Hosiya 4:6 - BIBELE Mahungu Lamanene

⁶ Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Xitsonga (Bibele)

⁶ Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Hosiya 4:6 Referans Kwoze

Esaya 5:13

Hikwalaho, n'wina vanhu va ka hina, mi ta yisiwa evuhlongeni hi mhaka yo pfumala vutivi, vachaviseki va n'wina va ta fa hi ndlala, ni ntshungu hinkwawo wu ta hela hi torha.

Swivuriso 19:2

Ku gingirika, munhu a nga ri na vutivi, a swi pfuni nchumu, ku tsutsuma, swi tlula hi ku famba khwatsi.

Hosiya 6:6

Ndzi tsakela ku rhandziwa, ku nga ri ku humeseriwa magandzelo, ni ku tirheriwa mina Xikwembu, ku tlula ku hiseriwa mirhi ya risuna.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Matewu 15:8

“ ‘Vanhu lava va ndzi xixima hi nomo, kambe timbilu ta vona ti le kule na mina.

Hosiya 8:14

Vanhu va tiko ra Israele va rivala Muvumbi wa vona. Va tiakela miti leyikulu; vanhu va tiko ra Yuda vona va aka miti leyi sirheleriweke; kambe mina ndzi ta hoxa ndzilo emitini leyi, wu ta herisa ni makhokholo ya kona.

Esaya 17:10

N'wina Vaisraele, mi rivarile Xikwembu lexi xi mi ponisaka, Ribye leri mi tumbelaka eka rona, a mi ri tsundzukanga; hikuva mi tsakela ku endla mintanga, mi simeka ni swirhabyana eka yona, mi simekela swikwembu swimbe.

Yeremiya 2:8

Vaprista a va ha vutisanga leswaku mina HOSI ndzi nga va ndzi ri kwihi. Lava tivaka nawu a va vanga na mhaka na mina, varhangeri va ndzi dyoherile; vaprofeta va dyondzisile hi vito ra Baali, va landzelela swikwembu leswi nga pfuniki nchumu.

2 TIKRONIKA 15:3

Hakanyingi eminkarhini leyi hundzeke, Vaisraele va tihanyerile va nga ri na Xikwembu xa ntiyiso, va pfumala muprista wo va dyondzisa, va ri hava ni nawu.

Hosiya 13:6

Kambe loko va fikile endhawini leyi noneke, va dya va xurha, kutani eku xurheni ka vona, va tikurisa; hiloko va ndzi rivala;

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Ntirho 36:12

Kambe loko va nga yingisi, va ta herisiwa hi matlhari, va fa va nga tivanga nchumu.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Esaya 3:12

Vanhu va mina va fambisiwa hi vana, va fumiwa hi vavasati. N'we vanhu va mina, varhangeri va n'wina va mi lahla, va mi hambukisa endleleni leyinene.

Pisalema 119:139

Ndzi vaviseka ngopfu emoyeni, hikuva valala va mina a va na mhaka ni rito ra wena.

Pisalema 119:61

Lavo homboloka va ndzi rhiya hi ntlhamu, kambe mina a ndzi rivali nawu wa wena.

Matewu 15:14

Va tshikeni, hi lavo-fe-mahlo lava fambisaka lavo-fe-mahlo. Loko lowo-fe-mahlo a fambisa lowo-fe-mahlo, va ta wela ekheleni hi vumbirhi bya vona.”

Hosiya 8:12

Hambiloko ndzi va tsalela milawu ka dzana-dzana, va yi teka yi nga va khumbi.

Hosiya 8:1

Bana mhalamhala! Valala va lava ku juma tiko ra Israele ku fana ni magama; hikuva vanhu va tshovile ntwanano wa mina, va tlula ni nawu wa mina.

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Hosiya 2:13

Ndzi ta n'wi ba, ndzi n'wi bela masiku ya minkhuvo ya swikwembu swa Baali, ma nga masiku lawa a hiseleke va Baali emirhi ya risuna, a hlova hi swingwavila ni vuhlalu, a famba a hlota swigangu swa yena, kambe mina, a a ndzi rivala! Ndzi vula sweswo, mina HOSI.”

1 SAMIELE 2:12

Vana va Heli a va ri vaprista lava nga pfuniki nchumu; a va nga ri na mhaka na HOSI Xikwembu.

Esaya 45:20

HOSI Xikwembu xi ri: “Hlengeletanani, n'wina mi poneke ematikweni, tanani, mi tshinela kusuhi. Vanhu lava famba-fambaka ni swifaniso swo vatliwa swa swikwembu swa vona, lava khongelaka swikwembu leswi nga kotiki ku ponisa, a va tivi nchumu!

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Esaya 28:7

Vaprista ni vaprofeta, na vona va rhurhumela hi mhaka ya vhinyo, va dedeleka-dedeleka hi byalwa; vhinyo yi va hlanganisile nhloko, byalwa bya va dedelekisa; hikokwalaho swivono a va ha koti ku swi hlamusela, va tsandzeka ni ku avanyisa timhaka.

Matewu 1:6

Davhida na loyi a a ri nsati wa Uriya va veleka Solomoni,

Pisalema 119:153

Wa nga languta maxangu ya mina, u ndzi humesa ka wona, hikuva a ndzi rivali nawu wa wena.

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.

Ezekiele 44:23

Vaprista va ta dyondzisa vanhu va mina ku hambanisa leswi hlawulekeke ni leswi nga hlawulekangiki, va va komba ku hambana exikarhi ka leswi tengeke ni leswi nga tengangiki.

Hosiya 4:14

Vana lava va n'wina a ndzi nga va bi loko va endla vunghwavava, hambi va ri vingi va n'wina, loko va endla vugangu, hikuva vavanuna, hi vona lava yenganaka ni tinghwavava, va ya humesa na tona magandzelo ya swikwembu swa hava. Vanhu vo pfumala mano ku fana na vona va ta lova!

Hosiya 5:4

Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.

Hosiya 7:9

Vanhu va le handle va heta matimba ya va ka Efrayimi, kambe vona a va voni nchumu; va n'wan'waseriwa misisi yo basa enhlokweni, kambe vona a va swi tivi.

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Pisalema 18:27

Hi wena la ponisaka vaxaniseki, kambe u tsongahata lava tikurisaka.

Esaya 29:12

Loko vo yi teka va nyika loyi a nga tiviki ku hlaya, va ku: “Hlaya buku leyi”, yena ú ta hlamula a ku: “A ndzi swi koti ku hlaya!”

Hosiya 9:17

Xikwembu xa mina xi ta va tshika vanhu lava, hikuva a va xi yingisi; va ta hundzuka vatsendzeleki ematikweni.