Hosiya 6:5 - BIBELE Mahungu Lamanene

⁵ Hikokwalaho ndzi rhumile vaprofeta va ya va laya, ndzi lerisile vanhu ku ya va dlaya, ku avanyisa ka mina ku tikombile ku fana ni ku vonakala.

Xitsonga (Bibele)

⁵ Hikwalaho, ndzi va bile hi vaprofeta, ndzi va dlele hi marito ya nomu wa mina; ku avanyisa ka mina ku ve tanihi ku vonakala loku humaka!

Hosiya 6:5 Referans Kwoze

Yeremiya 23:29

Rito ra mina ri hisa ku fana ni ndzilo, ri ni matimba kukota nyundzu leyi fayaka maribye.

Yeremiya 1:10

Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Yeremiya 5:14

Hikokwalaho HOSI Xikwembu xa matimba hinkwawo xi ku ka Yeremiya: “Leswi Vaisraele va vulavulaka hi ndlela leyi, marito ya mina ma ta huma enon'weni wa wena ma fana ni ndzilo, kutani vanhu lava ndzi ta va endla tihunyi, ndzilo wa kona wu va hisa va hela.”

Vaheveru 4:12

Hikuva Rito ra Xikwembu ra hanya, naswona ra tirha, ri kariha ku tlula tlhari rin'wana ni rin'wana leri lotiweke matlhelo mambirhi, ri tlhava ku ya fika emahlanganeni ya hika ni moya, ni ya marhambu ni mongo, ri kota ku hlaya mianakanyo ni makungu ya mbilu.

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Nhlavutelo 9:21

A va tshikanga ku dlayana, kumbe ku ya evangomeni, kumbe ku oswa, kumbe ku yiva.

Nhlavutelo 9:15

Kutani tintsumi leti ta mune leti a ti bohiwile ku yimela nkarhi, ni siku, ni n'hweti, ni lembe, ti ntshunxiwa leswaku ti dlaya xiphemu xin'we xa nharhu xa vanhu va misava.

Nhlavutelo 2:16

Hundzuka ke! Loko u nga hundzuki, ndzi ta hatla ndzi ku tela kwaleyo, ndzi ta lwa ni vanhu va kona hi tlhari ra nomo wa mina.

Nhlavutelo 1:16

Evokweni ra yena ra xinene a a tamerile tinyeleti ta 7; enon'weni wa yena a ku huma tlhari leri lotiweke hi matlhelo mambirhi; xikandza xa yena a xi fana ni dyambu loko ri vangama ninhlekanhi.

Timhaka 7:31

Loko Muxe a languta, a hlamala hi leswi a swi vonaka; kuteloko a tshinelele ku langutisisa, ku twala rito ra Hosi leri nge:

Sofoniya 3:5

Kambe HOSI Xikwembu lexi nga mutini lowu, xi lulamile, a xi endli nchumu xo biha; mixo wun'wana ni wun'wana xi komba ku lulama ka xona, tanihi vurhonga, a xi tluli siku; hambiswiritano, lavo homboloka a va khomi hi tingana!

Ezekiele 43:3

Xivono lexi a xi fana ni lexi ndzi kombiweke xona, siku Xikwembu xi teke ku ta herisa muti wa Yerusalema; naswona a xi fana ni xivono lexi ndzi nga kombiwa xona eribuweni ra nambu wa Kebara; kutani ndzi wela hansi hi mombo.

Ezekiele 3:9

Ndza ku tiyisa ku fana ni dayimani, hikokwalaho u nga va chavi, naswona u nga chavisiwi hi ndlela leyi va ku langutaka ha yona, hikuva i vanhu lava tiarisaka.”

Yeremiya 13:13

Kutani wena u ta va byela leswaku mina HOSI ndzi ri: ‘Yingisani, ndzi ta pyopyisa vanhu hinkwavo lava akeke etikweni leri, ti nga tihosi leti tshamaka exiluvelweni xa Davhida, ni vaprista, ni vaprofeta, ni vaaki hinkwavo va Yerusalema.

Yeremiya 1:18

Kutani namuntlha ndzi ta ku endla khokholo, ndzi ku tiyisa u va phuphu ya nsimbhi ni khumbi ra koporo, leswaku u tisirhelela eka tiko hinkwaro, ku nga tihosi ta Yuda, ni tindhuna, ni vaprista, ni vaaki hinkwayo va tiko.

Esaya 58:1

HOSI Xikwembu xi ri: “Huwelela swinene, u tlakusa rito, ri tlakuse kukota loko va ba mhalamhala; tivisa vanhu va mina leswaku va ni nandzu, byela va ka Yakobo leswaku va dyohile.

Esaya 11:4

ú ta avanyisa timhaka ta swisiwana hi ku lulama, ni ta swikamba, ú ta ti tsema hi ndlela leyinene; nomo wa yena wu ta va nhonga yo ba vanhu va misava, loko a hefemula, lavo homboloka va ta fa.

Pisalema 119:120

Ndza rhurhumela emahlweni ka wena hikuva ndza ku chava, ndzi chava ni leswi u swi boheke.

Pisalema 37:6

Xi ta ku khanisa, xi vangamisa ku lulama ka wena ku fana ni dyambu ninhlekanhi.

Ntirho 34:10

“Hikokwalaho, ndzi yingiseni n'wina vanhu va miehleketo: Xikwembu xi nge pfuki xi endle swo biha, Lowa-matimba-hinkwawo a nge dyohi ni siku ni rin'we.

2 TIKRONIKA 21:12

Kutani muprofeta Eliya a tsalela Yehoramu papila leri nge: “HOSI Xikwembu xa Davhida kokwa wa wena xi vula sweswo xi ri: ‘U tshikile tindlela ta Yoxafati tata wa wena ni ta Asa hosi ya Yuda;

2 TIHOSI 1:16

Eliya a fika a ku ka yena: “HOSI Xikwembu xi vurisa sweswo xi ri: ‘Leswi u rhumeke vanhu ku ya vutisa eka Baala-Zebubu xikwembu xa le Ekroni, xana a ko va hava Xikwembu etikweni ra Israele ku ya vutisa rito eka xona, ke? Hikokwalaho, u nga ka u nga ha pfuki emasangwini lawa u etleleke ka wona, kambe u ta fa hakunene.’ ”

1 TIHOSI 19:17

Kutani loyi a nga ta pona tlhari ra Hazaele, ú ta dlawa hi Yehu; ni loyi a nga ta pona tlhari ra Yehu, ú ta dlawa hi Elixa.

1 TIHOSI 18:17

Loko Akabu a vona Eliya, a ku ka yena: “Xana a hi wena Eliya ke, wena mupfilunganyi wa tiko ra Israele, ke?”

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

1 TIHOSI 14:6

Kambe loko Ahiya a twa swigingi swa muendzi enyangweni, a ku ka yena: “Nghena, nkata Yerobuwamu. Xana u hundzulele yini maambalele ya wena xana? Ndzi rhwexiwile mahungu lama nga ta ku tikela.

1 SAMIELE 15:22

Samiele a hlamula a ku: “Xana HOSI Xikwembu xi tsakela yini xana: Magandzelo lama hisiwaka ni lama dyiwaka, kumbe vanhu lava yingisaka ku lerisa ka xona, xana? E-e, ku yingisa, swi tlula magandzelo; ku hlayisa rito ra xona, swi tlula mafurha ya tinyimpfu;

1 SAMIELE 13:13

Kavaloko Samiele a ku ka Sawulo: “Phuphula ndziwena! A wu hlayisanga leswi HOSI Xikwembu xa wena xi ku leriseke swona. Loko onge u swi hlayisile, HOSI Xikwembu a xi ta tiyisa vuhosi bya wena ehenhla ka Vaisraele hilaha ku nga heriki.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Vaefesa 6:17

Amukelani ku ponisiwa, xi va xihuku xa n'wina xa le nhlokweni, kutani Rito ra Xikwembu ri va fumu ra n'wina leri Moya wu mi nyikaka rona.

1 SAMIELE 15:32

Kutani Samiele a lerisa a ku: “Tisani Agaga hosi ya Vaamaleke haleno ka mina.” Agaga a ya a tsakile, a anakanya leswaku ú ponile rifu ni ku bava ka rona.

1 SAMIELE 15:33

Kambe Samiele a ku ka yena: “Banga ra wena ri tekerile vavasati lavo tala evana va vona. Namuntlha, mana wa wena ú tekeriwa n'wana wa yena, ku fana na vona.” Kavaloko Samiele a khavangela Agaga eGiligala a fa, emahlweni ka HOSI Xikwembu.

Ezekiele 32:18

“Wena munhu, yimbelela risimu ra xirilo, u rila mintshungu ya Vaegipta swin'we ni vanhu va matimba va tinxaka timbe, loko va ri karhi va rhelela hinkwavo va ya exivandleni xa vafi, va ya hlangana ni lava feke khale.

Ntirho 15:30

rifu ri nge n'wi sukeli, ndzilo wu ta hisa swihluke swa yena, matluka ya yena ma ta haha hi moya.

Ezekiele 11:4

Hikokwalaho wena muprofeta vulavula na vona. Va tshinye hi vuprofeta bya wena, wena Ezekiele!”