Hosiya 5:14 - BIBELE Mahungu Lamanene

¹⁴ hikuva ndzi ta fana ni nghala loko ndzi yela va ka Efrayimi, eka va ka Yuda ndzi ta fana ni xinghalana. Mina hi xiviri xa mina ndzi ta va phatlulela, ndzi va rhwala ndzi famba na vona, ku pfumaleka wo va lamulela.

Xitsonga (Bibele)

¹⁴ Hikuva ndzi tanihi nghala eka Efrayimi, ni tanihi nghalanyana eka yindlu ya Yuda. Mina, mina hi xiviri, ndzi ta handzula kutani ndzi tifambela; ndzi ta teka lexi ndzi xi phangeke, kambe a ku na la nga xi kutsulaka.

Hosiya 5:14 Referans Kwoze

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Pisalema 7:2

hikuva va nga ndzi handzulela ku fana ni tinghala, va ndzi koka va famba na mina, ku nga ri na loyi a ndzi kutsulaka.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Amosi 2:14

Lava nga ni rivilo, va nge kumi nkarhi wo tsutsuma, ni lava nga ni matimba, va ta heleriwa ha wona; hambi yi ri nhenha, yi nga ka yi nga tiponisi.

Esaya 5:29

Loko va bonga, wonge yo va nghala, va vomba ku fana ni n'wana wa nghala, va mpfhumpfha va bvanyangeta, va rhwala lexi va xi khomeke, ku ri hava na loyi a nga xi vutlaka.

Swirilo 3:10

Eka mina ú fana ni xinkankanka lexi xi ndzi bvutameleke, onge i nghala leyi yi ndzi tumbeleleke.

Ntirho 10:16

Loko ndzi tipfuxa hi ndzexe, wena u ndzi hlota onge wo va nghala, u ndzi hlasela hi ndlela yo hlamarisa.

Ntirho 10:7

Wa swi tiva leswaku mina a ndzi dyohanga nchumu, kambe ku hava loyi a nga ndzi lamulelaka emavokweni ya wena!

Duteronoma 28:31

Tihomu ta n'wina ti ta tlhaviwa mi langutile, kambe nyama ya kona mi nge yi dyi; timbhongolo ta n'wina mi ta tekeriwa tona hi nkanu, mi nga ha tlheriseriwi tona; mi ta tekeriwa ni tinyimpfu ta n'wina ti nyikiwa valala va n'wina, ku pfumaleka ni munhu wo mi pfuna.

Yeremiya 25:38

Murisi ú ta suka a siya ntlhambi wa yena kukota nghala leyi siyaka xihlahla xa yona, hikuva tiko ra Vaisraele ri hundzuke mananga, hikwalaho ka tinyimpi leti ti ri hlaseleke, ni vukari lebyi chavisaka bya HOSI Xikwembu.”

Hosiya 6:1

“Tanani, hi tlhelela eka HOSI Xikwembu; leswi xi hi handzuleleke, xi ta hi horisa, timbanga leti xi hi boxeke tona, xi ta ti bohelela.

Duteronoma 32:39

“ ‘Swi tiveni sweswi: Hi mina ntsena ndzi nga Xikwembu a ku na xin'wana ehandle ka mina. Hi mina ndzi dlayaka ni ku hanyisa, ndzi boxa timbanga, ndzi tlhela ndzi horisa, loyi ndzi n'wi khomaka, a nge lamuleriwi hi munhu.

Hosiya 2:12

Ndzi ta herisa mirhi ya yena ya vhinya ni ya makuwa, yi nga leyi a nga te: ‘Leyi i hakelo ya mina, ndzi nyikiwile yona hi swigangu swa mina.’ Ndzi ta yi hundzula xihlahla, swiharhi swa nhova swi ta yi dya swi heta.

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;