Hosiya 4:3 - BIBELE Mahungu Lamanene

³ Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Xitsonga (Bibele)

³ Hikwalaho tiko ri ni swirilo, ni vanhu lava akeke eka rona va tsanile, kun'we ni swiharhi swa tiko ni tinyanyana ta matilo, swi tsandza ni tinhlampfi ta lwandle, ta lova.

Hosiya 4:3 Referans Kwoze

Sofoniya 1:3

Ndzi ta herisa vanhu ni swiharhi, ndzi herisa tinyanyana ni tinhlampfi. Vanhu lavo homboloka, ndzi ta va wisela hansi; ndzi ta dlayetela vanhu hinkwavo laha misaveni; ndzi vurisa sweswo, mina HOSI.

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Amosi 5:16

Hikokwalaho HOSI Xikwembu xa matimba hinkwawo, N'wini wa n'wina, ú vurisa sweswo ú ri: “Etimbaleni ta miti hinkwayo ku ta va ni swirilo, etindleleni hinkwato va ta ku: ‘Yo! Yo!’ Lava tirhaka emasin'wini, va ta vitaniwa ku ta rila nkosi, ni lava tivaka tinsimu ta mahlomulo, va ta rhambiwa enkosini wa kona;

Ezekiele 38:20

Loko ndzi humelela, ndzi ta chavisa tinhlampfi, ni tinyanyana, ni swiharhi, ni swikokovi hinkwaswo, ndzi rhurhumerisa ni vanhu hinkwavo lava akeke emisaveni; tintshava ti ta hirimuka, maribye ya tona ma ta khungulukela hansi, rirhangu ra muti wun'wana ni wun'wana etikweni ri ta wa.

Yeremiya 12:4

Xana tiko ri ta fa hi dyandza ku fikela rini, hinkwaswo leswi milaka emasin'wini, swi ta wisa rini ku tshwa hi dyambu ke? Vubihi bya vaaki va tiko, hi byona byi ri dlayisaka, byi herisa swifuwo ni tinyanyana, hikuva va ri: “Yeremiya a nge hi tluli hi malembe ya yena ya ku hanya!”

Yeremiya 4:25

Ndzi langutile, kambe a ndzi kumanga munhu ni un'we, tinyanyana hinkwato a ti hahile ti nyamalala.

Amosi 8:8

Hikokwalaho, tiko ri ta tsekatseka, vaaki va rona hinkwavo va ta rila nkosi, tiko hinkwaro ri ta ndlandlamuka, ku kota nambu wa Nilo, ri ta tlatlalatiwa, ri tlhela ri vohla ku fana ni nambu wa Nilo le Egipta.”

Amosi 1:2

Kutani Amosi a ku: “HOSI Xikwembu xi bonga eSiyoni, rito ra xona ri duma ri huma eYerusalema, kutani lomu varisi va dyiselaka kona, ka tshwa, swimila swi vuna enhlohlorhini ya ntshava ya Karmele.”

Esaya 33:9

Tiko ri omile, a ra ha ri na nchumu, mirhi ya Lebanoni ya nyumisa, yi vunile; rivala ra Xaroni ri hundzuke rikhwarha, eBaxani ni le Karmele, mirhi a ya ha ri na matluka.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 23:10

hikuva tiko hinkwaro ri tele hi vaoswi, lava tsutsumelaka ku endla leswo biha; eku dyoheni, hi vona va nga tinhenha! Hikwalaho ka ndzhukano wa kona, tiko ra onhaka; enhoveni, madyelo ya swifuwo a ma ha ri na byanyi.

Yuwele 1:18

Hambi swi ri swifuwo swi le ku konyeni! Mintlhambi ya tihomu yi le ku kayakayeni, hikuva madyelo ya yona ma omile; na yona mintlhambi ya tinyimpfu, yi le ku xanisekeni.

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”

Yeremiya 9:9

Mina HOSI ndzi ri, vanhu lava ndzi ta va ba, ndzi ta tirihisela ehenhla ka rixaka leri.”