Hosiya 5:4 - BIBELE Mahungu Lamanene

⁴ Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Xitsonga (Bibele)

⁴ Swiendlo swa vona a swi va pfumeleli ku tlhelela eka Xikwembu xa vona, hikuva moya wa vuoswi wu le xikarhi ka vona, kutani Yehovha, a va n'wi tivi.

Hosiya 5:4 Referans Kwoze

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Yohane 16:3

Va ta mi endla swilo leswi hikuva a va hi tivanga, hambi Tatana hambi mina.

Yohane 8:55

Kasi a mi n'wi tivi, kambe mina ndza n'wi tiva. Loko ndzi nga vula leswaku a ndzi n'wi tivi, ndzi ta va muhembi ku fana na n'wina. Kambe mina ndza n'wi tiva, kutani ndzi hlayisa rito ra yena.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Yeremiya 50:38

Dyandza a ri wele tiko ra vona, milambu yi nga ha khuluki, hikuva tiko ra vona ri tele swikwembu swa swifaniso, va chavisiwa hi swilo leswi swa hava.

Yeremiya 24:7

Ndzi ta va pfula miehleketo, kutani va ta tiva leswaku hi mina ndzi nga HOSI. Va ta va vanhu va mina, na mina ndzi va Xikwembu xa vona, hikuva va ta va va vuyele eka mina hi mbilu hinkwayo.

Yeremiya 9:24

Loyi a lavaka ku tidzunisa, a a tidzunise hileswi a ndzi tivaka ni ku ndzi twisisa, hikuva laha misaveni mina HOSI ndzi tirha hi rirhandzu, ni ku lulama, ni ku tshembeka; mina HOSI ndzi ri, swilo leswi hi swona ndzi swi tsakelaka!”

Yeremiya 9:6

Va tlhandleka tihanyi ehenhla ka tihanyi, kutani va ala ku ndzi tiva; ndzi vula sweswo mina HOSI.”

Pisalema 78:8

Naswona xi lavile leswaku vana lava va nga fani ni vatata wa vona, va nga vanhu lava tiariseke va ala ku yingisa, vanhu lava kanakanaka, lava nga tshembekangiki eka Xikwembu.

Pisalema 9:10

Vanhu lava tivaka vito ra wena, we HOSI, va titshembela wena, hikuva a wu fularheli lava fambaka va ku lava.

1 SAMIELE 2:12

Vana va Heli a va ri vaprista lava nga pfuniki nchumu; a va nga ri na mhaka na HOSI Xikwembu.

Hosiya 4:14

Vana lava va n'wina a ndzi nga va bi loko va endla vunghwavava, hambi va ri vingi va n'wina, loko va endla vugangu, hikuva vavanuna, hi vona lava yenganaka ni tinghwavava, va ya humesa na tona magandzelo ya swikwembu swa hava. Vanhu vo pfumala mano ku fana na vona va ta lova!

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Hosiya 13:13

Nkarhi wa vona wa ku velekiwa wu fikile, kambe vona va fana ni n'wana wo ka a nga tlharihanga, loyi a alaka ku huma ekhwirini.

Hosiya 4:11

Vhinyo ya khale ni leyintshwa yi va dlayile mano:

Hosiya 8:11

Va ka Efrayimi va akile tialitari leto tala, va lava ku susa swidyoho, kambe ti hundzukile tialitari leti ti va dyohisaka.