Hosiya 3:1 - BIBELE Mahungu Lamanene

¹ Kutani HOSI Xikwembu xi ku ka mina: “Tlhela u ya rhandzana ni wansati wa muoswi loyi a tsakeriwaka hi xigangu xa yena. Leri hi rona rirhandzu leri mina HOSI ndzi rhandzaka vanhu va tiko ra Israele ha rona, hambileswi vona va ndzi dyohelaka hi ku landza swikwembu swin'wana, va tsakela ni swimbhundzwa swa mihandzu ya vhinya leyi omisiweke.”

Xitsonga (Bibele)

¹ Kutani Yehovha a ku eka mina: “Engeta u ya u rhandza nsati wa vuoswi la rhandziwaka hi xigangu xa yena hi laha Yehovha a rhandzaka vana va Israele, hambi vona va hundzukela eka swikwembu swin'wana, va va va rhandza swidzumba swa mihandzu ya vhinya.”

Hosiya 3:1 Referans Kwoze

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

1 Petro 4:3

Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.

Zakariya 1:16

Kutani marito ya mina HOSI hi lawa: Muti wa Yerusalema, ndzi ta tlhela ndzi wu tsetselela, kutani yindlu ya mina yi ta akiwa eka wona. Ndzi vurisa sweswo, mina HOSI ya matimba hinkwawo: Ngoti ya ku pima ha yona yi ta vambiwa ehenhla ka Yerusalema.

Yeremiya 3:20

Khombo ra kona hi leswaku n'wina Vaisraele a mi vanga lavo tshembeka eka mina, mi ve mi fana ni wansati la nga tshembekiki eka nuna wakwe. Ndzi vula sweswo mina HOSI.”

Pisalema 123:2

Malandza ya xinuna ni ya xisati a ma tshiki ku languta eka vinyi va wona. Hi mukhuva wolowo na hina a hi tshiki ku languta eka HOSI Xikwembu xa hina, xi kondza xi hi twela vusiwana.

1 Vakorinto 10:21

A swi endleki leswaku mi nwela exinwelweni xa Hosi ni le xinwelweni xa mademona. A swi endleki leswaku mi dya etafuleni ra Hosi ni le tafuleni ra mademona.

Amosi 6:6

mi nwa vhinyo hi minkambana, mi tola mafurha ya nxavo wa le henhla, kambe ku wa ka muti wa Yosefa, a swi mi khumbi timbilu!

Amosi 2:8

Hinkwako laha va gandzelaka kona, va etlela eminkumbeni leyi va nga yi tekela lava nga ni milandzu; ni le ndlwini ya mina Xikwembu xa vona, va nwa vhinyo leyi humesiweke ku riha milandzu.

Nehemiya 9:31

Hambiswiritano, hikwalaho ka tintswalo ta wena letikulu a wu va herisanga kumbe ku va tshika, hikuva u Xikwembu lexi xi nga ni tintswalo ni ku twela vusiwana.

2 TIHOSI 13:23

Kambe HOSI Xikwembu xi va kombile tintswalo, xi va twela vusiwana ni ku va tsetselela, hikwalaho ka ntwanano wa xona na Abrahama na Isaka na Yakobo; a xi va lovisanga, naswona a xi va cukumetanga, ku fikela siku ra namuntlha.

2 SAMIELE 6:19

Kutani a phamela ntshungu hinkwawo wa Vaisraele, va ri vavanuna ni vavasati, un'wana ni un'wana a kuma xinkwa, a tsemeriwa nyama, a kuma ni ximbhundzwa xa mihandzu ya vhinya leyi omisiweke. Kutani va hangalaka hinkwavo va ya emakaya.

Vaavanyisi 10:16

Hiloko Vaisraele va cukumeta swikwembu swa vamatiko leswi a swi ri exikarhi ka vona, kutani va tirhela HOSI Xikwembu. Hiloko HOSI Xikwembu xi vavisekela Vaisraele hikwalaho ka maxangu ya vona.

Vaavanyisi 9:27

Kutani va suka va ya hlengeleta mihandzu ya vhinya emasin'wini ya vona, va yi pyaxa, va endla nkhuvo, va ya wu dyela endlwini ya xikwembu xa vona, va nwa va ri karhi va sandza Abimeleke.

Eksoda 32:6

Hi siku leri tlhandlamaka, va pfuka wa ha ri mpundzu, va humesa magandzelo lama hisiwaka ni ya xinakulobye; kutani vanhu va tshama ehansi, va dya ni ku nwa, va sungula ku endla swilo swo ka swi nga tivikani.

1 Vakorinto 10:7

Mi nga vi vanhu lava phahlaka swikwembu swa hava, kukotisa van'wana va vona. Hilaha Tsalwa ri vulaka hakona ri ku: “Vanhu va tshamile ehansi va dya ni ku nwa, kutani va sungula ku cina.”

Matewu 26:50

Yesu a ku ka yena: “Nakulorhi, leswi u nga tela swona, swi endle.” Hiloko va tshinelela Yesu, va tshambuluta mavoko va n'wi khoma.

Hosiya 7:5

Hi siku ra nkhuvo wa hosi, va pyopyisa tindhuna hi vhinyo leyo bava, hosi yi ri karhi yi endla xinakulobye ni vakanganyisi.

Hosiya 4:11

Vhinyo ya khale ni leyintshwa yi va dlayile mano:

1 TIKRONIKA 16:3

Kutani a phamela nhlengeletano hinkwayo ya Vaisraele, va ri vavanuna ni vavasati, un'wana ni un'wana a kuma xinkwa xin'we, a tsemeriwa nyama, a kuma ni ximbhundzwa xa mihandzu ya vhinya leyi omisiweke.

Risimu ra Tinsimu 2:5

Ndzi laveleni mihandzu ya vhinya leyi omisiweke, mi pfuxa ni matimba ya mina hi maapula, hikuva ndza fa hi rirhandzu.

Hosiya 2:5

Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’