Hosiya 6:1 - BIBELE Mahungu Lamanene

¹ “Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Xitsonga (Bibele)

¹ “Tanani, a hi tlheleleni eka Yehovha, hikuva hi yena la hi handzuleke, kambe u ta hi horisa; u tsemile, kambe u ta hi bohelela timbanga.

Hosiya 6:1 Referans Kwoze

Duteronoma 32:39

“ ‘Swi tiveni sweswi: Hi mina ntsena ndzi nga Xikwembu a ku na xin'wana ehandle ka mina. Hi mina ndzi dlayaka ni ku hanyisa, ndzi boxa timbanga, ndzi tlhela ndzi horisa, loyi ndzi n'wi khomaka, a nge lamuleriwi hi munhu.

Ntirho 5:18

Loko xi boxa munhu timbanga xi tlhela xi bohelela, lava xi va baka, xi tlhela xi va horisa.

1 SAMIELE 2:6

“HOSI hi yona yi lovisaka, naswona hi yona yi hanyisaka; hi yona yi nghenisaka ni ku humesa exivandleni xa vafi.

Hosiya 14:4

Ku tiarisa ka vona, ndzi ta ku tshungula; ndzi ta va rhandza hi mbilu hinkwayo, hikuva sweswi a ndza ha va hlundzukelanga.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Yeremiya 30:17

Leswi va ku thyeke vito ra ‘Ntshikiwani’, we Siyoni, ni leswi va vulaka leswaku a wu hlayisiwi hi munhu, mina HOSI ndzi ri, ndzi ta ku hanyisa, ndzi ta horisa ni timbanga ta wena.”

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Yeremiya 50:4

HOSI Xikwembu xi ri: “Loko nkarhi wolowo wu ta va wu fikile, Vaisraele ni va ka Yuda va ta hlengeletana, va suka eBabilona va ri karhi va rila, va lava mina HOSI Xikwembu xa vona.

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Esaya 30:26

Naswona, n'weti wu ta vangama kukota dyambu, dyambu rona ri ta vangama ka 7 ku tlula leswa khale; ku vonakala ka siku rin'we ku ta ringana ni ku vonakala ka masiku ya 7. Esikwini rero, HOSI Xikwembu xi ta bohelela ni ku horisa timbanga leti xi ti boxeke, loko xi ba vanhu va xona.

Pisalema 30:7

We HOSI, a wu ndzi katekisile, ndzi tiya kukota ntshava, kambe siku u nga ndzi fularhela, ndzi khomiwe hi ku chava lokukulu.

Yeremiya 30:12

HOSI Xikwembu xi vurisa sweswo xi ri: “Wena Israele, mbanga ya wena a yi holi, vuvabyi bya wena i ntsandza-vatshunguri.

Esaya 30:22

Kutani mi ta sungula ku nyenya swikwembu leswi mi nga tivatlela ni ku tivumbela swona, leswi mi swi namekeke silivhere ni nsuku. Mi ta swi cukumeta swi hangalaka kukota thyaka, mi ku: “A swi nyamalale!”

Sofoniya 2:1

Hlengeletanani endhawini yin'we, n'wina vanhu lava pfumalaka tingana,

1 SAMIELE 7:3

Kutani Samiele a khongotela vanhu hinkwavo va Israele, a ku: “Loko hakunene mi tlhelela eka HOSI hi timbilu ta n'wina hinkwato, cukumetani swikwembu swa vamatiko ni swifaniso swa Astarte xikwembukazi; namarhelani HOSI hi timbilu ta n'wina hinkwato, mi tirhela yona ntsena, kutani yona yi ta mi kutsula emavokweni ya Vafilista.”

Ntirho 16:9

Eku hlundzukeni ka xona, xi ndzi handzulerile, xa ndzi venga xi ndzi mpfhumpfhela, xi ndzi honokela onge ndzo va nala wa xona.

Pisalema 6:2

Ntamu wa mina wa hela we HOSI, ndzi twele vusiwana! Ndzi horise, hikuva marhambu ya mina ya pandza,

Pisalema 71:20

Wena u ndzi hundziseke emaxangwini ne makhombyeni layo tala, u ta tlhela u ndzi hanyisa, u ta tlhela u ndzi humesa ematimbeni ya rifu.

Eklesiasta 3:3

Ku ni nkarhi wo dlaya munhu, ni nkarhi wo n'wi hanyisa; ku ni nkarhi wo hirimuxa yindlu, ni nkarhi wo yi pfuxa.

Esaya 17:7

Enkarhini wolowo, vanhu va ta hundzuluka va languta Muvumbi wa vona, yena Muhlawuleki wa Israele;

Yeremiya 33:6

Hambiswiritano, ndzi ta tisela va le Yerusalema ku tsaka ni ku hanyisiwa, ndzi ta va horisa, ndzi va avela rifuwo ni ku rhula loku tiyeke.

Yeremiya 50:5

Va ta vutisa ndlela yo ya eSiyoni, kutani va ta hundzuluka va kongoma kona, va ri karhi va byelana va ku: ‘A hi yeni, hi ya tihlanganisa na HOSI Xikwembu, entwananweni lowu nga heriki lowu nga ta ka wu nga rivariwi.’

Swirilo 3:11

Ú ndzi pfalerile tindlela, a ndzi handzulela, a ndzi siya ndzi nga ha pfuni nchumu.

Hosiya 11:10

Va ta landzelela HOSI Xikwembu, xi ri karhi xi bonga ku fana ni nghala; kutani loko vanhu va xona va twa ku bonga ka xona, va ta vuya hi ku rhurhumela va huma evupeladyambu;

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Levhitika 14:48

“Kambe loko muprista a ta a ta kambela yindlu, kutani a kuma leswaku nkurhe a wu hangalakanga ni khumbi endzhaku ka loko ri phamiwile hi vuntshwa, ú fanele ku tivisa leswaku yindlu leyi se yi tengile; nkurhe wu ta va wu sukile.

2 TIKRONIKA 30:6

Kutani ku rhumiwa tintsumi, ti ya hi ku tsutsuma ematlhelweni hinkwawo ya tiko ra Israele ni ra Yuda, ti ri na mapapila lama tsariweke hi vito ra hosi Hezekiya ni tindhuna ta yena. Emapapileni lawa, hosi Hezekiya a a vula leswi: “N'wina vanhu va Israele, vuyelani eka HOSI, Xikwembu xa Abrahama na Isaka na Yakobo, kutani na xona xi ta vuyela eka n'wina. N'wina mi poneke etinyimpini ta hosi ya Vaasiriya, a ma ha talanga.

Ntirho 22:23

Loko u tlhelela eka Lowa-matimba-hinkwawo, yena ú ta ku aka. Susa leswo biha emutini wa wena.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.