Hosiya 2:8 - BIBELE Mahungu Lamanene

⁸ “A a nga swi tivi leswaku hi mina ndzi nyikaka mavele, ni vhinyo ni mafurha; ndzi n'wi nyikile ni silivhere leyo tala ni nsuku, swi nga leswi va gandzelaka Baali ha swona.

Xitsonga (Bibele)

⁸ “Kambe a a nga tivi leswaku hi mina loyi ndzi n'wi nyikaka koro, ni vhinyo, ni mafurha, ndzi n'wi andziselaka silivhere, ni nsuku lowu va wu humeselaka Baali.

Hosiya 2:8 Referans Kwoze

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Hosiya 13:2

Ku dyoha ka vona ku ya ku nyanya: Va n'okisa silivhere ya vona, va tivumbela swikwembu swa swifaniso; swifaniso leswi, va swi endla hi vukheta, hinkwaswo swi vumbiwa hi lava tivaka maendlele ya kona. Kutani van'wana va vulavula ha vona, va ku: “Vanhu lava va nga eku humeseni ka gandzelo, va ntswontswa rhole!”

Hosiya 8:4

Va tivekerile tihosi, kambe a hi mina ndzi va byeleke, va tihlawulerile varhangeri, kambe mina a va ndzi vikelanga. Va tiendlerile swikwembu swa swifaniso hi silivhere ya vona ni nsuku wa vona, swi nga swilo leswi swi nga ta va dlayisa.

Hosiya 4:11

Vhinyo ya khale ni leyintshwa yi va dlayile mano:

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Luka 15:13

Kuteloko ku hundzile masiku ma nga ri mangani, n'wana loyi wa ndzisana a hlengeleta hinkwaswo, a rhurhela etikweni ra le kule, a ya hangalasa xuma xa yena hi vusopfa.

Habakuku 1:16

Hikokwalaho, va humesela tinkoka ta vona emagandzelo, va hisela masole ya vona emirhi ya risuna; hikuva ha swona Vakalediya va hanya emafurheni, eswakudyeni leswo xawula.

Hosiya 2:5

Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’

Daniele 5:23

U tikurisile ngopfu emahlweni ka Xikwembu Hosi ya matilo; swibya swa le ndlwini ya xona, swi tisiwile eka wena; kutani wena ni tindhuna ta wena ni vasati va wena lavakulu ni lavatsongo, mi le ku nweni ka vhinyo hi swibya leswi, mi dzunisa swikwembu swa n'wina swa silivhere, ni swa nsuku, ni swa koporo, ni swa nsimbhi, ni swa timhandze, ni swa maribye. Swikwembu leswi a swi voni, a swi twi, a swi tivi nchumu! Kambe Xikwembu lexi tameleke ku hefemula ka wena ni makungu hinkwawo ya vutomi bya wena, a wu na mhaka na xona, a wu xi dzunisi.

Yeremiya 7:18

Vana va rhotela tihunyi, vatata wa vona va tshivela ndzilo, vavasati vona va pfuva mbila, va sweka swimbhundzwa, va swi humesela xikwembu lexi va nge i ‘Nkosikazi-ya-le-Matilweni’, va humesela ni swikwembu swin'wana emagandzelo ya swakunwa, va endlela ntsena ku vavisa mina.

Esaya 46:6

Vanhu va humesa nsuku lowo tala eminkwameni ya vona, va pima na silivhere hi swikalu, va swi yisa eka mufuri wa nsuku, va n'wi thola leswaku a va endlela xikwembu ha swona, kutani va nkhinsama va xi gandzela.

Vaavanyisi 9:27

Kutani va suka va ya hlengeleta mihandzu ya vhinya emasin'wini ya vona, va yi pyaxa, va endla nkhuvo, va ya wu dyela endlwini ya xikwembu xa vona, va nwa va ri karhi va sandza Abimeleke.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Ezekiele 23:41

A va hleyamile emasangwini layo saseka, swakudya swi vekiwile emahlweni ka vona; naswona a ku ri ni mirhi ya mina ya risuna ni mafurha ya mina layo nun'hwela kusuhi na vona.

Daniele 3:1

Hosi Nebukadnetsara a endla xifaniso xa nsuku; ku leha ka xona a ku ri 30 m ni ku anama ka xona a ku ri 3 m. A xi yimisa erivaleni ra Dura, exifundzheni xa Babilona,

Hosiya 13:1

Khale loko va ka Efrayimi va vulavula, a va rhurhumerisa vanhu; a va chaviseka exikarhi ka Vaisraele, kambe sweswi va wele enandzwini wo gandzela Baali, va tivangela rifu.

1 TIKRONIKA 29:16

We HOSI, Xikwembu xa hina, hi hlengeletile nhundzu ya ku ku akela yindlu leyo hlawuleka, kambe nhundzu ya kona hinkwayo hi nyikiwile hi wena, hikuva hinkwaswo i swa wena.

Ntirho 19:8

Xikwembu xi hingakanyile ndlela ya mina, xi yi funengetile hi xinyami, ndzi nga ha koti ku hundza.