Hosiya 4:2 - BIBELE Mahungu Lamanene

² Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Xitsonga (Bibele)

² Ka hlambanyiwa ka rhukaniwa, ka dlayiwa, ka yiviwa, ka oswiwa, ku pfukeriwa vanhu hi matimba, kambe ngati yi karhi ya halatiwa.

Hosiya 4:2 Referans Kwoze

Hosiya 6:9

Vaprista va fana ni swigevenga leswi tumbelelaka vanhu, va hlengeletana endhawini yin'we, va dlaya vanhu endleleni yo ya eXikeme; leswi va swi endlaka i manyala ntsena.

1 Vatesalonika 2:15

Vayuda hi vona lava dlayeke Hosi Yesu ni vaprofeta, kutani na hina va hi xanisile; a va tsakisi Xikwembu, naswona va lwa ni vanhu hinkwavo.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Hosiya 7:1

Loko ndzi lava ku horisa vanhu va tiko ra Israele, vubihi bya vanhu lava va ka Efrayimi bya tikomba, ni ku homboloka ka vanhu va Samariya ka vonaka: Va hanya hi ku xisana, va tshovelana tindlu va yivelana, va gevenga ni vanhu etindleleni.

Yeremiya 6:7

Vubihi byi huma emutini wolowo ku fana ni mati lama humaka exihlobyeni; endzeni ka muti ku twala ntsena ku rila ka lava dlayiwaka, mina ndzi vona ntsena mavabyi ni timbanga eka wona.

Nhlavutelo 17:6

Kutani ndzi vona wansati loyi, a pyopyiwile hi ngati ya vahlawuriwa va Xikwembu ni ngati ya lava dlayiweke hi mhaka ya ku landza Yesu. Loko ndzi n'wi vona, ndzi hlamala ngopfu.

Timhaka 7:52

Hi wihi muprofeta loyi vatata wa n'wina va nga n'wi xanisangiki xana? Va dlele na vona lava nga tivisa khale timhaka ta ku ta ka La Lulameke, loyi sweswi mi n'wi xengeke, mi tlhela mi n'wi dlaya;

Matewu 23:35

sweswo swi ta endla leswaku mi va ni nandzu wa ku dlawa ka lavo lulama hinkwavo, ku sukela eku dlaweni ka Abele la lulameke, ku ya fika eku dlaweni ka Zakariya n'wana Barakiya, loyi mi n'wi dlayeke exikarhi ka Tempele ni alitari.

Zakariya 7:9

ku ya tivisa vanhu marito lama nge: “Loko mi avanyisa, avanyisani hi ntiyiso, kombisanani tintswalo ni rirhandzu;

Zakariya 5:3

Kutani ntsumi yi ku ka mina: “Buku leyi i ya mindzhukano leyi kongomaka tiko hinkwaro. Endzeni ni le handle ka yona, yi vula leswaku munhu loyi a yivaka, ú ta susiwa etikweni, na yena loyi a hlambanyaka hi ku hemba, ú ta susiwa eka rona.”

Sofoniya 3:1

Wu ni khombo muti wo tiarisa, wu tlhela wu tinyamisa, muti wo kandziyela van'wana ehansi;

Mikiya 6:10

Xana ndzi nga rivalela lavo homboloka lava tataka tindlu ta vona hi swilo leswi va swi kumeke hi tindlela to homboloka, lava tirhisaka mimpimo leyi nga riki yona, yi nga leyi ndzi yi vengaka, xana?

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Mikiya 3:2

Kambe mi venga leswinene, mi tsakela leswo biha, mi yevulela vanhu va mina, mi va hlurhulela tinyama, ku sala marhambu ntsena.

Hosiya 12:14

Kambe va ka Efrayimi va pfukile N'wini wa vona, kutani ngati ya ku riha swidyoho, ú ta yi lava eka vona. Manyala lawa va ma endleke, va fanele ku ma riha.

Hosiya 10:4

Leswi va swi vulaka a swi humi etimbilwini ta vona; loko va endla mintwanano, va tshembisa swilo leswi va nga ta ka va nga swi endli. Hikokwalaho, maavanyisele ya vona ya timhaka ma bihile, ma fana ni nhova leyi dlayaka swimilana emasin'wini.

Hosiya 7:3

Hosi ya tiko va yi tsakisa hi vuxisi, tindhuna tona va ti kanganyisa kunene.

Hosiya 5:2

Le Xitimi va cerile rindzi ri ya ri enta, kambe ndzi ta va ba hinkwavo!

Swirilo 4:13

Khombo leri ri vangiwe hi swidyoho swa vaprofeta, ni vubihi bya vaprista va kona, va nga vona lava dlayeke vanhu vo lulama, va halata ngati emutini.

Esaya 48:1

N'wina va ka Yakobo, rhiyani ndleve, ndzi vula n'wina mi thyiweke vito ra Israele, n'wina mi humaka erixakeni ra Yuda: Mi tiyisa leswi mi swi hlambanyaka hi vito ra HOSI Xikwembu xa Israele, mi tivula vanhu va xona, kambe swilo leswi a mi swi vuli swi huma etimbilwini ta n'wina.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Genesa 4:8

Kayini a ku ka makwavo Avele: “A hi ye hala masin'wini.” Loko va ri kwale masin'wini, Kayini a hundzukela makwavo Avele, a n'wi dlaya.

Duteronoma 5:11

“ ‘U nga tshuki u tlanga hi vito ra mina, hikuva mina HOSI Xikwembu xa wena, ndzi nga ka ndzi nga tshiki ku ba loyi a tlangaka hi vito ra mina.

Duteronoma 5:18

“ ‘U nga tshuki u oswa.

Duteronoma 5:19

“ ‘U nga tshuki u yiva.

Yeremiya 51:5

hikuva tiko ra kona ri dyoherile Muhlawuleki wa Israele. Kasi Vaisraele ni va ka Yuda vona a va tshikiwanga hi HOSI ya matimba hinkwawo, Xikwembu xa vona.

Ezekiele 7:23

“Fulani tinsimbhi mi endla tinketani, hikuva tiko ri tele vadlayi, ni mintirho ya tihayi yi tate Yerusalema.

Hosiya 6:8

Muti wa Giliyadi i wa lava endlaka leswo biha, eka wona, ngati vo famba ehenhla ka yona.

Hosiya 7:4

Hinkwavo va ni tihanyi: Va fana ni ndzilo lowu pfurhaka exitikweni, lowu musweki wa xinkwa a tshikaka ku wu hlanganyeta, ku sukela loko a ha pfuva mapa, ku kondza ma kukumuka.

Hosiya 10:13

Manyala wona mi byarile, ntshovelo wa n'wina i ku homboloka, swakudya swa n'wina i mihandzu ya mavunwa, hikuva mi tshemba makalichi ya n'wina ya nyimpi, ni mavuthu ya n'wina layo tala.

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.