu, kona kwale ú tirherile ku kuma nsati; ku kuma nsati, a a fanele ku risa tinyimpfu.