Hosiya 4:10 - BIBELE Mahungu Lamanene

¹⁰ Va ta dya, kambe va nge xurhi, va ta endla vunghwavava, kambe va nge andzi, hikuva va ndzi tshikile mina HOSI, va tinyiketa evunghwavaveni.

Xitsonga (Bibele)

¹⁰ Va ta dya, kambe va nga ka va nga xurhi; va ta oswa, kambe va nga ka va nga andzi, hikuva va tshikile ku yingisa Yehovha.

Hosiya 4:10 Referans Kwoze

Mikiya 6:14

Mi ta dya, kambe a mi nga xurhi, mi ta tshama mi ri karhi mi twa ndlala minkarhi hinkwayo; mi ta ringeta ku fihla leswi mi nga na swona, kambe swi nga ka swi nga poni; leswi swi nga ta va swi ponile, ndzi ta swi herisa hi tinyimpi.

Levhitika 26:26

Swakudya swa n'wina ndzi ta swi hunguta swinene; vavasati va khume va ta sweka mbita yin'we, va mi phamela swona hi mpimo, kambe mi ta dya mi nga xurhi.

Hagayi 1:6

Mi byarile ngopfu, kambe mi tshovele switsongo. Ku dya ma dya, kambe a mi xurhi. Ku nwa ma nwa, kambe a mi kolwi. Ku ambala ma ambala, kambe ni un'we wa n'wina a nga kufumeli. Naswona, mutirhi loko a hola, ú holela exinkwamaneni lexi boxekeke.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Hosiya 4:14

Vana lava va n'wina a ndzi nga va bi loko va endla vunghwavava, hambi va ri vingi va n'wina, loko va endla vugangu, hikuva vavanuna, hi vona lava yenganaka ni tinghwavava, va ya humesa na tona magandzelo ya swikwembu swa hava. Vanhu vo pfumala mano ku fana na vona va ta lova!

Ezekiele 18:24

“Kambe hi tlhelo rin'wana, loko munhu wo lulama o tshuka a tshikile ku endla leswo lulama, kutani a sungula ku dyoha, a tinyiketa emintirhweni ya manyala ya lavo homboloka, xana munhu loyi ú ta kuma ku hanya xana? E-e! Mintirho ya yena ya khale leyo lulama yi ta rivariwa hinkwayo, kutani ú ta fela eku tiariseni ka yena ne ku dyoheni ka yena.

Swivuriso 13:25

Munhu wo lulama ú dya a xurha, khwiri ra lowo homboloka rona, ri etlela ni ndlala.

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

Pisalema 36:3

Leswi a swi vulavulaka i mavunwa ni ku kanganyisa ntsena; ku tiva ni ku endla leswinene, ú swi tshikile khale.

2 TIKRONIKA 24:17

Endzhaku ka loko Yoyada a lovile, varhangeri va ka Yuda va ta va ta phata hosi Yowasi, kutani yena a va yingisa hi ku tsaka.

Yeremiya 34:15

A hi khale mi hundzukile mi endla leswi lulameke emahlweni ka mina: Mi byerile varikwenu lava a va ri mahlonga ya n'wina leswaku ma va ntshunxa! Mi tibohele sweswo mi ri endlwini leyi vito ra mina ri vuriwaka eka yona.

Ezekiele 22:9

Exikarhi ka wena, ku ni lava lumbetaka varikwavo, va endlela ku va dlaya; van'wana va ya dya nyama ya swifuwo swa magandzelo eswitsungeni, van'wana va endla swilo swa manyala exikarhi ka va ka vona.

Hosiya 7:4

Hinkwavo va ni tihanyi: Va fana ni ndzilo lowu pfurhaka exitikweni, lowu musweki wa xinkwa a tshikaka ku wu hlanganyeta, ku sukela loko a ha pfuva mapa, ku kondza ma kukumuka.

Yeremiya 9:12

Xana i mani munhu wo tlhariha loyi a nga twisisaka swilo leswi xana? Xana i mani loyi HOSI Xikwembu xi vulavuleke na yena, la nga tivisaka leswi xi n'wi byeleke swona xana? Hikwalaho ka yini tiko ri onhakile ri tshwa ri hundzuka mananga, ku nga ha hundzi munhu eka rona, xana?