Hosiya 5:12 - BIBELE Mahungu Lamanene

¹² Hikokwalaho ndzi ta hundzuka xilondza eka va ka Efrayimi, eka va tiko ra Yuda, ndzi ta fana ni vuvabyi byo borisa marhambu.

Xitsonga (Bibele)

¹² kutani mina ndzi tanihi nsumba eka Efrayimi, ni ku bola ka marhambu eka yindlu ya Yuda.

Hosiya 5:12 Referans Kwoze

Esaya 51:8

hikuva va ta hela kukota xiambalo lexi muhliweke, va ta fana ni dzovo leri dyiweke hi tinsumba. Kambe matimba ya mina yo lwela vanhu ma ta va kona hilaha ku nga heriki, ndzi ta va muponisi minkarhi hinkwayo.”

Ntirho 13:28

Kasi ndzi munhu la tibolelaka, ndzi fana ni xiambalo xo dyiwa hi nsumbha.”

Yonasi 4:7

Kambe hi mahlamba-ndlopfu ya siku leri tlhandlamaka, Xikwembu xi lerisa xivungu ku dya timitsu ta ximudyana lexi, kutani xi oma.

Esaya 50:9

HOSI N'wini wa hinkwaswo, hi yena la ndzi pfunaka hi xiviri xa yena, hikokwalaho i mani la nga vulaka leswaku ndzi ni nandzu, xana? Vonani, hinkwavo lava va ndzi lumbetaka va ta hela matimba, va ta nyamalala ku fana ni xiambalo lexi dyeke hi tinsumba.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Pisalema 39:11

U tshinya munhu ni ku n'wi bela swidyoho swa yena, kutani swilo leswi a swi tsakelaka, wena u swi herisa wonge swi lo dyiwa hi muhlwa. Hakunene munhu un'wana ni un'wana i moyanyana ntsena.

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.