Hosiya 4:19 - BIBELE Mahungu Lamanene

¹⁹ Va ta khumbumetiwa hi xihuhuri, magandzelo ya vona ma ta va khomisa tingana.

Xitsonga (Bibele)

¹⁹ Xidzedze xi va tekela etimpapeni ta xona; va ta tlhaviwa hi tingana hikwalaho ka magandzelo ya vona.

Hosiya 4:19 Referans Kwoze

Esaya 1:29

Mi ta khomiwa hi tingana hikwalaho ka mirhi ya minkuhlu leyi a yi mi tsakisa, mintanga leyi mi nga lo tihlawulela yona yi ta mi nyumisa ngopfu.

Hosiya 13:15

Hambi va nga tsaka ku fana ni mavele ya khava, moya wa le vuxeni wa HOSI Xikwembu wu ta hunga wu huma emananga; swihlovo swa vona swi ta phya, swinambyana swa vona swi ta oma; moya lowu wu ta herisa swilo swa vona hinkwaswo swa nkoka.

Yeremiya 51:1

HOSI Xikwembu xi vurisa sweswo xi ri: “Vonani! Ndzi ta hungisa moya lowu herisaka, wu ta ba muti wa Babilona ni vaaki va tiko ra Kalediya.

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Hosiya 10:6

Rhole ra kona ri ta rhwariwa ri ya le Asiriya, ri ta ya va ndzuvo eka hosi leyikulu. Va ka Efrayimi va ta khomisiwa tingana, vanhu va tiko ra Israele va ta nyuma hikwalaho ka xifaniso lexi xa vona.

Yeremiya 17:13

We HOSI, wena loyi Vaisraele va ku tshembaka, lava va ku tshikaka va ta nyuma hinkwavo; mavito ya lava va ku fularhelaka, ma ta tsariwa exivandleni xa vafi, hikuva va ku tshikile we HOSI, wena xihlovo xa mati lama khulakaka.

Esaya 42:17

Lava tshembaka swifaniso leswi vatliweke, vona lava byelaka swifaniso leswi vumbiweke va ku: ‘Hi n'wina swikwembu swa hina’, va ta hlongoriwa, va tlhela va ri ni tingana letikulu.”

Hosiya 10:10

Ndzi ta ta ndzi ta tshinya vanhu lava vo kala tindleve, matiko ma ta hlengeletana ma lwa na vona enkarhini lowu va nga ta tshinyeriwa milandzu ya vona mimbirhi.