Hosiya 6:11 - BIBELE Mahungu Lamanene

¹¹ Na n'wina va ka Yuda, siku ra n'wina ra ku avanyisiwa ri vekiwile, ri nga siku leri ndzi nga ta tlhela ndzi vuyisa vanhu va mina ha rona.

Xitsonga (Bibele)

¹¹ Na wena Yuda, u hlayiseriwe ku tshovela, siku ndzi kutsulaka tiko ra mina evukhumbini bya rona.

Hosiya 6:11 Referans Kwoze

Yuwele 3:13

Nghenisani rihwevo, hikuva nkarhi wa ku tshovela wu fikile. Nghenani mi pyanya, hikuva mihandzu ya vhinya yi tele ngopfu. Makhuwana a ma khape hi vhinyo, hikuva swidyoho swa vona swa chavisa!

Yeremiya 51:33

HOSI ya matimba hinkwawo, Xikwembu xa Israele, xi ri: “Muti wa Babilona i xivuya xo hulela eka xona, nkarhi wo xi rhidela wu fikile, ku lo sala nkarhinyana ntsena ku nga si tisiwa mavele!”

Ntirho 42:10

Loko Yobo a hetile ku khongelela vanghana va yena, HOSI Xikwembu xi n'wi tlherisela rifuwo ra yena, ri tlula kambirhi leswi a a ri na swona eku sunguleni.

Nhlavutelo 14:15

Kutani ntsumi yin'wana yi huma hi le Tempeleni, yi huwelela hi rito leri tlakukeke, yi ku ka loyi a tshameke ehenhla ka papa: “Nghenisa rihwevo ra wena u tshovela, hikuva nkarhi wa ku tshovela wu fikile, naswona misava yi vupfile swinene yi vupfele ku tshoveriwa.”

Sofoniya 2:7

Tiko leri ri ta tekiwa hi va le Yuda lava poneke; va ta risela kona swifuwo swa vona; namadyambu va ta ya etlela etindlwini ta le Axikeloni, hikuva HOSI Xikwembu xa vona xi ta va tsetselela, xi tlhela xi va katekisa.

Mikiya 4:12

Kambe vanhu lava a va swi tivi leswaku HOSI Xikwembu xi ehleketa yini, makungu ya xona a va ma tivi, ku nga ku va hlengeleta endhawini yin'we ku fana ni mavele exivuyeni.

Pisalema 126:1

Siku HOSI Xikwembu xi tlheleke xi hi katekisa hina va le Siyoni, a hi ku hi le ku lorheni!

Pisalema 85:1

We HOSI, u vile ni tintswalo eka vanhu va wena, u vuyisile va ka Yakobo lava a va ri evukhumbini.

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.