Hosiya 4:15 - BIBELE Mahungu Lamanene

¹⁵ Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Xitsonga (Bibele)

¹⁵ Loko ku oswana wena, Israele, Yuda yena a nga tshuki a tilavela nandzu! Mi nga tshuki mi ya Giligala, mi nga tlhandlukeli eBeta-Avene; mi nga tshuki mi hlambanya mi ku: “Ha Yehovha la hanyaka!”

Hosiya 4:15 Referans Kwoze

Hosiya 12:11

Loko ku ri ni manyala eGiliyadi, ndzi tiyisile, ma ta hela. Loko va tlhavela tinkuzi ta magandzelo eGiligala, tialitari ta vona ti ta mbundzumuxiwa, ti sala ti fana ni nhulu ya maribye emasin'wini.

Hosiya 9:15

Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Amosi 4:4

“Tanani eBetele, mi ta dyohela kona, mi ya engetelela le Giligala! Humesani magandzelo ya n'wina mpundzu wun'wana ni wun'wana, mi humesa vukhume bya swilo swa n'wina endzhaku ka masiku manharhu;

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

Amosi 5:5

mi nga tshuki mi lava swa le Betele, hikuva muti wa Betele wu ta sala wu nga ha ri nchumu, hambi ku ri eGiligala mi nga ngheni, hikuva vanhu va Giligala va ta ya evukhumbini hakunene, ni le Berexeba, mi nga tshuki mi tsemakanyela kona.”

Hosiya 10:8

Switsunga leswo hlawuleka swa le Avene swi ta herisiwa, kona exivindzini xa vudyoho bya Israele. Etialitarini ta vona ku ta mila mitwa ni mahlwehlwe. Va ta byela tintshava va ku: “Hi funengeteni!” ni le ka swintshabyana va ta ku: “Hi weleni henhla!”

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Yeremiya 5:2

Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

Vaefesa 5:11

Mi nga tshuki mi tolovelana ni lava endlaka leswo ka swi nga pfuni nchumu swa munyama; swi soleni erivaleni,

Amosi 6:10

Kutani loko munhu a ya humesa ntsumbu wa xaka ra yena endlwini ku ya wu hisa, ú ta vutisa loyi a nga ta va a ri ndlwini empfungwe, a ku: “Xana a ka ha ri na ntsumbu wun'wana kwalaho xana?” Yena ú ta hlamula a ku: “Ku hava!” a engeta a ku: “Miyela! U nga ha vulavuli u khumba vito ra HOSI!”

Hosiya 11:12

Va ka Efrayimi va ndzi rhendzerile hi mavunwa, vanhu va tiko ra Israele va ndzi rhendzerile hi vumbabva; kambe vanhu va Yuda vona va ha famba etindleleni ta Xikwembu, va ha tshembekile eka Lowo kwetsima.

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Ezekiele 20:39

“Mina HOSI N'wini wa hinkwaswo ndzi ri, fambani n'wina hinkwenu Vaisraele, mi ya tirhela swikwembu swa n'wina swa hava namuntlha ni mundzuku, loko mi nga lavi ku ndzi yingisa; kambe mina a ndzi nga ha pfumeli leswaku mi nyamisa vito ra mina hi magandzelo ya swikwembu swa n'wina swa hava.

Esaya 48:1

N'wina va ka Yakobo, rhiyani ndleve, ndzi vula n'wina mi thyiweke vito ra Israele, n'wina mi humaka erixakeni ra Yuda: Mi tiyisa leswi mi swi hlambanyaka hi vito ra HOSI Xikwembu xa Israele, mi tivula vanhu va xona, kambe swilo leswi a mi swi vuli swi huma etimbilwini ta n'wina.

Yeremiya 44:26

Yeremiya a engeta a ku: “N'wina hinkwenu va ka Yuda lava mi tshamaka etikweni ra Egipta, yingisani leswi HOSI Xikwembu xi swi vulaka, hikuva xi ri: ‘Ndza tiyisa hi ku hlambanya mina HOSI leswaku etikweni hinkwaro ra Egipta, a ku nga ha vi na munhu na un'we wa va ka Yuda loyi a nga ta tiboha hi vito ra mina; a va nga ha vuli leswaku ndzi kona mina HOSI N'wini wa vona.

Yoxuwa 5:9

Kutani HOSI Xikwembu xi ku ka Yoxuwa: “Namuntlha ndzi susile ndzhukano lowu a mi ri na wona etikweni ra Egipta.” Hikwalaho ka mhaka leyi, ndhawu leyi ya ha vuriwa Giligala ni namuntlha.

Yoxuwa 7:2

Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

2 TIKRONIKA 17:4

kambe a a lava Xikwembu xa tata wa yena hi mbilu ya yena hinkwayo, a hlayisa swileriso swa xona, a nga landzi mikhuva ya vanhu va tiko ra Israele,

2 TIKRONIKA 21:11

Yehoramu ú pfuxile mintirho ya le switsungeni leswo hlawuleka emagangeni ya Yuda, a dyohisa vanhu va tiko ra Yuda ni lava akeke eYerusalema.

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Hosiya 12:12

Yakobo ú balekerile etikweni ra Aramu, kona kwale ú tirherile ku kuma nsati; ku kuma nsati, a a fanele ku risa tinyimpfu.