Hosiya 5:15 - BIBELE Mahungu Lamanene

¹⁵ Ndzi ta suka ndzi famba ndzi tlhelela laha ndzi tshamaka kona, va ta kondza va tivona nandzu, kutani va famba va ndzi lava; va ta ndzi lava loko va ri ekhombyeni.

Xitsonga (Bibele)

¹⁵ Ndzi ta suka, ndzi tlhelela exivandleni xa mina, ndzi tshama kona, va kondza va titwa swidyoho swa vona, va lava mombo wa mina. Ekhombyeni ra vona, va ta ndzi lava.

Hosiya 5:15 Referans Kwoze

Esaya 26:16

We HOSI, Vaisraele va ku tsundzukile loko va ri eku vavisekeni; loko u va tshinya, va tile va ta rila ka wena.

Pisalema 78:34

Loko Xikwembu xi ri karhi xi va herisa, Vaisraele va vuyele eka xona, va hundzuka va xi khongela.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Yeremiya 3:13

Amukela ntsena nandzu wa wena, u pfumela leswaku u tiarisile emahlweni ka mina HOSI Xikwembu xa wena; u fambile u ya tinyiketa eka swikwembu swimbe ehansi ka nsinya wun'wana ni wun'wana lowu tlhumeke, kutani u tlurile ku lerisa ka mina. Ndzi vula sweswo mina HOSI.’ ”

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Luka 13:25

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Ezekiele 36:31

Mi ta anakanya mahanyelo ya n'wina layo biha ni mintirho ya n'wina leyi nga tsakisiki, kutani mi ta tisola hikwalaho ka swidyoho swa n'wina ni manyala lawa mi ma endleke.

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Mikiya 1:3

Vonani hi loyi, ú huma laha a tshamaka kona, a rhelela, a famba hi le tinhlohlorhini ta tintshava.

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Ezekiele 20:43

Loko mi ri etikweni rero, mi ta tsundzuka hinkwaswo leswi mi swi endleke, leswi mi tinyamiseke ha swona, kutani mi ta tisola ehenhla ka mintirho ya n'wina hinkwayo leyo biha.

Ezekiele 11:23

Kavaloko ku dzuneka loku ka HOSI Xikwembu ku suka exikarhi ka muti wa Yerusalema, ku ya tshama entshaveni leyi nga vuxeni bya muti.

Ezekiele 10:4

Kutani ku dzuneka ka HOSI Xikwembu ku suka endhawini ya kona ehenhla ka tikerubu, ku ya fika enyangweni ya Tempele. Yindlu ya kona yi khubumetiwa hi papa, kasi xivava xa Tempele xona xi tala hi ku dzuneka loku vangamaka ka HOSI Xikwembu.

Ezekiele 8:6

Kutani Xikwembu xi ndzi vutisa xi ku: “Xana wa swi vona, we Ezekiele, leswi Vaisraele va swi endlaka endhawini leyi xana? Mintirho ya manyala layo chavisa leyi va yi endlaka laha, ya ndzi hlongola eTempeleni ya mina. Kambe wa ha ta vona swa manyala man'wana lama tlulaka lawa.”

Esaya 26:21

Vonani, HOSI Xikwembu xa ta, xi suka lomu xi tshamaka kona; xi tela ku ta ba vanhu va matiko hinkwawo hikwalaho ka swidyoho swa vona. Misava yi ta paluxa ngati leyi halateriweke eka yona, vanhu hinkwavo lava dlayiweke, yi ta va humesela erivaleni.

Pisalema 132:14

Xi ri: “Laha hi kona ndzi nga ta tshama ndzi wisa minkarhi hinkwayo, hikuva ndza ku tsakela.

Pisalema 83:16

Va khomise tingana letikulu, leswaku va ta sungula ku ku lava we HOSI.

Ntirho 33:27

Ú ta suma risimu, a tivisa vanhu a ku: ‘A ndzi dyohile ndzi tshika leswi lulameke, kambe Xikwembu a xi ndzi tshikanga.

2 TIKRONIKA 7:14

Kambe loko vanhu va mina va hundzuka, va ndzi khongela hi ku titsongahata va ri karhi va lavisisa ku rhandza ka mina, ni loko va tshika tindlela ta vona leto homboloka, mina ndzi ta va yingisa ndzi ri ematilweni, ndzi va rivalela swidyoho swa vona, ndzi horisa tiko ra vona.

Swivuriso 8:17

Ndzi rhandza lava va ndzi rhandzaka, lava fambaka va ndzi lava, va ndzi kuma.

Vaavanyisi 4:3

Yabini ú xanisile Vaisraele swinene ku ringana malembe ya 20, hikuva a a ri ni makalichi ya nsimbhi ya 900. Kutani Vaisraele va huwelela eka HOSI Xikwembu, va kombela ku pfuniwa.

Genesa 42:21

Kutani va byelana va ku: “Hi le khombyeni! Hi tivangele nandzu hi tlhelo ra makwerhu Yosefa, hikuva hi vonile ku karhateka ka yena emoyeni loko a kombela ku tsetseleriwa, kambe hi arile ku n'wi yingisa. Hi swona leswi swi hi vangelaka maxangu lawa!”

Tinhlayo 21:7

Hiloko Vaisraele va tsutsumela eka Muxe, va fika va ku ka yena: “Hi dyohile, hikuva hi sandzile HOSI Xikwembu, hi tlhela hi sandza na wena; sweswi hi kombela leswaku u hi khongelela eka HOSI Xikwembu leswaku xi hi susela tinyoka leti.” Kutani Muxe a va khongelela.

Esaya 18:4

hikuva HOSI Xikwembu xi ndzi byerile xi ku: “Ndzi ta languta matiko ndzi ri evutshan'wini bya mina, ndzi timiyelerile ku fana ni ku hisa ka dyambu hi ximumu, kumbe mberha leyi waka enkarhini wa xirimo.

Yeremiya 3:14

HOSI Xikwembu xi ri: “N'wina vanhu va mina vo ka va nga tshembeki, vuyani, hikuva ndzi N'wini wa n'wina. Emutini wun'wana ni wun'wana ndzi ta hlawula munhu un'we, ni ka nyimba yin'wana ni yin'wana ndzi ta hlawula vambirhi, kutani ndzi ta mi tlherisela emutini wa Siyoni.

Pisalema 107:6

Ekhombyeni ra vona, va huwelerile eka HOSI Xikwembu, kutani xi va humesile emaxangwini ya vona;

Pisalema 107:13

Ekhombyeni ra vona, va huwelerile eka HOSI Xikwembu, kutani xi va ponisile emaxangwini ya vona.

Pisalema 107:19

Ekhombyeni ra vona, va huwelerile eka HOSI Xikwembu, kutani xi va humesile emaxangwini ya vona.

Pisalema 107:28

Ekhombyeni ra vona, va huwelerile eka HOSI Xikwembu, kutani xi va humesile emaxangwini ya vona.

Swirilo 3:40

A hi tikambeni, hi xiyaxiya tindlela ta hina, kutani hi tlhelela eka HOSI Xikwembu.