Hosiya 5:1 - BIBELE Mahungu Lamanene

¹ Twanani mhaka leyi, n'wina vaprista! Yingisani, n'wina vaaki va tiko ra Israele! Rhiyani ndleve, n'wina vafumi va tiko! Nandzu wu dya n'wina, hikuva le Mispa mi tihundzurile mintlhamu, ni ritavala leri andlariweke entshaveni ya Taboro.

Xitsonga (Bibele)

¹ Twanani mhaka leyi, n'wina vaprista, mi yingisa yona, va Yindlu ya Israele, na n'wina va yindlu ya hosi mi rhiya ndleve, hikuva ku avanyisiwa n'wina; hikuva mi ve tanihi xirimbana eMispa, ni tanihi rindzi leri ceriweke ehenhla ka Taboro.

Hosiya 5:1 Referans Kwoze

Hosiya 9:8

Mina muprofeta ndzi murindzi wa va ka Efrayimi, vona vanhu va Xikwembu xa mina; hambiswiritano, ndzi rhiyiwa hi mintlhamu etindleleni ta mina hinkwato, etikweni ra Xikwembu xa mina, va ndzi venga.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Hosiya 6:9

Vaprista va fana ni swigevenga leswi tumbelelaka vanhu, va hlengeletana endhawini yin'we, va dlaya vanhu endleleni yo ya eXikeme; leswi va swi endlaka i manyala ntsena.

Vaavanyisi 4:6

Siku rin'wana, Debora a vitana Baraka n'wana Abinowama loyi a a tshama emutini wa Kedexe wa va ka Neftali, a ku ka yena: “Xileriso xa HOSI Xikwembu xa Israele, hi lexi: ‘Famba u ya hlengeleta mavuthu entshaveni ya Taboro, u hlawula vavanuna va 10 000 eka nyimba ya ka Neftali ni ya ka Zebuloni.

Malakiya 2:1

HOSI ya matimba hinkwawo yi ri: “N'wina vaprista, xileriso xa mina eka n'wina hi lexi:

Amosi 7:9

“Switsunga leswo hlawuleka swa rixaka ra Isaka swi ta hundzuka marhumbi, ni swivandla swa vukhongeri swa vanhu va Israele swi ta hiseriwa makumu; ndzi ta pfukela rixaka ra Yerobuwamu hi fumu!”

Hosiya 10:15

Ni le ka n'wina va le Betele, swi ta endlisa sweswo, hikuva vubihi bya n'wina bya chavisa. Loko nyimpi ya ha ku sungula, hosi ya tiko ra Israele yi ta dlayiwa.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

Mikiya 3:1

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Xana a hi n'wina mi fanelaka ku tiva leswo lulama xana?

Hosiya 13:8

Ndzi ta va bvanganyeta ku fana ni ntswele ya xinkankanka leyi yiveriweke vana va yona, ndzi va phatlulela swifuva, ndzi va pfotlosela ku fana ni nghala ya nkati, ndzi va handzulela ku fana ni xivandzana.

Yeremiya 46:18

HOSI Xikwembu xi vula sweswo xi ri: “Mina HOSI ya matimba hinkwawo, mufumi la hanyaka, ndzi ri, valala lava taka va tiyile ngopfu: Va fana ni ntshava ya Taboro exikarhi ka tintshava tin'wana, kumbe ntshava ya Karmele eribuweni ra lwandle.

Yeremiya 13:18

HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Yuwele 1:2

Yingisani mhaka leyi, n'wina vakulukumba, hinkwenu vaaki va tiko, rhiyani tindleve! Hi mpfhuka xa loko mi velekiwile, kumbe eminkarhini ya vatata wa n'wina, xana mhaka yo fana ni leyi yi tshama yi humelela xana?

Vaavanyisi 4:12

Loko Sisera a tivisiwile leswaku Baraka n'wana Abinowama ú tlhandlukerile entshaveni ya Taboro,

1 SAMIELE 7:5

Kutani Samiele a ku ka vona: “Rhambani nhlengeletano ya Vaisraele hinkwavo emutini wa Mispa, kutani mina ndzi ta mi khongelela eka HOSI.”

1 SAMIELE 7:6

Loko va hlengeletanile eMispa, va ka mati, kutani va ma halata emahlweni ka HOSI Xikwembu; va titsona swakudya siku rero va ri endhawini yoleyo, kutani va tisola va ku: “Hi dyoherile HOSI.” (Emutini wa Mispa, hi kona laha Samiele a a tolovele ku avanyisa timhaka ta Vaisraele a ri kona.)

1 SAMIELE 7:16

Lembe rin'wana ni rin'wana, a a rhendzeleka ni miti ya Betele na Giligala na Mitspa, a ri karhi a avanyisa timhaka ta Vaisraele etindhawini leti hinkwato.

Yeremiya 11:7

hikuva vatata wa n'wina ndzi va layile ndzi vuyelela siku ndzi va humeseke etikweni ra Egipta; ni namuntlha ndza ha mi byela sweswo ndzi ri, ndzi yingiseni loko ndzi vulavula!

Amosi 3:1

Rhiyani ndleve n'wina vanhu va Israele, n'wina rixaka hinkwaro leri HOSI Xikwembu xi ri humeseke etikweni ra Egipta, mi twa leswi HOSI yi mi tshinyaka ha swona. Yi ri: