Hosiya 6:3 - BIBELE Mahungu Lamanene

³ A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Xitsonga (Bibele)

³ A hi tiveni Yehovha, a hi chivirikeni ku n'wi tiva! Ku humelela ka yena ku tiyile kukotisa vurhonga; u ta hi tela kukotisa mpfula, kukotisa mpfula ya xirimo leyi nonisaka misava.”

Hosiya 6:3 Referans Kwoze

Hosiya 14:5

Eka vanhu va tiko ra Israele, ndzi ta fana ni mpfula, va ta hluka va fana ni swiluva, va mila timitsu va tiya ku fana ni ntshava ya Lebanoni.

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Pisalema 72:6

Mufumi wa tiko a a fane ni mpfula leyi nelaka swimila; a a fane ni swimpfulana leswi tsutsuxaka kunene.

Nhlavutelo 22:16

Yesu ú ri: “Ndzi rhumile ntsumi ya mina etikerekeni leswaku yi mi tivisa ntiyiso wa swilo leswi. Hi mina rimitsu ra Davhida, ni wa rixaka ra yena, nyeleti leyo vangama ya mixo.”

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Zakariya 10:1

Kombelani mpfula eka HOSI Xikwembu hi nkarhi hinkwawo wa yona, hikuva hi xona xi nga muendli wa mapapa, munyiki wa timpfula letikulu; munhu un'wana ni un'wana, xi n'wi mirisela swa le masin'wini.

2 Petro 1:19

Hikokwalaho, rito ra vaprofeta, hina hi ri kuma ri tiyile ku tlula ni khale. Mi ta va mi endla swona loko mi hlayisa swinene rito rero, ku fana ni rivoni leri voningaka lomu ku nga ni munyama, ku fikela loko vurhonga byi tshwuka, ni loko nyeleti ya mixo yi humelela etimbilwini ta n'wina.

Luka 1:78

Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Hosiya 10:12

Tibyaleleni ku lulama hi n'wexe, kutani mi ta tshovela mihandzu ya tintswalo ta n'wina; rimani masimu lawa mi ma tshetsheke, hikuva hi wona nkarhi wa ku lava HOSI Xikwembu leswaku xi ta ta xi ta mi nisela minkateko.

Esaya 54:13

Lava va ku akaka hi vuntshwa, va ta dyondzisiwa hi mina, ndzi ta va nyika minkateko ni ku rhula.

Timhaka 17:11

Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Hosiya 2:20

Ndzi ta ku teka u va nsati wa mina hi vutshembeki, kutani u ta swi tiva leswaku hi mina HOSI.

Esaya 44:3

Ndzi ta chululela mati etikweni leri nga ni torha, swinambyana swi ta hobomulana emisaveni leyi omeke; ndzi ta chululela Moya wa mina ehenhla ka vatukulu va n'wina, vana va n'wina, ndzi ta va katekisa.

Esaya 32:15

Kambe ku ta fika siku leri hi nga ta chululeriwa Moya lowu humaka ehenhla, kutani mananga ma ta hundzuka nsimu ya misava yo nona, kasi nsimu leyi nga ni misava leyo nona yi ta tlhuma hi mirhi ya mihandzu.

Pisalema 65:9

U tikarhatela misava hi ku yi nisela mpfula, u yi andzisela minkateko. We Xikwembu, mati ma khuluka emilambyeni ya wena, u mirisa mavele emasin'wini ya vanhu; misava ya kona u yi lulamisa swinene.

Duteronoma 32:2

Dyondzo ya mina a yi ne kukota mpfula, marito ya mina a ma we ku fana ni mberha, ma kota swimpfulana leswi cheletaka swimilana, kumbe n'wema lowu hlukisaka rihlaza.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Esaya 5:6

Ndzi ta yi tshika yi tlhumelana, ndzi nga yi hlakuli, ni vhinya ndzi nga yi tsheni, ku ta mila mitwa ni swigatlu ntsena; ndzi ta lerisa mapapa leswaku ma nga ha nisi mpfula ensin'wini leyi!”

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Ntirho 29:23

a va ma amukela hi mandla mambirhi, va tsaka kukota murimi la vonaka mpfula ya ximun'wana.

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Pisalema 19:4

kambe ku vulavula ka swona ku hangalaka emisaveni hinkwayo, ni marungulo ya swona ma fika evugimamusi. Kona kwale, Xikwembu xi dzimele dyambu entsonga:

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

2 SAMIELE 23:4

ú fana ni ku vonakala nimixo, loko dyambu ri tlhava hi siku ro pfumala mapapa: Ku phatima ka rona, loko mpfula yi nile, swi hlukisa byanyi bya rihlaza emisaveni!’

Pisalema 19:6

ri tlhava lomu matilo ma sungulaka kona, ri rhendzeleka ri ya tlomuta laha ma helelaka kona; a ku na nchumu lowu nga balekaka ku hisa ka rona.

Pisalema 63:8

Ndzi namarhela wena hi mbilu ya mina hinkwayo, hikuva voko ra wena ra matimba ra ndzi hlayisa.

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Hosiya 14:6

Swiluva swa kona swi ta baleka, swi saseka ku fana ni murhi wa mutlhwari, swi nun'hwela ku fana ni mirhi ya Lebanoni.