Hosiya 4:11 - BIBELE Mahungu Lamanene

¹¹ Vhinyo ya khale ni leyintshwa yi va dlayile mano:

Xitsonga (Bibele)

¹¹ Vooswi, ni vhinyo, ni byalwa swi herisa miehleketo.

Hosiya 4:11 Referans Kwoze

Swivuriso 20:1

Vhinyo ya sandzisa, byalwa byi vanga huwa, hinkwavo lava yengiwaka hi swona, a va tlharihanga.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Esaya 28:7

Vaprista ni vaprofeta, na vona va rhurhumela hi mhaka ya vhinyo, va dedeleka-dedeleka hi byalwa; vhinyo yi va hlanganisile nhloko, byalwa bya va dedelekisa; hikokwalaho swivono a va ha koti ku swi hlamusela, va tsandzeka ni ku avanyisa timhaka.

Hosiya 4:12

Vanhu va mina va vutisa timhaka emhandzeni, nhonga ya vona i mutsundzuxi wa vona! Moya wa vunghwavava wu va lahlekisile ndlela, va ndzi tshikile mina Xikwembu xa vona va landza swikwembu swin'wana.

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Eklesiasta 7:7

Loko ntlhari yi xanisa varikwavo yi hundzuka xihlekiso; yi onheka miehleketo loko yi pfumela ku xaviwa.

Swivuriso 6:32

Wanuna loyi a oswaka, a nga ehleketi! Loko a etlela ni nsati wa un'wana, ú ticelela sirha;

Levhitika 10:9

“Wena ni vana va wena, mi nga tshuki mi ya nghena eka Ntsonga lowo Hlawuleka loko mi nwile vhinyo kumbe byala, hikuva mi nga fa. Nawu lowu mi fanele ku wu landzelela, n'wina ni vatukulu va n'wina, hilaha ku nga heriki.

1 SAMIELE 25:36

Abigayele a muka, a kuma Nabala a ri eku dyeni ka nkhuvo lowukulu emutini wa yena; nkhuvo wa kona a wu fana ni wa tihosi. Nabala a a titsakerile swinene, hikuva a a pyopyiwile ngopfu. Hikokwalaho, Abigayele a nga kalanga a bula na yena kumbe ku n'wi byela xa nchumu ku kondza ri xa.

Swivuriso 31:4

We Lemuwele, a hi swa tihosi ku nwa vhinyo, ndzi ri, a hi swa tihosi, hambi varhangeri, a va fanelanga ku navela byalwa,

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Yeremiya 23:13

“Leswi ndzi swi voneke exikarhi ka vaprofeta va le Samariya, swi ndzi karhatile ngopfu: A va vhumbha hi vito ra Baali, va hambukisa Vaisraele vanhu va mina.

Hosiya 5:4

Swiendlo swa vanhu lava swi va sivela ku tlhelela eka Xikwembu xa vona. Moya wa vunghwavava wu va nghenile hi matimba, kutani a va ha vuli nchumu hi HOSI.